السلام عليكم ورحمة الله وبركاتة

أريد أن أستشيركم في موضوع ، أنا فتاة لي 5 شهور تقريباً مملكة ، والحمد الله أنا وزوجي متفاهمين ،ولم تحصل الى بعض الاختلافات في وجهات النظر بيني وبينه... "شفنا بعض مرتين فقط ، لكن في الوقت الحالي نتكلم بالجوال بس"،ولم يبقى الأن الى أقل من الشهر على الزواج ، وبدأ الكلام بيني وبين زوجي يدخل في العميق ، في بداية الأمر كنت اسمعة فقط من غير تعليق،، لكن مع الوقت أصبحت اتفاعل معه ،، حتى أني ممكن أبدأ أنا في التحرش فيه بالكلام ، ودائماً يسألني أش عندك شيء جديد بالنسبة لموضوع الملطفات بين الزوجين ، وأش تسوين لي أذا شفتيني الحين قدامك ، وهكذا .... أنا صراحة أبداً ما أتكلم في "العلاقة الحميمة" بيني وبينة، لكن هو يتكلم أش بنسوي وهكذا ... ، لكن أنا في أفكار التحرشات والملاطفات ممكن بين وقت وقت أقول فكرة...
يمكن للحين 3 مرات زودها في الكلام ... وأنا خليته ،،، لأني دائماً اقول له بعدين بعدين ..

المشكلة : أنه قال لي كلمة شوي ضايقتني ، قال لي "أنا عارف انك تفكرين الحين (لما يزيد الكلام..شوي بينا عن العلاقة) زي ما أنا أفكر ... ومن زمان بعد ، أنا قلت له في أيش أفكر يعني؟ هو ابتسم ، قلت : خلاص خلاص ما راح أفكر.. مدام انك تشوف افكاري "قلتها بدلع" ، قال: يوووه أنا غبي اش خلاني أقولك كذا... أنا دايماً مستعجل في كلامي"
أنا صراحة مضايقة من كلمته لي " تفكرين .... و من زمان"، مع العلم أن زوجي خجول،، ويقول كنت دائماً متردد أتكلم معك في هاذي المواضيع .. وخايف انك تزعلين ،، وأنا أقول له : أكيد لما تعودنا على بعض صار الموضوع عادي.. حتى أنا صرت أقدر أكلم بجرأة أكثر،، مع أنه دائماً يقول لي : أنتي خجولة زيادة،، وأنتي الحين زوجتي وأقدر أجي الحين عندك....

يعني : لما يتكلم أخليه ياخذ راحته ... واتفاعل معه ... ،، أو اسمعة وبس؟ ، مع العلم أنه يتكلم تلميح ومرتين تكلم بصراحة عن أول ليلة بينا ..؟؟؟؟؟؟؟؟
ملاحظة : أحس أنه يحبني أكثر لما أتفاعل معه .. وأجيب من عندي أفكار..
أبيكم تعطوني أرائكم يا المتزوجين ... هل هذا يؤثر على مستوى الحب بعد الزواج، ويصبح ما في شيء جديد،، ومشوق بعد الزواج؟؟ أم أن هذا شيء عادي .... و ممكن يزيد الحب بين الزوجين؟؟؟
ولكم كل الشكر والتقدير......

الــرجل بما أنه زوجك على سنة اللــه ورســولة

لا تحــرمينه وتحــرمين نفسك

اما بالنسبة عن مدى تأثيرها على الحــب فلا اعلم

وفقك الله لما يحب ويرضى وكثّــر من العفــيفــات امثـــالك

__________________

ابتداء من 1 رمضان القادم ستبدأ الحملة الاسلامية الكبرى لمقاطعة امريكا

يعطيك العافية أخوي ... وجزاك الله الجنة..

صباح الخير اختي نوورر..
اولا الله يتمم لك على خير ويسعدك انتي وزوجك ان شاء الله ..

انا مثلك مملكه واشوف ان اللي تسويه مافيه اي شي غلط مادام انه زوجك ..
وبعدين مابقى على زواجكم الا شهر فشي طبيعي جدا انكم تتكلمون وتتعمقون بعد في الكلام ..
وانتي تقولي انك تحسي انه يحبك اكثر لما تتفاعلي معاه يعني خلاص وين المشكله !!

انا مثلك كنت في البدايه استحي اتكلم مع خطيبي في الامور الخاصه عشان مايقول عني اني افكر
مثله .. بس لما تكلمنا مع بعض شفت قد ايش استاااااانس وحسيت انه تعلق فيني اكثر ..
وبعدين لازم تبادليه الشعور والاحساس ..

اتمنى اني اكون افدتك حبيبتي .......




الاشراف / عفوا ان شاء الله تكتب على هذا النحو

اختي اسأل الله التوفيق لكما...
من وجهت نظري هذه الامور تعمق العلاقه الزوجيه ..بأعتبار ان حديثكم عن العلاقه الحميمه وما يدور في فلكها قد يخفف عليكم وخاصه الضغط النفسي من ناحيه التفكير في ليله الدخله وما يترتب عليها من امور لايجهلها احد..ايضاً حديثكم عن العلاقه الحميمه وخلافها يجعلكما اكثر انسجماً وشوقاً لسماع نظره الاخر عن تلك العلاقه وكيفيه اقامتها ..ويخرجكما عن بعض الاحاديث التي قد تتفوهون بها ويترتب عليها خلافات قد تتطور ...الخ
نصيحتي لكِ اجعلي نفسكِ مستمعه جيده له فيما يقوله عن العلاقه الحميمه وبادليه لكن بدون تعمق فيها او تهربًا منها او استرسال فيها ..بمعنى سايريه في كلامه بدبلوماسيه ..


.

الشكر الجزيل لكي أختي "أحلى من العقد "و أخي "العازم" فا والله أني أستفدت الكثيييييييير من أراءكم وتعليقكم على الموضوع.كل الشكر والتقدير....

يبااا عادي

الله يوفقج معاه

ياريت مرتي تاخذ من افكارج هع

تقبلي مروري

اشوف طبيعي ولكن بحدود بحيث انه ما تفقد حلاوتها قدام

يعني اذا كان الزوج ذكي وفطين يرسل رسائل يوصلها لزوجته ويشرح وبشكل مبطن في بداية الامر عن العلاقه ما يجرد الموضوع خاصة العلاقة الحميمة لانو الزوجة تستحي

طبيعي اللي بينكم ولازم تتعود على بعض وتاخذون راحتكم مع بعض

__________________
[/COLOR][/SIZE]



كيف يمكن ان اصطحبك في الطريق ادا كنت أطير برقا وتسير سلحفاة فاما أن أسبقك واما ان تؤخرني

طالما الامر يقتصر على الكلام فقط
عااااااااااااااادي جداً عادي
بل الكلام في مثل هذة الامور مطلوب
في هذا التوقيت بالضبط
خصوصاً باقي أقل من شهر على العرس
فعادي حببتي لو تسولفو وهو
أكيد يحب يسمع منك هذا الكلام
ترى يموتو بهالسوالف
فتركي العنان لكل ما يدور بخلدكما
وبعدين انتم متزوجين الحين وهذا الا كلام
وبيزيد من شوق ولهفة كل واحد فيكم انتضاراً ليوم الدخلة
ربي يسعدكم ومبروووووووووووك العرس مقدماً

السلام عليكم

ارى المسألة بسيطة و لا تفكيري كثيراً و الافضل عدم التعمق في امور العلاقة الحميمية وخليها لوقتها ..
والحمد لله ان الدخول سيكون بعد اقل من شهر
يعني لا تستعجلين على الامور

ولكن ما يتم الان عادي و طبيعي و يزيد اواصر المحبة و الشوق بينكما

موفقه ان شاء الله ..

__________________