السلام عليكم ورحمة الله وبركاته

انا متزوجه من اربع سنوات وعندي طفل وحامل بالثاني وكذا مرة أقرأ عن الاشعة الرباعية والحوامل كثير ينبسطون منها ولاحصل اني سوتها بحملي الاول وقلت بسويها بالثاني ان شاءلله ولمن فاتحت زوجي بالموضوع رفض ويقول ماله داعي وخساير على الفاضي !!! وانا حاولت اناقشه انه حلو واختي سوته واخته سوته وكلهم يقولون ذكرى حلوة وانا ماجربتها بالاول وابي اجربها بالثاني ومع ذلك رااافض وبشده مع انه مو بخيل ولامسرف يعني ماسك العصا بالنص بس بهذا الشئ مو راضي يقتنع..علموني كيف اقدر اقنعه وانا نفسي اسويها هلمرة نفسي اشوف جنيني وهو ببطني ويكون عندي شريط ذكرى له ان شاءلله .

جزاكم الله خير

حبيبتي اسمعي كلام زوجك
ومادام ما في ضرورة بلاش منه
واصبري هي كام شهر وابنك يكون بين ايديك
بارك الله فيك وحفظك لزوجك واولادك

__________________
اللهم ان كان رزق حبيبى فى السماء فانزله وان كان فى الارض فاخرجه وان كان بعيد فيسره وان كان اجلا فعجله

اطيعي زوجك

ادعي لجنينك يكون من الذريه الصالحه

افضل من اي ذكرى

__________________

[quote][/quote] اقووول وسعي صدرك يا اختي , الخير فيما اختراها الله دام زوجك ماهو مقتنع في الاشاعه
توكلي على الله وانسي وان شاء الله الله يوفقك معه ويتمم عليك اولاده وانتي بخير وطفل يجي لدنيا هذي بخير وشكرا

اختي الغاليه
السالفه ماتستاهل
ودام زوجك رافض ا خلاص انسي الموضوع
علشان ماتتطور الامور وتتحول السالفه زعل
لا سمح الله
الله ييسر حملك ويسعد قلبك حبيبتي
تقبلي مروري

__________________

عادي جدا له قناعته في هذا الشي وهي ليست ضروره حتى لو عملت من غيرك ... بلاش مقارنااااااااااااااااااااااااااااات

ماأدري ليش الرجال يرفضونها ..!

أتوقع يشوفونها شكليات مالها داعي

أنا كان زوجي مو مقتنع مرة بس الحمدلله سويتها

أخوي لما كانت زوجته حامل مدري وش جاب الطاري وجلسنا نتكلم عن هالأشعة وزوجته ماكانت موجودة فقال تكفين لاتقولين لفلانة تبلشني فيها الحين، قلت ليييييش حرام عليك خلها تسويها قال مافيه أمل أدفع 500 عشان أشوف صورة ولدي وأنا كلها شهر وبيصير بين يديني

تعاليله بطريقة ثانية إنك تبغي تطمن عالجنين من ناحية الأمراض ..
وتطمني عالقلب انه سليم اولا..
و إن شاء الله يقتنع