السلام عليكم
وتقبل الله طاعتكم

جهزنا انا وزوجي برنامج للعيد
ترفيهي لنا وللاطفال
واشترينا هدايا وغلفناها
وهدايا لاهلي ولاهله
وانا شريت ديكورات وزينة

المهم
قبل ثلاث ايام
كان زوجي مزعوج جدا بدون سبب
مره يقول عشان ازعاج الاطفال
ومره يقول مشاوير رمضان والحر
ومره يقول نومه ملخبط وصداع
وانا مره اهون عليه ومره اتركه

حتى طلعت امس من المطبخ
مفجوعه بصوت بنتي تبكي وتستنجد
وزوجي فوقها يضربها بعنننف
ويشتمها
وقفت مذهوله وماتكلمت
التفت علي
ناظرته بغضب من فوق لتحت
وماكلمته ولا كلمه
جاء يصرخ علي
ايش هالنظرة؟
شايفه نفسك على ايش؟!!
قلت اسأل نفسك ايش هالتصرف؟!
قال لانك ماربيتيها
لانك وحده ----- الخ

لاحظوا هالكلام قدام بنتي

وانا لازلت ماسكه اعصابي
قلت له وانا ابكي: انا تقول لي كذا؟!
انا؟


تركني ومشى
وجاء قبل الفطور بنص ساعه
وانا رحت طقيت الباب لحد مافتحه
وقلت له انت انسان وقح وغير محترم
ولا تنفع تكون لا اب ولا زوج
ودام هذا كلامك لي ردني لاهلي الان
قال الباب يوسع جمل
رحت لميت اغراضي
وقلت له عسى جمل يوطاك يا قليل الخاتمه
قام خنقني وقال ايش عيديها؟
عظيت يده عشان يتركني
وانكسر سني


اذن المغرب
ورحت افطرت لحالي
وتركته مع الاطفال
جاء بعد الفطور يهدي الموقف
ويحملني جزء من المسؤوليه
عصبت عليه وقلت له سني انكسر بسببك
قال يلا قومي الدكتور
رحت مستوصف جنب بيتنا
قالوا لازم زراعة سن وتلبيس وتركيب عظم
المهم يكلف 9 الاف ريال
واحنا اساسا مزنوقين بمصاريف العيد والاجازه
زوجي حجز الموعد بالعيادة
ولما طلعنا قال انا محرج منك كثير
ماقصدت اتهجم عليك ولا اكسر سنك
قلت له انت كسرت كل شي داخلي
قال البنت كانت تتفل علي وتضربني
كنت مضطر اربيها ونظرتك قهرتني
قلت مو مبرر تشتمني وتعنفني
جاء وباس راسي واعتذر
تركته ومشيت



امي حبيبتي كلمتني
وقلت لها اكلت حاجة جامده وانكسر سني
احس انها ما اقتنعت
سألتني مره ثانيه
يابنتي علميني كيف انكسر سنك؟
عدت لها نفس التأليف
وانا قلبي يتقطع من الهم
وزوجي يقول لي خلاص كل شي بيتصلح


افكر اجاريه لحد مااخلص من العمليه
ويدفع هو المبلغ كامل
بعدها اروح لاهلي بدون رجعه
بس قلت استشيركم



العيد جاي
وانا بعد كرف رمضان
جازاني زوجي بكسر ونكد
بدل ما اخذ موعد اصبغ شعري
والا انظف بشرتي للعيد
اخذ موعد جراحة ومستشفيات

حسبي الله ونعم الوكيل
بداخلي نار يا ناس
لحد يزيد ناري الله يرضى عليكم
يا متزوجين ويا متزوجات
موقف زوجي يقبل السماح؟
انا نفسيتي تعبانه من امس
ما ادري اترك البيت والا ابلعها واسكت

اهلي ما يطيقون زوجي نهائي
وعلاقة والدي مع زوجي سيئة جدا
رسميين مع بعض لابعد حد
بسبب مشاكلي السابقه معه


وانا واقسم بالله وانا صايمه
اني انسانه راقيه جدا بتعاملي معه
حتى لما غضبت من ضربه لبنتي
ناظرته بغضب.. يعني اعتراض راقي
لا حاسبته ولا رفعت صوتي عليه
لكن هو لسانه متبري منه
سبني بكلام سيء بسبب هالنظره
استفزني بأقصى قوته
مره بضرب بنتي
ومره بشتمي

وبعدها هرب وتركني
ورجع وانا شايطه عالاخر منه
ما ادري ايش اعمل
طلاق وصعب
امشيها له صعبه
او اقاطعه من هنا لبعد العيد
لا ابي اعايده ولا يعايدني
اللي يستقوي على طفله وامرأه مو رجال


مقهورة يا ناس
وزاد قهري باتصال امي
قلبها حاس
قفلت منها وانا كارهه نفسي


الله يكفيكم شر القهر

بعيداً عن كل شيء ، ليش مع كل مشكلة تطفو فكرة الطلاق للسطح!
ليش كل هالتأهب ...
هو غلطان من ساسه لين راسه ، لكن مو معناته على طول طلاق
أو الزعل ببيت الأهل..
معاج حق تنقهرين من سوء تصرفه مع ذلك تراه هو أب - وإن كانت طريقته في التأديب قد لا تكون ملائمة
إلا أنه أبوها ، مثل ما انتي أمها
وكلنا انطقينا واحنا صغار .. 😅 طبعاً عدا الطق اللي يترك بقع عالجسم

بتزعلين ازعلي ببيتج...

__________________

حاجة الناس إليكم من نعم الله عليكم ، فـ لا تملوا النِعم ☁✨

صح كلامك يا زين
اللي قاهرني كل شي صار بدقيقتين
شبت حريقة بسم الله من ولا شي
واخرتها انا باكلها جراحه وتعب
وبعيد ولثتي وارمه هذا غير الألم
حسبي الله ونعم الوكيل

طبعا اثار العظ كبيره بذراعه
بس هو السبب
لانه مسك رقبتي
ويقول بعصبيه: اسحبيها اسحبي كلامك
كأني كفرته والا قذفت اهله

الحين هو يتكلم معي طبيعي
بس انا زعلانه منه مره
وزعلانه على سني اكثر شي
لكن مهديه الامور وساكته
لحد ما يتعدل وضعي واخلص مواعيدي
لانه مقهور عال9 الاف
بس ماله عين ينطق
وادري جته بوقت غلط
لانه صارف بالهبل هالشهر
قال لي في عياده يسوونها ب3 ألاف
قلت له نو.. ابي استشاري تجميل معروف
فانا متحاشيته الان

الحمد لله على السلامة

والحمد لله انها جات على سن وعضة بدون طلاق وشتات

انا عندي سؤال:

بعد ماحصل لكي هذا الموقف واكتسبتي خبرة

بماذا تنصحي الزوجة التي تكون بالمطبخ تجهز افطار رمضان وكارهة نفسها وتعبانة وتاركة بنتها مع ابوها في احدى الغرف

الا وفجأة تسمع صوت صراخ وصياح في الغرفة التي بها زوجها، وركضت مفزوعة وفتحت الباب ووجدت منظر مهول : وجدت زوجها فاقد اعصابه ويضرب البنت بشكل جنوني وهستيري ويشتمها بشتم لايليق بالكبار فما بالك بطفلة صغيرة.

هنا اختي تركتك لله بحكم خبرتك بماذا تنصحي هذه الزوجة؟

__________________

اسأل الله ان يصلح حالكما و ان يوجهكما لما فيه خير لك و له

__________________
أشهد أن لا إله إلا الله و أشهد أن محمدا رسول الله صلى الله عليه و سلم

تركتك لله اسمحيلي اقولك موقفك مره غلط

عضيتيه مره وحده حقيقة ما أقدر أتخيل مره تعض و خاصة تعض زوجها

أسأل الله أن يصلح حالكم

لاحظي انت السبب في تصعيد الموقف

أسلوبه خطأ مع البنت و أنت جعلتيه يزيد و ينفع بزيادة بنظراتك المستفزة

هو طلع عشان تهدي النفوس لما رجع رحتي و هاجمتيه بالكلام و من ثم صعد الموقف

و بعده عضيتيه !!!!!

و انكسر سنك و سببتي له أثر قوي في يده !!!!

---------

في صديق لي أخبرني ان جارهم عضته زوجته و بصراحة ما قدرنا نتخيل الموقف و كانت القصة صادمة و مضحكة في نفس الوقت

الأنثى ماهو من صفاتها هذه الأمور

زوجك هدى الوضع و بيعاملك بطيبة الآن خلي أمورك طيبة ترى أنت اللي عضيتيه و انت اللي تسببت بكسر سنك

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

كالعاده يغلط وانتي رده فعلك غلط
هو اكيد غلط يضرب البنت
لكن جملك جمك يتوطاك
بروح لاهلي
عض
انت وقح
انت انت
كلكم غلطتو
ياما نصحناك
اذا استفزك لاتودي بغلط
خليكي مكبره واسك
وكلميه باسلوب وحزم وادب بنفس الوقت

اعذريه والله راح يحاسبه
تصير احيانا يدخل الشيطان بين اي اثنين.
اذا هذه اول مرة يوصل لهالمرحلة من العصبية.
سبحان الله ماتعرفين شو في نفسه.
حاولي تنسي اللي صار..لو انه صعب بس حرام عشان العيال يستانسون بالعيد

اي شيطان! اللي اعرفه الشياطين محبوسة في شهر رمضان