تهديد من زوجي بأنني خائنه..!!!

زوجي دائماً يقولي لي أنت أكيد تعرفين واحد قبلي ... واكيد أنك حبيتيه ..وتقابلتي معاه...
واكيد تحدثتو مع بعض...وصار بينكم ماصار حدث وأحداث....
وانا تعبانه نفسياً قلت له لا أعرف احد ولا عمري كلمت أحد ..حراااام عليك تسوي فيني كذا ..قالي ماراح ارتاح إلا لين تقولين لي وابصراحه منو هذا الي حبيتيه.. وتعرفتي عليه...
قلت شنو منو هذا قلت صدقني اني مااعرف أحد وليش أنت صاير شكاك والظن عاميك...
عمر الي يحب مايسوي كذا....

قلت له وابصراحه اذا أنت تحبني صدق كلامي والايام راح تثبت لك....
وانا في حيرة مدري وش اسوي معاه تعلت كل يوم على هذا الموال وهالاسئله...

ممكن تساعدوني بحل ...............؟؟؟تكفون اترجاك تعبت وياه...
الله يصبرني على مابلاني ...والحمد الله على كل حال.....


تحياتي
اختكم الحزينه (وردة حمراء)

وش اللي خلاه يوصل هالمستوى؟؟ شاف شي صار شي وليش جاي يقول هالكلام الحين بعد ما تزوجك؟؟ وكم صار لكم اصلا متزوجين ؟
هو اكيد شايف شي او توهم شي !!

والله اختي الحاله غريبه مره .. ولكن ..
يمكن عنده ملاحظات معينه .. عليك .. ويتخيل امور .. ويصدقها ..
لاحظي تصرفاتك وطريقتك التي تكون تلقائيه ..بعض المرات ويعتقد من ورائها .. امور معينه ( بليس ملعون ) يعني مثل طريقتك في الرد على التلفون في وجوده ..أو التعليق على مشهد ما في مسلسل أو فيلم أو قصه واقعيه ما .. ويكون وراء ذلك تصورات منه .. وبناء درامي في عقليته ..ويستطرد وراء خيالاته ! أو أو الخ .. لعل وعسى
واهم مافي الأمر .. حاولي تكوني أهدأ مايكون عند .. فتح هذا الموضوع ..
الله يستر عليكم .. ويهدي سركم .

__________________
يالله ارزقني صبر أيوب

معلوماتك ناقصة في سرد القصة وبتصرفاتك تستطيعي ان تلغي سوء ظنة

إلى الأخت ورة حمراء
ياريت اختي توضحين وش اللي خلاه يشك فيكي

الاحظ ان اغلب الردود على الاخت وردة حمراء ، تتركز على كيفية صرفاتها هي ، مع انها ما طلبت المساعدة إلا لأنها تعاني من سوء ظن زوجها وشكه القاتل رغم انها عفيفة محترمة ، لا تسمحي لزوجك ان يشكك في عفتك وشرفك ، خصوصا انك واثقة من نفسك ومن عفتك ، لا تدافعي عن نفسك عندمايبدأ هو بإلقاء التهم ، بل كوني حازمة معه ، وانك لن تتقبلي منه هذه الاتهامات وانك ستطلبين مساعدة وتدخل اهلك وأهله ، صدقيني ان استسلم زوجك لأوهامه سيحول حياتك الى جحيم وليس له الحق (فإن بعض الظن اثم ، ذكريه بجزاء قذف المحصنات الغافلات ، فكيف بزوجته العفيفة .
هذا الشك لن يحل باللين بل باتخاذ موقف حازم .

أخواني واخواتي الأعضاء.... اشكركم على تعاونكم معي....

افهموني ...أنا واثقه من نفسي ومن تصرفاتي...والحمد الله مافي أي شي دليل على كلامه...
بس أنا اكتشفت ذلك أيام الخطوبه...
في مره من المرات ..جائني اتصال في منتصف الليل على الجوال وانا كنت عند اهلي لاني مازلت مخطوبه.. رديت على الاتصال وكانت وحده من صاحباتي..تفاجأت وقلت لها ماذا بك ..قالت لي محتاجه اتكلم معاك في امور تخص الدراسه ضروري لان مااقدر اجلها لبكره...
قلت لها كلميني على المنزل اوفر من الجوال قالت لي خلاص راح اتصل جوالي كان مافي شحن وقفل رحت وحطيته بالشاحن..
واتصلت صاحبتي وكلمتها ونسيت الوقت راحت اسرع وشغلت الجوال إلا في اتصال مزعج دائماً يصل علي.. رديت لانيم انتبهت للرقم..
إلا في اتصالثاني جاي من خطيبي.. رديت عليه وقلت له ان انا اكلم صاحبتي.. عصب علي قالي في نصف الليل جالسه تكلمين اكيد انتي تكلمين واحد ...
قلت له وش هذي الاتهامات اذا مومصدق هذي امي واختي شاهدين....
ناقش امي واختي واكبرت السالفه ....
ومن بعدها وهو يكرر لي هذي السالفه اكيد انتي خاينتني قبل ....
ابكي واقوله حرام عليك ليش تسوي فيني كذا...انت تحبني ولاتخلي الشكوك والظنون تهدم حياتي وحياتك... راح تندم عليها بعدين ومو اللحين.........

وهذي السالفه الي إلين اللحين اسمعها كل يوم...........ز

واشكر كل من اسدا لي نصيحه من قلبه...

تحياتي
الحزينه(وردة حمراء)

بسم الله الرحمن الرحيم
الى الوردة الحمراء
يا اختى كان الله فى عونك قبل كل شى
وانا اقول لك هاد يعنى موضوع ما اله حل بصراحة ومعقد وهاى راح تكون انا متاكدة انها فقط عقدة فى زوجك او حالة نفسية
وصبرك الله على بلواك واصبرى فالصبر مفتاح الفرج
اختك (جريحة الاقصى)

أختي الفاضلة..



ولماذا يبقيكِ على ذمته إن كان يشك فيك؟!!!!!!!!!!!

ولماذا تزوجكِ أصلاً ما دام شكه هذا موجوداً منذ أيام الخطوبة؟!!!!!!!!!

هل هي رغبة في تعذيب الذات مثلاً؟!!!!!!!!!!



عزيزتي..

بصراحة لا أجدكِ مجبرة على تحمل هذا الحصار النفسي ولا تلك الاتهامات التي لا أساس لها .. ولا أجد في بكائك واستعطافكِ له حلاً إلا استمراره في الشك واستمراء قذفكِ بما ليس فيكِ!!!

ومن الواضح أنه رجل مريض بالشك من الأساس .. والحادثة التي حدثت أيام الخطوبة ـ رغم أنها لا تستحق كل هذه العصبية والغضب ـ كانت فقط المفتاح الذي فتح الباب للشك الموجود أصلاً في شخصيته وعقله!


كما قالت البتول .. الأمر يحتاج لوقفة حاسمة وموقف حازم .. فتوقفي عن البكاء وقفي بقوة في وجه هذه الاتهامات التي تهلك أعصابكِ وتنغص حياتكِ.





أعانكِ الله.

__________________


اللهم طِيبَ الأثر .. وحُسْنَ الرحيل.

بصراحة كلام الأخت مهرة سليم 100% ولست مجبرة على تحمل هذا الإنسان المريض ...
قد تتجاوز المرأة في أمور كثيرة إلا الاتهام في عفتها وشرفها .. قفي في وجهه بحزم أو اجعلي أبيك يقف في وجهه وأما أسلوب البكاء هذا فهو يجعله يصدق اتهاماته ..