السلام عليكم ..

مشكلتي مع زوجي عنيد ....ويحب الجدل بشي خيالي ...ومزحه حلو بس ثقيل ..وكتوم عن نفسه ما اعرف ايش الي بخاطره الا بشق الانفس انا ما اخليه بس اتعب كثير الين اعرف وش فيه

انا اقولكم شي هو كنه البخت اللهم لك الحمد والله لو افتر الدنيا ما بلقى بطيبه قلبه ولا ببساطته وقناعته وحياتنا حلوه ومستقره كثير ويارب دوم

الله لا يحرمنا منه مو مقصر لا علي ولا على عيالي ولا احد منا حبوب وعسل ويخاف الله كثير

بس لما يزعل تنقلب الدنيا ..سواء منا او من غيرنا حتى لو يزعله العامل مو احنا

يبدا ..يعاقبنا التلفزيون يتسكر ..والكمبيوتر وووووو زعلان

يطلع عيوبنا كلها .....زعلان

وتبدا حاله السكوت في البيت ...زعلان

طيب احنا وش دخلنا ؟؟؟لو احنا الي مزعلينه امنا بالله

هو صراحه هذار وانا اكثر منه فما اتحمل انا ولا هو ان نتزاعل وربي لو تزاعلنا وكبر الموضوع وصل قمته جلسنا يوم ويوم ونصف ولاو نتحرش في بعض من الي يفكها قبل

لازم اراضيه حبنا فيه... وخوف من الله ...والملايكه لا تستلمني في الليل تلعن فيني...

الي ابي اقوله وشلون اوصله انه ما يحط حرته فينا ..ولو يزعل يصير اخلاق ...وان مو كل شي يسويه قضيه وياخذ ويعطي فيه
هو تعود على طبعي قله المجادل بس احس اني خانقته ...

فيه معلومات عنا يمكن تساعدكم ...

انا ما عمري طولت صوتي عليه ورفعته الا مره لما كنت حامل في التاسع مسحت فيه الارض صبر 6 سنوات طلعته وياحرام سكت ..درى انه طفح الكيل

لما يزعل اتحاشاه من ارد عليه ..ولما نرضى ما احاول اذكره بالي سواه لاني عارفه انه كان زعلان

اتنازل دايم بس بي الفكه من زعله لان عندي قناعه ..الشي الي يجي بالزعل والهواش بلاه افضل حتى لو كنت ميته عليه


اهم شي احس اني فاهمته كثير اعرف وش يقصد ..ولما يحوس ويقلب الدنيا اعرف ليه وش يبي ..لما يبي يوصل لي شي من دون تصريح اشكه بسرعه ..فانا اقول قد تكون هذي اسباب عصبيته اني مو فاكته ومحاوطته ..


بس والله بحب وحنان ..مو قوه .وهوعارف هالشي

فياليت ما تبخلون علينا بشي

__________________
انا الدلع و الولع ..و نور سطع ..و برق لمع.. تدري لو شافني القمر استحى ما طلع