زووجي كويس معاي وحنون ومع اطفالي ورائع وطيب
ولاكككن .... المصيبه العظمى
كل ماافتح سجل البحث عنده القى حسابات شواذ من ضمنها
وش رايكم ايش اتصرررف
واجهته وقلت هذي ليش تطلع لك اول شيء حاول يتلكع وقال تطلع كذا بوو وقلت انا ماتطلع لي
المهم بعدين قلت انت قد شفت اشياء كذا اول شيء قال لا مااشوف
وبعدين قلت انا زوجتك وحبيبتك صارحني عادي لو من باب الفضول قد شفت كذا قال اي زمان اوقات من الفضول والفضاوه اشوف !!!! ليته لم يقل كرهته
وقلت ايش تشوف فيها هذي اشياء مخالفه للفطره ووو قال بس فضاوه وقبل الزواج
انا ماعلي من كلامه بسس سوالي للرجال هل معقول احد يشوف ذي كذا ولاعنده ميول ومعناته انه شااذ
والله الف فكره وفكره خايفه حتى ع اطفالي مع انه رائع معاهم
وخلااص كرهت كل شيء ومثق باحد

__________________
مضى مامضى والله على المقبلات يعين ..! وعسى الله يزينها على القلب لاشانت~

وين الناااس
بليييز احد يساعدني
وربي مهمومه
دحين هل ممكن الواحد يشوف اشياء كذا فضول ؟؟

__________________
مضى مامضى والله على المقبلات يعين ..! وعسى الله يزينها على القلب لاشانت~

مرحباً أختي

سبحان الله الواحد تكون حياته ماشية تمام وواثق في الطرف الآخر وموكل أموره على الله

لكن التفتيش والبحث والسؤال يفسد على الإنسان حياته

أختي
زوجك أحترمك في البداية ومارضي يقول لكِ وساتر على نفسه .. وفضلتي تزني وراه وطمنتيه لحد ماقال لكِ .. والحين بدءت المشكلة عندك والواساويس أشتغلت .

خلاص زوجك قال لكِ فضول وفضاوة صدقيه وأنتهى الأمر ولا عاد تفتشي وراه إلا إذا كانت هناك دلائل لاحظتيها عليها .. أما غير ذلك عيشي حياتك بأمان ولاتخربي على نفسك .

وبالنسبة لجوابك نعم هناك من يرى كل شئ مهما أختلف نوعه وقذارته من باب الفضول والمعرفة


أعانك الله

مايفعله زوجك غلط..لكن ليس معناه أن لديه ميول..
كثير من الناس يشاهدها من باب الفضول فقط..

__________________

طعنة العدو تدمي الجسد،وطعنة الحبيب تدمي القلب

الرسمي وعميييد البلوت اجاباتكم طمنتني او اطمن نفسي لو بالكذب
مع اني اعرف ماانسى وماني مغفله وساذجه لو كذا احسن لي بس انا انتبه لكل شي
بقووولكم السبب اللي خلاني افتش او اتعمد اشوف البحث
مرا وانا مااقصد افتش هو كان نايم توه والجوال ناسيه مفتوح ع سناب والسناب دا شيء سيء وكل محتواه كذا مو سنابه الاساسي غيره وفيه رسايل لذولي يالبيه ياحلوو بكم تقاابل ومن هالكلام
وقتها صحيته من نومه وثرت عليه وش ذا المفتوح بجوالك وو قالي هذا صاحبي طلب مني الجوال يقول بيفتح سنابه ونسى يسجل خروج وطلع بزرنجي طبعا وقتها اطالع بتعابير وجهه ماحسيته يكذب حتى يكلمني عاادي وقلت وش ذا كيف تعطيه قال طلب جوالي وهو دايم يعطي جواله لي او للي يطلبه من اخوانه واصدقاه الاقي مصورين نفسهم بالاستديو
المهم خليت لين صلى وجبت له المصحف وحلف عليه و بعدها نسيت السالفه او تناسيتها بس اكون حذره
وعندي طفل يتيم وطبيعي بخاف واحرص مع انه يعامله افضل معامله ومعروفه علي فوق راسي انا وطفلي اللي تربى معاه ويناديه ابوي
اناا احسه صادق بالسالفه الاولىى بس ماادري
اطنش واسيبه ولا اراقبه كل فتره
وهووو طبيعي جدا فالعلاقه

__________________
مضى مامضى والله على المقبلات يعين ..! وعسى الله يزينها على القلب لاشانت~

عزيزتي لا تخلي لوسوسة الشيطان تدخل في حياتك الزوجية صدقيني الشك رح يخرب كل شي حلو بيناتكن ورح يتعبك الك قبل كل شي
حلو الواحد بكون منتبه بس وقت يشوف او يلاحظ في تغيير او تصرفات مش طبيعية
اما غير هيك خدي عالظاهر وعلى المواقف خلال عشرة العمر

دعواتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه