السلام عليكم فيني ف قلبي غصه وقهر وهم مااقدر ارتاح ف ملحقي رغم انه زوجي موفرلي مطبخي الخاص وغرفه نوم وصاله وانا عاجبني لين الله يفرجها لكن أمه وبناتها كرهوني ف الملحق كل مادخلت مطبخي طبخت لي حاجه جاتني وش تطبخين نبغا منه تحشر نفسها ف كل حاجه وتجلس معي ف المطبخ وانا ماخذ راحتي احس بثقل وانا اطبخ حقي وحق زوجي ماطبخ شي وايد ودايما طلبات تجي تأخذ أدوات من مطبخي واكل ماكانها عندها اولاد غير زوجي تطلب من عندهم مأذيتني ياناس اذا فتحت لها مجال وعطيتها وجه خلاص ماتروح عني تجي كل وقت ف ملحقي ماتخليني البس اللي ابغاه ولا أتنفس تجي تشوف تلفزيون معنا وتجي تفرض نفسها وتدخل غرفه نومي وتاخذ ولدي وتشله مع بناتها الغثيثات انا ماحبهم يأخذون ولدي عني هذي قله أدب تجي وتأخذه وتدخل علي وانا اصلي انا ماطلبت منهم ياخذوا ولدي عني انا دائماً أكون مشغووله بولدي ماافضى حقهم . الله يعزكم حتى ف الحمام لما أسبح ولدي تجي تدق علي الباب تبغا شي من المطبخ وتكلمني وانا ف الحمام هالكتني بتطفلها الزائد وتدخل غرفه نومي تشوفني لما البس ولدي وتفرض رايها سوي كذا وحطي كذا ... انتي شكو 😤😤😤😤 ليش دازه بوجهك كذا !!! اكرهها ياناس مااطيقها مااقدر اجلس بروحي لازم تجي تغثني ولازم تجي تأخذ ولدي وش اسوي لها؟ كيف اطردها عن حياتي اهيه وبناتها السخيفات .. دائماً ياخذوا اغراضي ومعظمهم يأخذوها ما يرجعوها اهتلكت منهم وزوجي مش راضي يبنيلي بيت ويريحني من أهله الزط تخيلوا حتى يجوا ياخذوا مقص أظافر من عندي !! وايد هالكيني ياناس 😭😭😭😭 ماا حبهم

سكري باب شقتك ولا تفتحي الا اذا كنتي فاضيه
واذا كنتي في حمام او بتصلي مفروض تكوني مسكر باب

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

عاد تبين الصج
احسهم شحلاتهم وعلى نياتهم
بس انتي تبين خصوصيات
وهذى حق لك
تقدري تستخدمي اسلوب التلميح
ومثل ماقالت اسعد فتاة
اقفلي باب شقتك
ولاتفتحي كثير

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

صحيح انه اهل زوجك يزوروك بزيادة
ولكن كرهك لهم زائد وغير معقول ولايجوز لانهم مسلمين ولايجوز كمسلمة كرهك للمسلمين

عموما لنقلب الادوار
لتكون ام الزوج هي امك
وزوجة الابن هي زوجة اخيك
وامك بدافع حبها وحنانها تأخذ ابن اخيك في كل وقت
وبدافع مللها وحبها لزوجة ولدها كل شوي طالعه عندها وقاعده بجناحها
وقرأت هذا الكلام الذي كتبتيه عن لسان ومشاعر زوجة اخيك

ماهو شعورك؟
وما تفسيرك لتصرفات والدتك؟

برأي احسني التصرف والاستقبال والبشاشه شهر كامل معم
بعد ذلك بطريقة لطيفه ودودة ضعي حدود في التعامل والزيارات وكذلك اخذ الولد بدون ان تجرحي او تغضبيهم

مثلا قولي لام زوجي يا امي او ياعمتي
شو رأيك تاخدين ولدي مرتين بالاسبوع بأيام محدودة وقت انا بخلص شغلي

وبأسلوب لطيف
تفهميها انها تطلع عندك فقط يومين بالاسبوع
واقفلي بابك دائما وباقي الايام ولاتردي
اذا كنت مشغوله

واعتذري انه كنتي تصلي او تتحممي او نايمه او غيره

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما

حتى لما يريحونك شوي وياخذون ولدك تزعلين
حاولي تشيلين اللي بقلبك عليهم
لان ممكن هم حابين يندمجون معك
ماشوفهم حرضوا او اذوا

حسيتهم لطيفين
احد لاقي حد يشيل ولده
واكيد ساكنين بلاش فعادي لو اخذو اشياء واذا طولوا مارجعيها اطلبيها
اذا جيرانا وهم جيران يمونون علينا ويستلفون منا
فمابالك باهل بيت واحد
اتركي الحساسيه وطولي بالك
وخلي نفسيتك حلوه
بكره يفرجها ربي على زوجك ويبني لك بيت
اطلعي بالزينه

شو وش حلاتهم !! الشي اللي يزيد عن حده ينقلب ضده . همه يجوا بشكل يومي ودائم مايعطوني فكه تخيلي حد يجيك كل وقت وحتى آْنَـỲǑŲـْتي نايمه مع زوجك يدخلوا !! اذا ما قافله باب غرفتنا يدقوا الباب صّـْْ(☑)ـْْحّ ‏بَـßÊـسّ يفتحوه عقبها ويشوفنا نايمين !!! مب لهالدرجة عاد !

امي مستحيل تجي تدخل ع زوجه اخوها وهيه نايمه مستحيل تأخذ زمام الامور ف ملحق ولدها . انا اعرف انهم طيبين ‏بَـßÊـسّ عنجد سخفوها انا ما حب التدخلات الزائدة .والزيارات اللي تزيد عن حدها انا عندي شغل مب فاضيه حقهم طول الوقت .اذا بينت اني أبغيها خلاص ما تروح عني بتظل ف ملحقي هيه وبناتها مايجوز كذا انا ابغا انام ابغا ارتاح من الذوق ف أدب الزياره مااطول الجلوس ومااجي كل حين ومو ‏بَـßÊـسّ هذا يبغوني احيانا اطبخ لهم وهمه عندهم خدامه وبناتها موجودات معها انا معي طفل صغير مب قادره احصل وقت حق نفسي عشان اطبخ لهم .ولعلمك لما كنت حامل كان يجيني لوعان الحمل ماقدر اطبخ كنت أخذ من عندهم وهمه ما يعجبهم اني ماساعدهم ..كيف اساعد وانا ماتحمل ريحة الاكل كانوا ذاليني على لقمة العيش ‏بَـßÊـسّ الدنيا دوارة بيجي كله ف بناتها ان شاء الله

زوجي ما يحب اني أقفل الباب عشان أهله يجوني .

سبحان الله ما ارتاح احد يأخذ ولدي عني احب ولدي ماريده بعيد عني يسليني ومعطيني جو لما يأخذوه احس بفراغ ثانيا هذا ولدي انا اللي راح أربيه ماطلبت منهم . بناتها يتضاربوا عليه انا ابغي أشله والثانيه تريد تشله ويمسكوه ويشدوه من أيده كانهم أطفال طيب راح تؤذوا الولد لسه صغير ما يتحمل ذي الحركات السخيفه .