السلام عليكم
ان شاء الله كلكم بخير
يااخواني واخواتي
انا عرسي بعد سنه اذا الله كتب ويمكن اقدم على حسب الظروف المادية
انا ودي اسوي عرس عائلي او محدود يعني اهلي اهلها خوالي عمامي وهي بعد
لكن انا من قبيلة معروفة جدا
وجماعتنا دايم تسوي العروس بالقصور وعارفين البذخ والصرف الخ.. شي مولم للاسف
فا افكر اسوي عرسي ب استراحة وتكون محدودة
ليس لظروفي المادية الحمد لله مع مرور السنه اقدر اجمع كم قرش واسوي عرس
لكن اشوف انها حرام ادفع من 40 الى 70 الف في ليلة مو ليلة كامله بعد ( 4 ) ساعات فقط
وكله على ظهري انا شخصيا محد مساعدني لان كل واحد مشغول بنفسه
انا كل ماقول لاحد من الشباب يقولون فكرة ممتازة ويشجعوني طبعا زملاء العمل
لكن الخوف اسويها واول نقطة
اول البنت يمكن يرفضون ويقولون ليه البنت فيها شي ولا عايبه
ثم يمكن جماعتي يقوولون عني صلبي ومن الكلام ذا انت فاهمين
مدري وش اسوي محتار جدا ولا قلت الا لزملاء العمل
اشوف ال 40 الف ذي اسافر فيها انا وزجتي نلف فيها اسيا ولا تركيا ابرك
للمعلومية عندنا زواجات عائلية او بسيطة من كبار السن ( الشيبان )بالجماعة يعني يجيب 3 ذبايح ويعزم كم شخص والسلام عليكم
عكس الشباب لازم تكاليف وفوق طاقتي وديون وقلق نفسي
الزبدة كيف اقنع اهلي واهل البنت
الباقين مايهموني (جماعتي)

تم تعديل العنوان ليتناسب مع المضمون


مستجدات
الرد 35
http://66n.com/forums/showpost.php?p...0&postcount=35

اتوقع مستحيل تقنع أهلك ولا حتى أهل البنت إذا كانت من اقربائك
فلا تحرج نفسك معهم

ماشاء الله أهنيك على تفكيرك

فعلا تكاليف الزواج تقدر تسافر فيها

أحلى سفره بدال الشكليات والمظاهر

الي مالها داعي .

__________________
الحمدلله حمدا جزيلا ...

احسن لك. صايرة الزواجات المختصرة والبسيطة كثييرة.. واصحابي كلهم عروسهم بسيطة الأصدقاء والاقارب المقربين.. بدون مصاريف.. وصدقني ممكن يصير كلام لكن بينسون ويصير شي بالماضي وراح..

فعلا فلوس التكاليف اتمشى فيها شهر عسل وماينقصني شي
ابي اكون كل ثلاث ايام بديرة
لكن الخلاصة كيف اقنع الناس .........
):
والله جريمة التكاليف ذي اي شخص يحط نفسه بمكاني والله قمة القهر
الغرض من الزواج اشهاره طيب ليه البذخ

عادي احنا من قبيلة و كنا نقنع اقرباءنا المقربين و تو اقتنعوا و بيطبقونها ان شاء الله اذا كان الواحد يثق فيه نفسه الناس ماراح تتكلم وراح يعجبها الموضوع
طبعا بيكون فيه حفلة لكنها مقتصرة على العائلة هذا حفل النسا
اما الرجال اذا كان اللي يحضرون كل واحد يعطي مبلغ اعانة كما هي العادة في بعض القبائل عادي لو تعزم كثير
لان اساس الصرف عند النساء و تزيين و توزيعات
الرجال بيكلوفونك الصالة و العشا فقطفاذا كانوا الحضور بيقدمون مساعدات تغطي عزيمة الرجال اعزمهم
الاقناع حاول تقنع نساء اهلك و عايلتهاو تقول الحضور كل ماكان قلييل ومقتصر على العائلة بترتاحون من هم كبير و بتصيرون فاضين للوناسة بس

الواحد مابيتزوج كل سنة

سوي عرس عادي مثل باقي الاوادم وقد ماتقدر لا تبذخ

وبنفس الوقت انا مع العروس من حقها يكون لها عرس حلو وكبير نوعاً ما.. هذا حقها
وما الومها اذا ماوافقت..

مجرد يقولون زواج مقتصر على العايلتين هذي بتحسسها بالنقص

حسب عادات بيئتي واغلب اهل نجد زواج النساء على اهل البنت.. الا اذا كان الولد كريم فيحط جزء بسيط فقط

لكن على عاداتكم اذا هي بنفسها وبخاطرها ويهمها وتحلم بزواج كبير فالقرار راجع لها هي بالذات وهي تتخذ القرار فيه.. لانه بتظل بقلبها لبعدين

قد يكون مو مهم بالنسبة لك لانه مو مرتبط فيك ولا يخصك بشكل مباشر.. لكنه حقها

لو جت المبادرة منها فمو مشكلة.. لكنك قادر

مثل ماقالت عروس الوحدة ماتتزوج كل يوم

اذا تكلفة حفلة زواج 70 الف بس فتراها جدا تعتبر رخيصة بالنسبة لهذا الزمن

ويادوب تكفي زواج مختصر اصلا

__________________

اختلافي عنك لا يعني اختلافي معك

مافي افضل من الزواج العائلي
حتى لو كان التكلفة على اهل العروسة القضية مو قضية فلوس وبس
المشكلة الاكبر مو حلو ان يدروا كل الناس بعرسك ما راح تحس بالراحة والضجة والصوت والجمعات شيء مزعج جدا
حلو يكون بين الاهل وبس

افرح وفرح بنت الناس وخلي الناس كلها تفرح معاك



ودمتم في حفظ الرحمن

__________________
حبيبتي .... عندما تبتسمي الي سوف تنير كل النجوم التي في السماء