لمن تهمه اخباري.. الانفصال قريب ان شاءالله
السلام عليكم ورحمة الله وبركاته
للي قروا مواضيعي السابقه
خلاص اخواني واخواتي احتمال انفصل عن زوجي قريب ان شاءالله بعد عقد قران استمر 11 شهر
مافي اتفاق بينا في اي شي ..
منذ شهر اقترحت على زوجي مجرد اقتراح نسكن بيت بروحنا.. اذا موالحين بعد سنتين الى خمس سنوات.. وطلبت منه يفكر وياخذ راحته بالتفكير
وطلعت له الارض في هذه الفترة .. ومن يومين كله معصب .. وامس قال لي: التي لاتريد اهلي يعني لا تريدني.. والتي لاتريد اهلي انا لا اريدها .. وانتي اصلا لاتستطعين تحمل مسؤولية بيت بالكامل..
والله حزت في خاطري الجمله الأخيره.. هو يوم يجي عندي اخدمه بنفسي ولااخلي حد يجهز شي.. وانا اساعد اهلي في شغل البيت.. هو شوشايف علي عشان يقول هالكلام ؟؟!!..
شفته هو قاعد ينسحب .. انا صحيح بالاول كنت موافقه اعيش مع اهله .. بس شفته مو كفو مسؤولية ويبي ابوه يسوي له كل شي ومعتمد عليه خاصه انه الولد الوحيد يعني دلوع.. وابوه ايضا من النوع المسيطر ويفرض رايه بكل شي
مومهم هالكلام كله الحين
ادعولي بالتوفيق في يوم الجمعه وتنتهي السالفه على خير
واهلي يتقبلون الموضوع برحب وانا كلمتهم واقتنعوا وان شاءالله ما يغيرون رايهم
والله يوفق زوجي مع انسانه أخرى تناسبه يسعدها وتسعده
وانا ان شاءالله الله معاي
__________________
" اللهم اني اعوذ بك من الهم والحزن "
(( ربي أشرح لي صدري ويسر لي أمري ))
التعديل الأخير تم بواسطة روحي حزينه ; 26-05-2006 الساعة 10:14 AM
26-05-2006, 10:12 AM
ضوابط المشاركة
العرض الشجري