مساء الخير

لي يومين ضايق صدري جداً بسبب مشكلة تافهه بيني وبين زوجي وتصعدت وأخذت أكبر مما تستحق واللحين ابي انهي المشكلة لأنها تعبتني بس ماني عارفه كيف وأنا ماحب المشاكل تطول لأنها سخافات صراحة ،، بطبيعتي نفس اللحظة اقبعها وكل واحد يقول اللي بقلبه وخلاص بعد ساعه اسولف واضحك وانتهى الموضوع ..
زوجي هادي وحليم ويحبني بجنون لكن اذا زعل اعوذ بالله ينقلب واحد ثاني
ماعلينا فيه مشوار كنت اقنعه لفترة ابي اروحه وهالمكان هو رافضه جملة وتفصيلا ومانعه من أول زواجنا وصرت ما اناقشه فيه خلاص ،، وجاني ظرف ضروري جدا اني اروح هالمشوار قبل يومين وماعلمته لأني عارفه ماراح يوافق وانا ضروري لازم احضر رحت لأهلي وطلعت من عندهم مع اختي ومن حظي السيء نفس الليله اخوي جاه ضيوف في الديوانيه فعزم زوجي وزوجي طالع من عندهم قال لاخوي شوف دلال خلصت خل تطلع " مع انه دايما مايرسل احد هو يكلمني يقول خلصتي ولا باقي ! بس فعلاً مكتوب انه يكشفني ! الحظ السيء " المهم قاله لا للحين مارجعوا البنات من.... وعرف اني كنت رايحه

لما رجعت وكلمته يجي ياخذني لاحظت في السياره انه مو طبيعي ساكت ولا سلم ولاتكلم ولاشي مو عادته ابد ولما رحت البيت قلتله فيك شي ؟ قال شفتي اللي سويتيه بتدفعين ثمنه وقت طويل صدقيني وصار نقاش وحاولت اكلمه وهو يعرفني انا عاقل ومو خبله وتصرفاتي محسوبه وقلتله حاولت اقنعك بكل الاساليب وانت اللي حديتني و و و مارد علي ابد قال صوتك لا اسمعه لين انا اقرر متى نتكلم ووجهك مابي اشوفه صدي عني يابنت عشان ما اسوي شي تندمين عليه ،، خليته ونمنا قمت اليوم الثاني قبل اداوم قلتله صباح الخير مارد علي وطلعت
في الليل ناقشته شوي سفهني وطبعا من الصفات اللئيمة فيه اذا زعل مني يحرمني من كل شي في الدنيا لانه يعرفني انضغط وما اتحمل يعني لاطلعات ولامشاوير ولا شي ،، المهم كنا حاجزين بعد أيام في دولة خليجية اروحلها كل سنه مثل هالوقت عشان الشوبنق وعشان بعض فعالياتها اللي احبها ،، قالي على فكرة وحجزنا ل... تكنسل ولافيه روحه وعطاني ظهره بيطلع ،، انا هنا عصبت جد ورحت وقفت عند الباب قلت ماراح تطلع لا مو من جدك وشدخل السفره لاتكبر الامور وتخليني جد أستلعن خلاص شرحتلك موقفي و و و قال لانك بإختصار منتي كفو قلت انت عارف في قرارة نفسك اني كفو وعارف معدني وعارف عقلي وشخصيتي لكن على موضوع عابر مايستحمل وبنفس الوقت انت رافض يصير فيه مرونه وتحترم رغبتي ياشيخ ياكثر ما احترمت رغباتك وعديت امور مو مقتنعه فيها بس عشانك المهم صارت بلبله واجد ودفني من الباب وقالي اسمعي لاتفتحين معي اي نقاش لين انا اجيك واقبل اناقش حتى اعتذاراتك مابيها اللحين " مع انه عارفني ما اعتذر مباشرة يعني اعتذر بطرق غير مباشرة لأني ما أحب اسلوب انا آسفه "
وثانيا السفره مافيه لو تموتين ،، عصبت استفزني قلتله بروح فيك وبدونك " مع اني قلتها بصوت قصييير بس من القهر وتوقعته ماسمع "
عصصصب قال تعالي وش قلتي سكت قال عيدي علميني كيف بدوني ! سكت شوي بعدين قلتله بتروح علي بعض التخفيضات الكبيره وعادي بروح وقت ثاني بس بتدفع من جيبك مبلغ وقدره وهين بتشوف
وطلع ،، طبعا من زعل وهو مسويلي حظر في سناب شات عشان ماعرف وين يروح ؟!


أنا جد ماحب جو المشاكل والسخافات هذه عاندني وأعاندك هو عارف مبرراتي تجاه المكان زين ،، وانا ما اغلط كثير ليه هالتزمت على شيء مايسوى !؟ السفره تقريبا يأست منها لأنه حلف وهو اذا حلف ينفذ حلفه بس ابي الموضوع ينتهي لأنه بيجلس يضغطني لمدة شهر انا عارفه وبيحرمني من كل شيء وانا ما اتحمل الحبسه صراحه

بليز " أبي أسلوب ذكي أصالحه فيه "


‎‏ المستجدات 55
http://www.66n.com/forums/showpost.p...5&postcount=55

مستجدات الرد 93

http://www.66n.com/forums/showpost.p...5&postcount=93

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

اللهم بارك ماشاء الله

الله يحفظكم لبعض

فعلاً عائلة مميزة في كل شيء

حتى في زعلها

أخلاق و إحترام

واضح هذا من تفاصيل تعاملكم مع بعض

زوجك ما شاء الله رجل و ذو خلق

هو ركز على غلطك فقط ما تطرق لأخلاقك

وهو موقن من أن أخلاقك عالية

ولكن حط لك عقاب عشان تنتبهين

و أظن لو عادك عدتيها مره ثانيه ممكن تكون العواقب وخيمة

نصيحتي لك إفعلي ما يريد و لا تناقشيه فقط أظهري ندمك على خطأك
و أظهري حزنك من عقابه لك
و لا تقصري معه

لأنك فعلاً أخطأتك خطأ كبير

تحملي النتائج

أكثري من التوبة و الإستغفار و الدعاء

وفقكم الله

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

الله يجزاك خير يامحب السنه
ويزيدك من فضله وعلمه

والله الصراحه احنا عائلة محترمة بس اذا عصبنا نصير غير محترمين
هو باله طووويل وعارفه بيطول وأنا بسكت اسبوع اسبوعين بعدين بنفجر اعرف نفسي وماعرف اكتم واجد يعني برد وبقول كلام مايعجبه وبيطربق الدنيا لأنه من الشخصيات اللي يحاسبون على الكلام ؟! وانا اذا زعلت اقول كلام اصلا مدري وشهو ولا كيف قلته


والمصيبه انه طول زعله شهر شهرين كل شي ابيه بيقول لا
كل مكان لا
كل طلعه لا


تكفى ماعندك طرق ذكية تمتص غضبه

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

الرجل ذو الخلق الكريم لو شاف زوجته مطيعه و مقره بغلطها و شاف دموعها من غير ما تكون قاصده توريه أياهم
أظن أنه بيعمل على حل المشكلة و إنهاءها

ممكن هذا الحل ينفع معه
أفضل من أنك تجيبين العيد مره ثانيه و يتدبل الشهرين أربعة
والله أعلم

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

مرحباً أختي

ممكن تقولي ماهو المشوار الذي سبب هذه المشكلة ولماذا هو رافض تماماً وحذرك من قبل

بارك الله فيك

يا حبي لك يا دلال
حتى وانت معصبة مثل العسل و الله
يا رب سألتك اسعدها يا رب
عسى ربي يفرجها عليك فالعاجل القريب و يسخر لك زوجك ، اللهم امين
بس ما اخفيك يا دلول انك غلطتي والله ...
ولو انا مكانك ، ابيع دنيتي فدوة للزوج الراقي الطيب !
و الله من حبي لك انصحك تبادرين فالصلح ، الله ييسر امرك و يلين قلبه لك ... امين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ايش الطرق الي جربتيها سابقا في المشاكل القديمة لمراضاته وما هي ردود أفعاله ؟
كيف غالبا تنتهي بينكم المشاكل
هل قد جربت تعتذري بشكل مباشر وتتأسفي وماذا كانت ردة فعله؟
ممكن تجربي تعتذري برسالة تبدأي بمدح صفاته الحسنة وبعدها تراضيه؟
بمعرفتك بزوجك هل الاعتذارات الغير مباشرة تنفع؟
مثل تعملي أكلة يحبها أو تجيبي هدية أو تعملي له مساج أو تحضنيه ولا غالبا ما تنفع؟
تتوقعي لو وسطت أحد حتى يرضى مثلا (والدته) هل ممكن تكون ردة فعله إيجابية؟
هل هو شخص عاطفي ممكن يتأثر بدموعك لو شافها ولا ما يهتم؟

مسسسستحيل أبكي قدامه !
انا ما ابكي الا في شي يستاهل دموعي لها هيبه صراحه وهو اتوقع اصلا يحبني كذا مايحبني ابكي

يزينها ربي ان شاءالله
والله يجزاك خير ماقصرت على مساعدتك

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

هل زوجك من النوع الذي يقبل الاعتذار ؟

حياك الله يالرسمي ،، مع اني ماكان ودي اكتب المشوار لأني ما أحب أغوص في هالأمور لكن بما انك انت اللي سألت لازم أجاوب لأن قلمك وحضورك في موضوعي له إحترامه حقيقة ،،


عندي صديقة الروح بالروح هي أخت مو فقط صديقة علاقتي فيها من المراهقه تقريباً
هي والدتها وأخواتها رائعات وخلوقات واعرفهن جيداً ،، المشكلة ان عندها أخوان ذكور كثير وسمعتهم عافانا الله سيئة لأبعد الحدود في الأخلاق او القضايا او حتى البيع! و و !

بعد الزواج عرف زوجي انها صديقتي ماعارض ان علاقتنا تستمر بحكم الثقه لكن من المحرمات اني ادخل بيتهم ! يقول فقط اعزميها عندك او نتقابل في كوفي او مطعم وصارلي سنوات فعلا ما ادخل بيتهم واحس انها شاكه لكن مع ذلك ماتغيرت علي ومتمسكة فيني وحريصة على بقاء الود ،، كلمته كثيرا انها مالها ذنب قال مو مشكلتي لكن انا كرجال ما اقبل انزل محارمي يدخلون هذا البيت واخوانها فيه وعايشين فيه ؟!

المهم ان صديقتي تزوجت قبل يومين وكانت زفه عائلية في بيت والدها ويسسستحيل اني ما اشوفها في هاليوم يوم استثنائي لي ولها ؟!
وفعلا رحتلها مع اني ماطولت كثير عندهم

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال