اهلا اخوتي عن قريب يكون لدينا عرس لاحدى قريباتي عقبال عندكم
ولسة ماشريت فستان.حابة تعطوني اقتراحاتكم
لمحلات مشهورة بالشيء الزين،لاني ما احب الف السوق كثير
يعني في الشرقية الخبر الدمام،،
مارينا مول مليان محلات ،واحس ودي بشيء بسيط سادة
اقتراحاتكم

__________________

هلا عزيزتي
قبل فترة صادف حفل زفاف لأعز صديقاتي
ومرينا لأول مرة منذ فترة بعيدة فينيسيا مول
وصار كله فساتين سهرة من أول محل لآخره ..... ما أكذب عليك مالقيت شي يعجبني
بس سبحان الله الأذواق تختلف روحي وشوفي
مالقيتي شي عندك سويكت
وبالتوفيق

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

مم رحت فينيسيا في عرس سابق و ما عجبني شيء على كثرة المحلات على قولتك
انا بكرا راح امر الظهران مول يمكن في دبنهامز .نفسي بشيء بسيط لكن بقماش راقي
يمكن تتذكري بعض المحلات هناك؟
السويكت لا..زحمة

__________________

ما في وقت تفصلين؟

أحس التفصيل أفضل وعلى ذوقج .. تختارين الموديل براحتج وتقدرين حتى تغيرين فيه إذا حبيتي تزيدين شي أو تلغين شي.

وفي نفس الوقت يفكج من الحواطة في السوق.

__________________


اللهم طِيبَ الأثر .. وحُسْنَ الرحيل.

شوفي تبين شي ناعم وحلووو بجد مالك إلا الظهران مول
محل عند بوابة 5 على يدك اليسار مباشرة محل F&F فساتين ناعمة وجميلة ورسمية وأسعار مقبولة وأظن حاليا عندهم
تخفيضات لو ماشفتي شي روحي التوسعة عندك نيولوك تقدري تطقمي تنورة على قميص فخم جربي
وهناك بعد نيولوك فيه محلات أكثر بس نصيحة روحي فترة وسط الأسبوع رووواق ولاتشيلي أطفالك

توني أدري إنك من الشرقية يامسز داني
فرصة حلوة إني أصادفك يووم

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

لا والله يا مهرة مفيش وقت.للاسف..لدينا بنصف السنة عرس اخر ماشاء الله لاخت عروستنا
وافكر بالتفصيل.
شكرا روح f&fازوره و اشوف
فرصة اسعد عزيزتي.

__________________

وش تبين بالجاهز

انا كنت اكره شي اسمه تفصيل لكن مؤخرا صرت اتضايق لما ما الاقى مقاسي بالمحلات

اضطريت الجأ للتفصيل خاصة لما يكون فيه موديلات ناعمة ببالك

الحين يستحيل اشتري جاهز ..

امر اشتري كم نوع اقمشة و ارجع البيت امخمخ عليها اصمم و ابتكر موديﻻت

و اعطيه للخياطة تطلعه في اسبوع

جربي مرة و اذا اعجبك ما راح تفضلين غير التفصيل بعدها

فيه موديﻻت نااااعمة من النت تجيك حركة في الياقة او الاكمام هي شكل الفستان كله

و حﻻة التفصيل يميزك عن احلى فستان جاهز

احاول اقنعك فيه غصب

و على فكرة فيه خياطات يطلعون بثلاث ايام بعد

و على فكرة ثانية اذا تبين اعطيك موديﻻت بسيطة هم حاضرين كم مسز عندنا

بس ارفقيلي كرت الدعوة

__________________

‏
الوعي هو الملاذ ..

أستغفر الله العظيم ؛
( الفردوس غايتي )

تسلمي ام خالد هههههه
بس باقي اسبوعين بالضبط .سالت احدى المشاغل اللي منعوت لي
قالت ما تقدر تخلص بهالفترة
لا تحبطيني ان شاء الله الاقي جاهز بخرجة وحدة

__________________

الله يوفقك حبيبتي وتلاقي اللي يناسبك

ينقل للقسم الأنسب ...

__________________

نفس الازمة واكره اللفلفه
وذوقي صعب ومابقي غير اسبوعين وكلها تجمعت
الله ييسرلي وييسرلك مسز داني