السلام عليكم
كيفكم جميعا ؟
المهم انا حطيت قبل فترة موضوعين عن خطيبتي ومشكلتي معاها
هذي روابط المواضيع القديمة :
الموضوع الاول
http://www.66n.com/forums/showthread.php?t=219721
الثاني
http://www.66n.com/forums/showthread.php?t=220750

مشكلتي باختصار مع خطيبتي هي التطنيش والعناد والكبر وعدم المبادرة ..
يعني مافي امل تجي تكلمني .. فابسط الحاجات زي مثلا تجي تصبح عليا او تمسي او لو انا سكتت مثلا هيا تفتح هرجة وتتكلم وتساعد .. أو في الحاجات المطلوب فيها المبادرة لو مثلا كان في زعل ولا شي

أبدا ما تسوي الا في حالات نادرة جدا ..

المهم بتشوفو فمواضيعي اللي فاتت اختلفنا كتير على دا الشي وانفصلنا لمدة 3 شهور ورجعنا تاني .. واتفقت معاها ان الحاجات دي ما تحصل بيننا تاني ..

بعد ما رجعنا لبعض .. مرت علينا فترة مرة حلوة .. ما كان فيها اي اختلاف ابدا .. وكان في تحسن من كل النواحي .. والله حرصت اكتر شي اني ما اضايقها بشي .. واني اكون معاها وقت ما تحتاجني واحاول اسوي الجديد وارضيها وخلاص نمهد بقوة لحياتنا الزوجية اللي حنكون فيها مع بعض خلال 3 شهور .

بس بعدها للاسف .. طبعها غلب عليها الظاهر .. واهي دحين ما كلمتني 20 يوم ..
عشان شي مرة تااااااافه والله لابعد حد ..
احنا نتكلم مع بعض بالبلاك بيري .. فـ بس بنتراسل عادي
مادري ايش كنت بقولها .. وردت عليا بس يا ولد اسكت < احنا عادي نمزح مع بعض
قلتلها لا يا شيخة
قالتلي اوووصصص
قلتلها مو عندي والله لما ينعدل لسانك كلميني < قلتها وانا بامزح
بعدها شافت وما ردت الى الان ..

< عارف بتقولو ايش التفاهة اللي انتو فيها .. بس انا كنت بكلمها عادي وهيا قلبت عليا فجاة .. وانا يعني اني بحاول اكمل الموضوع واخليه في صالحي .. واننا بعدها عادي ترد عليا ونكمل مزحنا ونغير الموضوع

وقلت بشوف لين متى .. ممكن لما يجي الويكند مرة وحدة تكلمني .. بس مافي شي للاسف وعدى 20 يوم دحين ولا سار شي ..

انا صراحة مني عارف كيف يعني تسمح لحاجات زي كدا تخرب علينا .. مع انو قبلها عارفة ايش حصل واتفقنا اننا ما نكرر الشي دا تاني ..

من جد مني لاقي اي تفسير منطقي !

المهم انا اخر شي سويتو .. امس عالبلاك بيري ارسلتلها اني حابيع الجهاز وحاحذفك عشان محد يضيفك بعدي .. ما شافت الرسالة الى الان < انا صراحة مابغا ابيع الجهاز .. ممكن في احتمال ابيعو .. بس قلت اسوي الشي دا على اساس اجس نبض .. لان هيا مهم البلاك بيري بالنسبالها اننا نتواصل فيه .. وقلت يمكن لما تشوفني اكلمها تسوي شي لانو عارفها مستحيل تبدأ تبادر من عندها

تشوفو اللي سويتو صح ؟ ولا ايش المفروض اسوي ؟
كيف اتعامل معاها ؟

شورو عليا يا جماعة انا احس استنفذت كل طرقي
منتظر ردودكم

أخي الكريم/
-إن كنت مقتنعاً تمام الاقتناع بهذه الفتاة، ومتقبلاً لكل أمورها وطباعها
فأشير عليك بتعجيل الزواج+تخفيف التواصل والمكالمات؛ لأنها إن زادت مع زيادة مدة الملكة فإنها تصبح باباً للزلل والخلاف.
-إن كنت تجد في داخلك عدم الاقتناع فأعد النظر في أمرك معها.
-أنصحك بمراعاة الألفاظ الموجهة للنساء؛ فهنّ لسن مثلنا.
-تجنّب المزاح الجارح للمرأة دائماً.
-لا أحبّذ أن يصل المزاح إلى مراحل متقدمة بعض الأحيان؛ لأن الشيطان يدخل فيه.
يقول الله تعالى (وَقُلْ لِعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنْـزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوًّا مُبِينًا ).
-اجعل الاحترام بينكما قائماً مع وجود المزح اللطيف.
-دعها هذه الأيام، وانصرف لتجهيز أمور حياتك الزوجية مع القراءة في هذا الباب.

أوافقه تماماً

إن كنت مقتنعاً فاستخر وعجل الزواج

اشكركم عالردود
انا مقتنع ومقدر اللي بيننا وخلاص ما ابغا اخبصها على الاخير ..
وبالنسبة للمكالمات .. والله ما بيننا الا قليل .. وانا مو متطلب وانو لازم نتكلم كل يوم .. لا بالعكس عادي رسالة كل يومين او 3 ايام .. ونتكلم فالويكند مثلا او على حسب .. عشان نكون متواصلين يعني ..
اما هيا مادري ليش فجأة تسحب كدا ..
وعلى المزح فـ اشوف عادي يعني في ميانة ..
انا كنت معجل وكان المفروض متزوجين دحين .. بس المشكلة هيا كانت بتتخرج الترم هذا .. بس مادري ايش حصل وحذفت مادتين ولازم تاخدهم بالصيف .. وان شالله فرحنا في نهاية الصيف ..

انا متفهم كل اللي قلتوه .. بس انا مني داري الحالة دي لمتى بتقعد .. فجاة كل شوية حتسحب يعني ومحا الاقي منها شي .. مادري كيف لو كنا مع بعض فالبيت ايش حيسير .. نفسي افهم ليش يعني ما تبغا تكلمني طيب ؟! الكلام اللي قلتو ما كان مرة يزعل واحنا عادتنا نمزح عادي كلو تقطيع في بعض !

بصراحة مستغرب ..
انا باحاول دحين استدرجها نقدر نرجع نتكلم سوا .. الكلام الي قلتوه على عيني وراصي .. بس هوا المشكلة في اللي بيسير دحين .. انا كلمتها على اساس حابيع الجوال .. كيف اخليها نتكلم عننا احنا وانو ليش هيا ما بتكلمني ؟!
كيف ابدأ وايش اقولها عشان تفهم انو ما ينفع كدا يعني ؟!

الله يعينك
ويكتب لك اللي فيه خير

اخر شي حصل :
زي ما قلت اني ارسلتلها اني حابيع الجوال واني حاحذفها من عندي من البلاك بيري.. مع اني مو متاكد لو حابيعو ولا لا.. بس قلت يمكن فرصة تراجع حساباتها وتكلمني ولا شي
بس للاسف لما ارسلتلها ما سار ولا اي شي .. قالتلي طيب بالتوفيق .. قلتلها طيب مع السلامة وحذفتها
< هي مهم عندها البلاك بيري اننا نتواصل فيه .. بس دحين ما سوت شي

مادري ليش تسوي كدا ؟!
يعني ايش اللي بيسير لها عشان تكون فترة معايا تمام وكل شي .. وبعدها تقلب وما تعطيني وجه وما تبغاني وما تبغا تشوف اي شي مني وما يهمها اي شي



ارشدوني يا جماعة ايش اسوي !
من جد عجزت افهم تصرفاتها .. هيا تبغاني ولا ايش بالزبط !
ايش الحل الصحيح بالزبط ؟ مابغا اكمل كدا لين يوم زواجنا ابغا كل شي ينحط فالنور .. يا ايوا وتبطل الشغل دا .. يا لا وخلاص لو اكتشفت فجاة اني ما انفع مثلا !
لا حول ولا قوة الا بالله العلي العظيم ..
ارشدوني جزاكم الله خير

اخوي يمكن خطيبتك مكن النوع المزاااجي
يعني لمى تكون رايقه لك تعطيك
وجه واذا مورايقه لك عطتك طنش
او انهاتجاملك..
لسبب انت تجهله.؟؟
مالك الا انك تروح لهاالبيت
وتجلس معهاوتتكلم معها
بس لاتقولها انك بتجي علشان تحلون مشكلتكم
لا..واذا جلست قولها تكلمي معي بصراحه وش جاك مني
كل يوم وحنابمشكله خلها تصارحك يمكن بخاطرها شي
وبصراحه انا اشووف ان قرارك في بيع الجهاز
صايب احس اغلب المشاكل بتجي منه
لانك بتكون 24 /24 موجود
وهي برضوولمى احد منكم يطنش الثاني تبدى المشكله ليش وليش
ومنها راح تملوووون من بعض
وانا اتكلم عن هالشي لاني الحين
بفترة خطووبه وقلت لخطيبي لا تجيب طاري البلاك
بيري لاني عارفه ماراح يجي منه الا وجع راس
ومنها الرجال بيطفش مني وبيصيروجودي زي عدمي
المهم انت اجلس مع البنت وحلو مشاكلكم
مادام انتو بأول الطريق
الله يسير اموركم ويوفقكم

أنيسة الروح

امين الله يهدي الجميع ..

يكفيني غلاه

البنت مو مزاجية بالعكس تكون تمام لما نكون سوا .. بس مشكلتها عنادها لو سار شي بيننا .. وقلة مبادرتها ..
احنا اتفقنا سوا لما سارت المشكلة اللي قبلها ما نكرر اغلاطنا ..
دحين انعاد كل شي نفسو بالزبط .. كمان دحين على شي اتفه
انا سبتها عشان اشوف ايش حتسوي .. وكالعادة ما سوت شي

وانا عن اني اروح البيت لهم اقدر اسويها .. بس ايش الفايدة .. كل مرة انا اسوي وانا اروح وانا اجيب ..
هيا سوت مشكلة من ولا شي .. طنشتني كدا فجأة ! في وقت حساس المفروض نتكلم فيه بعمق عن زواجنا
تبغاني انا اجي كمان اعتذرلها واقولها تكفى كلميني
مدري ايش اقول صراحة بس نفسي احس بالحرص عالعلاقة والحماس والمشاركة والمبادرة

انا معاكي في موضوع البلاك بيري وان يجيب الملل .. بس على اساس انه وسيلة تواصل بيننا وهيا طلبت مني اجيبو عشان ما نتكلف فلوس زيادة للرسايل ..
بس المشكلة دحين لازم يا تتصل عليا او ترسلي لو تبغا تكلمني
واعتقد دا الشي تقيل عليها وعارفها عنادها محا يخليها تسوي كدا ..
يعني مادري اي حيسير اظن بنكمل كدا لين الزواج !

من جد انا اتعقدت من دي التصرفات ونفسي الاقي حل جذري
حبيتها لدرجة عرفت انو احسنلي بكتير اني ما اهتم لما تسوي الحركات دي عشان اكون مرتاح
مع اني مابغا الشي دا بس مافي حل الظاهر

ايش الحل .. استناها ولا اسوي شي ؟
مع اني ماعرف احس طفشت من كتر ما اسويلها اشياء
والمشكلة لو ما سويت محا تسوي هيا شي ..
ايش الحل ؟!

ايش الحل .. استناها ولا اسوي شي ؟
يالله انت ذكرتني بنفسي لمى بدت المكالمات بينا
وتعودت عليه خلاص صرت اتضايق ليش يطنشني
لاني كنت متحمسه اعرف واعرف عنه
بس بعدها صرت اطنشه
صارهو بيلحق وراي
وماانكر انا احبه وهو يموت علي
لكن هوثقيل نوعاماوفاهم اكثر مني
يوم عن يوم اخذت من طبعه الصبر
واخليييييه هو اللي يتصل اذا بادر بلهجر
والحمدلله عايشه ومستانسه
انت لانو تووك محمس وتبي ترضيها
عرفت نقطة ضعفك انك متعلق فيها فيهي
شي طبعي تبيك تتبعها...

مع اني ماعرف احس طفشت من كتر ما اسويلها اشياء
والمشكلة لو ما سويت محا تسوي هيا شي ..
ايش الحل ؟!
قلتلك هي مولانها عنيده بس هي عرفت
انك ماتقدر تستغني عنه
انت اتركها شوي الين ماتجيك
وتكلمتك وتقولك ليش متغير
بكذارااح تتغير...

الله يصبرك

اشكرك عالرد يا اختي
بس احنا مو جداد على بعض .. لو تقري المواضيع السابقة تعرفي اننا من 6 سنين سوا .. بس انا خطبتها بعدين .. وكمان مو اول مرة تسويها وتسحب .. قبلها سوتها وقعدت 4 شهور تقريبا مو دارين عن بعض وبعدين رجعت ..

يعني اقلك بنسبة 98% متأكد ما راح ترجع تاني وتبادر وتكلمني ..
انا عادي يعني قدرت اصبر قبلها .. اقدر اصبر دحين .. بس اقول ليش نسوي كدا ؟ البعد برضو مهما كان يولد جفا .. وحيأثر علينا ..
بس كل ما افتكر انها بتروح على اشياء تافهة .. اقول خليها براحتها ..
مع انو الشي دا مو صحيح لعلاقتنا دحين اللي المفروض نبدأ نمهد لحياتنا سوا ..
نصائحكم ؟ :/