اخواني وخواتي الاعزاء .. اسمحولي من زمان ما نزلت لكم فكرة جديده .. وبما ان طبقت هذي الفكرة واستانسنا عليها قلت أسدح الفكرة هني في المنتدى علشان الكل يستفيد منها .. الله يسلمكم .. زوجي كان في اليابان سفرة عمل لما حصل الزلزال .. وكنا على اعصابنا وخوف مب طبيعي .. ولمدة 4 أيام ما اعرف عن زوجي شيء الا مكالمات سريعه ومتقطعة ... وفجأة في اليوم السابع أشوف زوجي داخل البيت من غير خبر وهو يتسحب شوي شوي وجاني المطبخ ...يوم شفته والله ان من الفرحه اغمى علي ... ولما صحيت بديت اصيح مثل الاطفال .. فبمناسبة رجعته بالسلامة والحمد لله .. فكرت اني اسوي له مفاجأة حلوووه .. وطبقت الفكرة الخطيرة .. كان زوجي في أبوظبي لمدة يومين لعمل .. فانتهزت الفرصة وجهزت للمفاجأة .. وارسلت له مسج مضمونه : (( حياتي .. اشتقت لك وااااايد .. بصراحه مفتتحين حديقة جديده في منطقتنا وابي اروح أشوفها يقولون انها روووعه .. شو رأيك ؟؟ )) طبعا زوجي مستغرب ما سمع عن حديقه في منطقتنا فرد علي : (( متى افتتحوا الحديقة فديتج ؟؟ خلاص مو مشكلة انا برجع بكره العصر ان شاء الله .. وبنروح نتعشى هناك .. ))
ودقت ساعة العمل .. وبدأت بالتجهيز .. كنت مخططة من زمان بس باقي التطبيق .. ودخلت النت وبحثت عن بعض الافكار..
اولا :
زينت الصالة بسلات الورود بأنواعها المختلفه ... الروز بألونه .. الاوركيد ( عشقي ) .. الليلي .. والتوليب ورتبت نباتات الزينة اللي في البيت بطريقة حلووووه .. وسلات الورد كانت بهذا الشكل ..
بعدها اخذته لزاوية المساج .. وعملت له مساج لرجوله ... وهو منبهر ومستانس فديته .. وبعدين راح اتسبح .. واتأخر كالعادة .. لانه متعود يوم ازين له الحمام يجلس فيه وينام في البانيو يعني لازم اراقبه .. بعدها تعشينا وخبرني عن سوالفه في اثناء الزلزال في اليابان لان من وصل البلاد على طول راح ابوظبي وما قال لي شو صار ... بعدها جلسنا شوي سولفنا وفتحنا الشبابيك ورحنا ننام .. وزوجي والله ارتاح واستانس على المفاجأة وقال : احس اني صدق في حديقة .. بصراحه رائحه الورود وصوت خرير الماء في كل زاوية وصوت العصافير على اللابتوب كان الجو روووووعه ... اتمنى تجربون الفكرة .. بالنسبة للاغراض ... يمكن البعض يقول فيها تكلف ... فأنتي غير مجبرة اختي ان تطبقي نفس الفكرة ممكن ان تكون كمية الورود اقل على حسب مساحة المكان .. وممكن الترتيب يكون غير ممكن تضيفين افكار من عندك .. بالنسبة للصور فانا اخترتها من النت علشان ما تكون خاصة ... فخليتها عامة .. ولكن تطبيقي كان مطابق للصور بالضبط ..
حبيبتي .. قبل ان تجهزي المفاجأة لزوجك ... جهزي نفسك ... دلعي نفسك .. لا تخلين ترطيب ولا تقشير ولا تدليك الا وتسوينه لنفسك .. ريحي نفسك حبيبتي اولا واخير .. ولا تنسين تطلعين ام الانوثه وتسمعينه كلام حلووو وغزل يعني قولي كل اللي في قلبك ... ولا تنتظرين المقابل ابد .. سوي هالشيء لوجه الله واسعاد زوجك .. حتى لو زعلانه منه او زعلان منك .. جهزي المفاجأة وغيري الجو وبعدها حتى ما بتحتاجين للاعتذار .. اتمنى ان تعجبكم الفكرة .. وربي يسعدكم ويهنيكم ويجعل ايامكم كلها ورود وسعادة ..
ما شاء الله تبارك الرحمن
الحمد لله لرجوع زوجك علي خير
بالنسبه للتطبيق:25:
الله المستعان تسمح لي الظروف اسويها لما يرجع زوجي من سفره
طمنينا علييك حبيبتي
اسال الله لك التوفيق في الدنيا ولاخرة
التعديل الأخير تم بواسطة محبة القران22 ; 28-03-2011 الساعة 02:04 AM
ماشاء الله تبارك الله
فكره راااااااااااائعه وبالذات المساججح.. فعلا عيشتينا الجو..
صراحة ضحكتيني لما كتبتي دقت ساعة العمل هههههههه أكيد عارفه ليه..
حمدا لله على سلامة زوجك والله يسعدكم دائما..
وتسلمي على الأفكار المميزه