حبيت أنقل لكم هذي القصة حتى نشوف ونستفيد

وسؤالي ايش الحل مع النساء والرجال الذين لديهم هذه العقليات؟

(لست أنا صاحب القصة أنا ناقل فقط من منتدى)
... جائني يوم من الايام رجل يحكي لي سبب طلاقه ووالله العظيم قصته طويله ولكن باختصار بسبب انها طلبت مكدونادلز الساعه 12 بالليل فرفض وقال لها مالنا 3 شهور متزوجين وانتي كل يوم مكدونالدز ... فغضبت رغم انه طول الثلاث الاشهر الماضية ما غير مكدونالدز وطقتها حتى صار شكلها كأنها سندويشه طبقتين ... المهم انها اتصلت بابوها وهي تبكي تقول فلان ماجاب لي مكدونالدز فاتصل ابوها فيه وهزأه .. ولم يلبث الا دقائق وهو يطرق عليهم باب المنزل وبيده كيس مكدونالدز لابنته ولكن الزوج رفض مما ادى لتطور الامر بينهم .. فقام الاب باخذ بنته المنهاره المسكينه المظلومه .. الزوج رفض هذا الاسلوب ورفض تعنت اهلها وقام بطلاقها .. طبعا بعد عده شهور من محاولات الصلح اللتي كلها باءت بالفشل .. وكل هذا عشان مكدونلز ... وفيه نسوان طبعا ما اقول كلهم لكن نسبه ( 99.999% ) اذا طلبت من زوجها شي وقال لها والله ما عندي ولا حنا اخر الشهر قالت طيب انا وش دخلني ... وتعال شوف المشاكل والبلاوي اللتي قد تؤدي للطلاق ... فمتى يصحون هؤلاء ال ( 99.999% ) ويعرفون ان الوضع تغير وان شد الحزام شوي ويقطع مصارين الرجاجيل لين ما عاد يدري هو رايح ولا جاي... ... ومتى يصحون هؤلاء بدل هالجنان الي عايشين فيه ليكونوا شركاء فعليين في مستقبلهن مع ازواجهن بدل الفخفخه والفشخره الكذابه !!!

أنا طبعا أرفض التعميم لكن هؤلاء الناس موجودين وللأسف

ولأجل سبب بسيط تقول لزوجها طلقني

__________________

شر البلية ما يضحك

عشان ماكدلوند !!

بس شكلها مدلعه على الآخر والدليل أبوها في انصاص اليالي جايب لها الوجبة

لو ابوها شخصيه غير كان ما تجرأت تتصل عليه عشان هالسالفه التافهه

يعني إذا الأب كذا شنو تترجى من البنت

لكن مو شايف أن نسبه ( 99.999% ) ظالمة على الآخر

ليش نعمم تجاربنا الفاشلة على الكل

حتى جهنم رب العالمين ما قال كل البشر بيدخلونها

__________________

طيب الطلاق ليش صـار بيد الـزوج ؟!

اكيـد انه المـرأه تكون عاطفيه وتسوي البلاوي لو منعها زوجهـا .. بس مو منها من طبيعتها ..

عالعموم النسبه مره قليله كان خليتوها 100 % هههههههههههههههههههههه

الصـراحه بجد عقلها عقل بـزر .. اجل اتهاوش معاه عشـان ماك ؟!

انزين يمكن انها حامل ومشتهيه مـاك وماجابلها لوووووووول عقب تصير بوجهه ولده وجبـة ماك هههههههههه

الله يوصلح شانهم ... وماتوقع هي تطلقت عشان وجبه هي اصلا شايله بقلبها من اشياء كثيره والمطعم كمل الناقص

__________________
{ احبــــ ـــكم بلا استثنـاء ~

والله النسوان ما تنعطا وجه يعني من يوم زواحها عايشا عالاكل الجاهز هاي قاصدا تخرب بيتها لو انها زوجه عاقلة تستحي على دمها وتطبخ كل يوم لزوجها...... ولا مفكرة كل عمرها حتعيش بشهر العسل وكل يوم تتطلب....

أخي الفاضل ***

العيب ماهو فيها *** العيب في أبوها وتربيته السيئه ***

وهولاء ضحية الدلع الزايد *** هذه الزوجة تتوقع أن الزواج مطاعم وسفر وتمشيات ***

وهدايا ولبس وماركات وبس *** المفروض أهلها يربونها ويعلمونها ما معنى الزواج ***

وماهي حقوق الزوج والزوجة *** وأن الزواج مسئولية وتكاتف وصبر وتحمل ***

ومن زود الدلع أبوها يشتري لها ماك ويجيبه والله خوش أب ***

المفروض يئدبها وينصحها ***

وفي هذا الوقت كثر الطلاق بسبب دلع الوالدين لأبنائهم ***

بالتوفيق إن شاء الله 0

الشرهة مو عليها ... الشرهة على ابوها ...
لو ابوها انسان عاقل كان سطرها بطراق و قال لها ردي لبيت زوجك و لا عاد اشوفك في بيتي الا باذن زوجك و رضاه ..
اجل تدق على ابوها عشان زوجها ما جابلها من مكدونالد ... شر البلية ما يضحك (: (:

العيب ليس في الزوجه

بل العيب

في الاهبل والغبي والمتخلف هذا الزوج

لانه مريض نفسي ولا يعرف كيف يتعامل مع المراه

الله يرزقها باللي خير منه ... انا اكرهه الرجال الرخوم

معقولة قصةزى هذه تصير ؟؟؟؟

بس البنت شكلها مدلعة اوفير
عموما مشكور على القصة

__________________

طيب يستاهل ساكت عليها ثلاث شهور وبعدين يقول لأ

والله حاله
تجي من الزوج أو الزوجه

بس النسبه مررره كثيره وعظيمه
والله إحنا نقول فيه بس مو عاد لدرجه هاذي

الله يصلح أمور المسلمين

__________________
عن بريدة رضي الله عنه قال: سمع رسول الله صلى الله عليه وسلم رجلاً يدعو وهو يقول :
(( اللهم إني أسألك بأنك أنت الله لا إله إلا أنت الأحد الصمد الذي لم يلد ولم يولد ولم يكن له كفواً أحد ))
قال: فقال صلى الله عليه وسلم :
(( والذي نفسي بيده لقد سأل الله بإسمه الأعظم الذي إذا دعي به أجاب. وإذا سأل به أعطى))
"رواه داوود"

اسمح لي عزيزي

هو ما سأل عن البنت واهلها قبل الزواج، واكيد هو راح يخطب عن ابو البنت ، ومع هذا مله ما كون ولو صوره بسيطه عن زوجته وابوها او اهلها بشكل عام وكيف تربيتها واخلاقه وكل شي.

على اي حال الواحد يقول الله لا يبلانا، لو اني مكانه كان طلب لها وجبت لها خمس وجبات واخليها تاكلها ، موب با الغصب ولكن بخليها تنسى نفسها وهي تاكل، الين تمرض وتتوب انها تطلب.

الله لا يبلانا ولا يبتلينا يارب

الله يوفقنا ويوفقك