السلام عليكم ورحمة الله وبركاته
الحمدالله اني حصلت هالمنتدي ،،،، لبوح مشكلتي وأرجو منكم مسااااعدتي
انا ،، عمري 20 ،، عُقد قراني من 6 شهور،، من واحد عمره 27 ،،،
خطيبي إنسان مثقف بشكل كبير كبير جدا ،، حاصل ع الماجستير في البزنس وناوي ع الدكتوراه،، كان بالنسبة لي هالشي من مواصفات فارس أحلامي،،،
مشكـــلتي
خطيبي كله يتجاهلني بحجه الدراسة، عمل، اجتماعات...
يعني حتى المكالمات الهاتفية ما اطول اكثر عن 5 دقايق...
وماايي بيتنا الا ف الشهر مرتين او 3...
وما طلعنا فهالست الشهور الا 3أو 4 مررات ،، حتى مرة انا اللي كنت عازمتنه ع العشا
ولازم يتأخر عن مواعيد ساعه او ساعتين او حتى 4 ومرات اكون ف الجامعه انتظره

يعني بصراحة ولو مرة حسيت عمري إنسانه معقود عليها،،
ما في أي اتصال بينه،، حتى يوم انكون جالسين ويا بعض ما في أي كلام حلو يطلع منه،، حتى الان كلمة حلوة ما طلعت منه،، وما في اي ملامسات رومانسية،وما يمسك ايديني الا مرة او مرتين، حتى سلام ما يسلم عليه بالايد،،
عاادي يمر شهر، شهرين ما يتصل فيني بحجه امتحان او سفر،، أبدا ما يشتااق
احسه يوم يتصل او ايي عندنا البيت غصبا عنه،، كانه عليه واجب ولازم يؤديه،، واذا طلعني مرة اسبوع ما يسال عني،،
مع أني الحمدالله جميلة، واكشخ له،، وحاولت اعطيه هديه ، ارسل له مسج حلو ما ايرد عليه،، عزمته ع العشا ما رد لي اياه،،
انا بصراحه تعبت نفسيا،،، ما في إنسانه معقود قرانها حياتها اتكون هكذا
الحب معددووووووم عنده،،،هو متاكد من حبي له،،وانا يوم صارحته قالي ،، اول مرة انه هو ما يعرف كيف عاداتنا،، وما يعرف شو اللي عليه,, ومرة قالي انا ما احب استخدم التيلفون،، تيلفون اخترعوا مش لتضضيع الوقت،، ومرة قالي انه الحب ايي شوي شوي وما ايي بسرعه!!!!!!!!!!!!!!!!!!!! ،، ومرة قالي انه هو بارد عاطفيا،،، يعني كل مرة يطلعله عذر،،، هو يسمعني يوم اصارحه ويعترف انه هو غلطان بكل هدوووء ما يعصب ابدا،، احسه مرات يشوفني صغيرة واقل من في مستوى التعليمي،،،
واخر مرة نزلت من سيارته وانا معصبه واستمرينا زعلانين شهرين،، ولا فكر يعتذرلي الا اول يوم حصول المشكله اتصل فيني كثير واغلقت فوني وبس انقطعت علاقتناااااا
امه وابوه وهو اتو الينا الاسبوع الماضي ،، يوم كنت اشرح مشكلتي امامهم،، ويوم امي تساله كله ساااااااااااكت ما يرد،، واخر شي قال انه هو متوتر،، وسوف ياتي الينا الاسبوع القادم،، ومر اسبوع ولم يحضر،، ارسلت له مسج اني تعبت ولماذا لم يحضر لنتفاهم ،، اتخيلوا ماذا قال،، قالي انتي قلتي لي لا تحضر,,, مع اني امام اهلي واهله قلت بصبر الاسبوع القادم عشان نتفاهم انا وهو،،،
وعلى فكرة ابوه قالي انه هو اللي غصبه ع الزواج،، وهو كان معارض لانه يبي يدرس ويكمل مشاريعه التجاريه،،
بس انا يوم افكر فهالشي استغرب،، يعني كيف ما حبني مع اني هو متاكد اني احبه،، وانا حلوة والله خطبوني 11 قبله وانا رفضتهم،، وجامعيه.. ودمي خفيف،، ليش ما حبني،، ليش يتجاهلني؟؟؟
ممكن اتساااعدوني في مشكلتي لاني تعبت..و احس صعب اني اعيش ويا واحد همه الدراسه والشغل وحاطني في اخر اهتماماته..
أرجووو منكم الافادة في اسرع وقت ،،، قبل ان آخذ أي قرار،،،

تدرين طول ما أنا اقرأ كلامك اقول لنفسي يمكن مغصوب عليها

وفي النهاية انتي قلتيها ..

ليش اجل مستغربه من تصرفاته دام تدرين انه مغصوب عليك !!

اذا عرف السبب بطل العجب

بس شلون رضيتي تاخذين واحد تدرين انه مغصوب عليكِ ؟؟

ما تحسين أنك أهنتي نفسك !!

ويمكن في باله وحده ثانيه .. الله اعلم

ومين قالك أن هذي مقاييس الحب ؟!!

يمكن الرجال يحب وحده مافيها ولا صفة من صفاتك

مو ضروري الحلوه تنحب ومو كل انسان تحبينه لازم يحبك

وبعدين الجمال شي نسبي .. يمكن هو مو شايفك حلوه

وبعدين اول شروط الحب هو الاحساس بالانجذاب .. ويمكن ما انجذب لك

قوانين الارواح مختلفه عن قوانين المادة

ويمكن مثل ما قلتي يحس انك مو من مستواه الثقافي ويبي وحده تجاريه في الثقافه

مو كل الرجل تجذبهم الكشخه والجمال الخارجي ..



انا الي مستغربه منك الصراحة .. ايش المعادلة الي انتي حاطتها .. ومين قالك عليها ؟؟

ومين علمك انها قاعدة ثابته !!

انا حلوه ويبوني .. وعارف اني احبه ..ليش ما يحبني !!

معادله خاطئة

والدليل تهربه الواضح منك .. شوفي شلون قاعد يهرب منك

يبيها تجي منك يبيك تحسين بس انتي متعلقه فيه

صدقيني هذي نصيحة من أخت ..

مهما كان الرجال ممتاز ومهما حبيتيه .. حتى لو اشعلتي اصابعك شمع له

إذا هو ما حبك ولا اختارك حياتك معه بتكون جحيم ..

لأن الانسان ما يقدر يعطي الي ما يتقبله بسخاء .. ما راح يقدر يسعدك

مدام قلبه ما انفتح لك .. فأنا شايفه الحاله صعبه


عموماً هذا رأيي فكري عدل ..

وفاتحي زوجك في الموضوع

وكلام نهائي حاب نستمر اوكي .. مو حاب بعد اوكي

وليغني الله كلاً من سعته

خلك واقعيه .. وواضحه .. انتي للحين على البر

هذا افضل من حياة الجحيم والتنافر بعدين ..

لأنه يمكن يا أنه يتخلى عنك ويطلقك لأنه ما حبك أو يتزوج عليكِ

مين أحسن تتزوجين شخص يحبك ومتاح لك .. وتستقرين معه ..

والا واحد مو مقتنع فيكِ تلاحقينه طول عمرك

__________________

باريسااااااااااااا ( كل ما أحتاج أقوله )
أختى الانفصال أفضل من طلاق بعد زواج وأطفال

__________________

خلاص ابوه نطق الجوهره انه غصبه للزواج


اقطعي عرق وسيحي دم خلاص كلمه ورد غطاها اذا كنت لا تريدني نترك بعض

هو ناطرك انتي تقوليها

الله يعوضك العوض الصالح اللي يعرف قيمتك ويسرك وتدخلين قلبه وعقله


مثل ما يقولو الموضوع باين من العنوان


هو رافض الزواج ان كنت قمر او كنتي مش حلوه او كنتي مهضومه ام لا مش فارقه معه

اصلا هو يكلمك رفع عتب يمكن لان اهله يلحون عليه تيتصل فيكي


الله يقدم اللي فيه الخير لك وله

__________________
http://live.gph.gov.sa/
اللهم اني استودعك اولادي

خلااص ما يبغااك مغصوب عليكي
مو حااسة انك مملكة
مو حاسة بحبة
ايش تنتظرين تتزوجين وتجيبين طفل
وبعدها يرميك مع طفللك

الطلااق ياقلبي افضللك وافضلة خلية يكمل دكتوراة
على اقل من مهلة وانتي الله يرزقك بافضل منة

رأيي من رأى الأخوات
اللى بيعمل كده من دلوقتى منتظره منه ايه بعد الجواز؟؟؟؟؟؟؟ !!!!!!!!!!

وعليكم السلام ورحمة الله وبركاته


أنا أقول يا أختي ممكن هو طبيعته كذا

يعني مو متعود مثلا يقول كلمات حلوة أو يعاملج برومانسية ويحس طريقته هذه ما فيها شي

يعني إنتي صارحيه واصبري والتمسي له العذر لأنه يمكن هذا طبعه ويحتاج وقت حتى يغيره



معليش يا أختي كثير من الرجال طبعهم ناشف ويحتاجون وقت حتى يتأقلمون مع الحياة الجديدة

اجلسي معاه عدة جلسات وصارحيه باللي تحتاجين

خليه يحضر دورات في فن التعامل مع الزوجة أو يسمع أشرطة

عليك يا أختي (((((((بالدعاء إن الله يؤلف بينكم ويقربكم من بعض))))) وهذه أكبر وأفضل سبب ممكن يساعدكم بإذن الله


الله يقرب بينكم ويصلحكم

أشكركم على تفاعلكم معاااي
بصراحة انا اكتشفت انه هو مغصوب عقب الملجة،، وقلت يمكن بيحبني مع مرور الأيام بس ما حبني

حتى اني استخرت قبل ما اخذه يمكن فوق 20 مرة ،،،، الحمدالله ع كل حال،،
أخوي المتهندم،،، انا يلست معاه وصاارحته بس ما شي فايدة ،، مب راضي يفهمني

والحمدالله انا كل يوم أدعي
و انتظر من البـــاقي الاعضاء

ادعي وقولي اللهم اجعل لي فرجا ومخرجا من امري

والله يقدم اللي فيه الخير لك وله

__________________
http://live.gph.gov.sa/
اللهم اني استودعك اولادي

أشكرك اخوي وقفتك معااي
وين باقي الأعضاء
اترييا حلولكم