السلام عليكم ورحمه الله وبركاته
كيف الحال؟؟؟
انا متزوجه لي تقريبا لي سبع شهور والا الان ما اخذت على زوجي يعني وشلون اشرحلكم ما احس من ناحيته باي شعور لا احبه ولا اكرهه هذا اول زواجي بعدين جاني شعور غريب بس صايره اصيح صايره ما احب اشوفه ما اتقبل منه يمكن لا ني انصدمت منه عنده حب تملك احس انه شاريني ما احس اني زوجته
صرت اتمنى ان نمت ما اقوم مو نومي من تزوجنا ما عمري اتفقت معه في شي هو انسان انطوائي وبيتوتي وانا اجتماعيه من الدرجه الاولى هو انسان حقود ما يحب احد ماعمري سمعته يقولي انا احب فلان
اشك صراحه انه انسان طبيعي ومتناقض بشكل كبير وادنى مشكله بيني وبينه كلم امي واشتكالها بنتك فيها وفيها بنتك مريضه نفسيا احسن لكم تودونها عند شيخ يقرا عليها والمشلكه اسلوبه هو يكلم امي زفت ما فيه احترام مع العلم ان امي خالته اخت امه وإذا سولي شي قعد يذلني فيه انا وديتك للكليه انا رجعتك ن الكليه عالهموال ان شافني ماسكه كتاب احس انه يتضايق انتي دايم تذاكريني والمشكله اني فتره الخطوبه قلتله تخصصي صعب(احياء) ودائما في اختبارات ما اطلع من اختبار الا وراي ااختبار ثاني تقدر على كذا ولا نجل الزواج لين ما اخلص دراستي وتكون انت قد حسنت وضعك الوظيفي علما ان راتبه 1800 ريال وانتم تعرفون انها ماتسوي شي قال لا اقدر قلتله ترا مصاريفي كثيره تعرفون كليه وراي تطبيق وسايل وهالحوسه قال لا اقدر انتي ما عليك وانا من تزوجته وانا اصرف علي نفسي من باقي مهري واحيانا اهلي يعطوني وانا ما اقوله مراعاه لي ضروفه لاني عارفه البير غاطه اهو يعطيني بس مايكفي بس بعري ما قلتله الفلوس الللي عطيتنيها ماكفت مراعيه شعوره ون جد تعبت نفسيتي حتى مذاكره ماني قادره اذاكر مره جلست معه وصارحته وقلتله اني ماني مرتاحه معك ما ابغى اظلمك ولا اظلم نفسي ولا اظغط عليك انت منت مجبور تعيش مع وحده مريضه نفسيا في نظرك وبرز ما تفهم(عمر ي 20 سنه ودايم يعايرني اذا كبرت وعقلتي تفهمين) وانت قد قلتلي ان الحياه معي مو بلغصب اذا منتي مر تاحه معي وطلبت الطلاق منه ؟؟؟؟ وش تتوقعون قالي ياحبيبتي انا ماتزوجت عشان اطلق ومادفعت فلووس وقاعه وطقطقه واخر شي اطلق قلتله انت المشكله عندك الفلوس قال اي ليش تحسبينها نازله من السما تحسبنا جايه باساهل وبعدين وش تبين الناس يقولون عنا قول خلي عنك الهبال والبزرنه واعقلي يوم تشافني جاده قال شوفي يابنت الناس طلاق انسي يا تضفين عفشك كله وتروحين بيت اهلك واذا عقلتي وعرفتي ان عندك بيت وزوج ترجعين وهذا بيتك ومفتوح والمفتاح معك ولا تجلسين في البيت وانا ااجيب لك غرفه نوم لك جاصه ووكل واحد منا في حاله ؟؟؟؟؟؟؟؟؟؟ انا نفسي مرررررررره تعبانه وصارحه صدمني برده واخذت عفشي ورحت عند هلي ولي 3 اسابيع وابجلس عندهم لين ماتنتهي الامتحانات بس محتاره ماني عارفه وس اسوي اهلي يقولون تحملي هذا نصيبك وانت صغيره عالطلاق وتعرفين نظره المجتمع للمطلقات وانا ما بي ارجعه واشوف اني اطلق اللحين احسن من اني اكون مطلقه ومعي اطفال منه انصحونني

بصراااااااااااحه معك حق اذا هاذي صفااااااااته ؟؟؟كيف تعيشين معه ؟؟؟

لكن مافكرتي
انه في مجاااااااال للنقااااااش بلمواااااااضيع الي ماعجبتك !!!!!!!
مثلا
ذكرتي
انه بيتوتي
تقدرين تغيرين طبعه
بخروجك عند اهله واهلك والاقااااااارب والخروج في نزهه وما اظن بيرفض.....
طبع
انه مايحب احد
كيف حكمتي عليييييييييييييه؟؟؟

اما من ناحية الصرف
فتقدرين تطلبينه مثلا بلشهر 200ريال
وباذن الله تكفي مع راتب الكليه

طباع زوجك قااااابله للتغير
انتي
ماعليك الا مصاااارحته بلامور الي تضاااايقك !!!!
انتي مثل ماتجرئتي وطلبتي الطلالالالالالالالالالالالالالالالالالالالاق

انتي الله يهديك
تسرعتي وطلبتي الطلالالالالالالالالالالاق
بدون اي مباااادره للحل

صح لو انه رفض وكااابر وعااند اكثر
كان معك حق.
وجهة نظر اتمنئ تقبليها .

عروسة 7 شهور تترك بيتها
اشعر انك تسرعتي حبيبتي اكثر البيوت ما تخلو من مشاكل والزواج في الاول محتاج صبر صدقيني بعدين تتعودي عليه وتعرفي طبعه لكن لا تتسرعي وتخربي بيتك
تفاهمي معاه والله ييسر لك امرك

__________________
لا اله الا الله

بارك الله فيك اخت ام روزينه على ردك الرائع والجميل وصدقتي في كل كلمه قلتيها بس وين اللي يستوعب مثل هذا الكلام ويعمل به0

__________________

	سبحان الله وبحمده سبحان الله العظيم0

والله الرجااال صااادق بكل كلمه قالهاااا!!!!!
يعني برأيك سووى كل شي وزوااج ومهر وخساااير
عشااان بنهاايااا تقولييين بكل سهوله وعند اول مشكله طلقني!!!!!!!!!!!!
حبيبتي مب انتي اللي انصدمتي برده لالالالا
اهو اللي انصدم فيك وبطلبك لطلاق وماطلعتي قد المسؤليه
بجد بجد تستااااهلي هالرد!!!!!!!!
وما كذب يوم قااااال
اذا عرفتي ان لك بيت وزوج وتبي تحاافظي عليهم ارجعي بيتك
نفس الكلام بقوله لك
هدااااك الله!!

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

حبيبتي .. الحياة في اول سنة زواج دايما صعبة لانه الرجل يبغى يحس بالقوامة والرجوله وبانه قد المسؤلية وانه رجال قادر على فتح بيت .. والمراة غالبا ما تتبع المقولة "زوجك على ما تعوديه وابنك على ما تربيه" ..

هم عندهم عبارات وشعارات بس لو جينا في ارض الواقع قليل جدا الي يعرفوا كيف يتصرفوا

المراة الذكية هيا الي تحسس زوجها في اول سنة زواج انه على قد المسؤلية وانه الكل في الكل وكلمته الاولى والاخيرة ..

بعض الرجال يطلعوا بطلعات غريبة ويحطوا قوانين وشروط في بداية الزواج .. فقط ليشعروا بالقوامة

مثل الي يقول " انا ما اكل من طبخ الخدم وابغى كل يوم طبيخ " ولو دققنا في حياته وهو عزابي اغلب اكلاته من المطاعم او يمكن يكون اكل بايت

الفكرة هنا انه انتي لازم تساعدي زوجك انه يثبت لنفسه القوامه ... لانه بعد مرور كم سنة راح يعي كل طرف حقيقة

مسؤلياتهم بالاضافة الي تفهم طبيعه كل طرف .. بعدها راح يخف الوضع ويصير فيه تفاهم اكثر ان شاء الله ..لانه سنة اثبات الذات تكون انقضت

المواجهة الصريحة في اول سنة زواج غالبا تكون غير مجدية .. المصراحة في هذه الفترة بحاجة الي تقنن في اختيار الالفاظ .. وفن ..

مثلا وحدة تقول لزوجها "احنا لازم نكون صريحين مع بعض عشان مايصير في تراكمات .... الخ "
وهدفها المسكينة انهم يحطوا طريقة لحل مشاكلهم .. او الحد منها .

بس للاسف بعض الرجال يفهمها انه هيا كذا ناوية تمشيه على كلامها او هيا اللي بتحط الطريقة الا هما راح يعيشوا فيها.. وممكن يخطر في باله "زوجك على ما تعوديه "

في حين هيا لو قالت "ايش رايك لو عملنا كدا او كدا " .. واذا رد عليها وضاف شيء تقوله والله انك صادق مادري كيف فاتتني هذي النقطة .. عندها سيشعر بان صاحب الكلمة الاولى هنا

حاولي دائما لمن تتكلمي معاه او تطلبه او تتصارحي معه انك تبدأي كلامك بـ "ايش رايك ؟؟ "
بحيث تكون كلمته دائما هيا الاولى والاخيرة

لكن انتي يا عزيزتي اخطأتي يوم تصارحتي وقلتي
انتي جرحتيه في الصميم واثبتيله انه شخص غير قادر على تحمل المسؤلية و فتح بيت .. فكان شيء طبيعي انه يكون رده عنفواني ويحاول انه يحطم فيك عشان يسترد نوعا من رجولته الي انتي مسستيها .. وممكن يصل فيه العناد انه يعمل اشياء ما تتوقعيها.

وكلامه هنا اكبر دليل انه خايف انه الناس تقول عنه ما قدر يتحمل المسؤلية او مو رجال او من هذي الكلمات
تمسكه بكي هيا محاولة منه لاثبات نجاحه في القوامه على الاقل قدام نفسه واهله عشان كدا ما اهتم اذا كنتوا سعيدين او لا المهم انكم مع بعض في نفس البيت حتى لو كل مين في غرفة ..

نقطة ثانية مهمة جدا اختي العزيزة : محدودية دخله المادي يجعله دايما يشعر بالانتقاص خاصة لو مو قادر يلبيلك طلباتك

حتى لو انتي ما بتقوليله بس اكيد بتحسسيه بهذا الشيء ..
رده هنا دليل على انك جرحتيه .. لانه حتى لو ما يقدر مستحيل يقولك هيا
هل هو عارف انه اهلك بيعطوكي ؟؟ وانك بتصرفي من مهرك ؟؟ ..

لو كان عارف انه اهلك بيعطوكي .. فطبيعي جدا انه يحاول يشوه صورتك عند اهلك لانه هو حاس انه صورته مشوشه عندهم .. وانه في نظرهم مو قادر يصرف عليكي


عزيزتي زوجك محتاجك توقفي معاه .. حسسيه انك مبسوطه معاه .. حاسبي نفسك ودققي في طريقة تعاملك معاه ..
زوجك مجرروح لانه حاس انه مو قادر يسعدك بس مو قادر يقول لاحد .. لذلك تصرفاته بتصير غريبة ..وانتي بتزيدي عليه الألم

زوجك محتاجك تاخدي بيده وتقوليله انت اغظم مخلوق في الدنيا .. اي حاجة يسولك هيا امدحيها وطلعيها السما ..
ليش لمن يوديكي الكلية ويرجعك منها ما تدعيله الله يسعدك زي ما بتسعدني وتجيبني ..
بوسي راسه انه سامحلك تدرسي وقوليله انا اعرف اني باقصر معاك عشان دراستي بس الحمدلله انه ربي رازقني بواحد عاقل زيك بيساعدني اكمل دراستي ..
كل ما سوالك حاجة ادعيله بالتوفيق والسعادة "ربي يخليك ربي يسعدك ربي لا يحرمني منك ...."

امدحي زوجك ياعزيزتي .. زوجك محتااجك اعطي نفسك فرصة انك تفهميه ...

شيلي من راسك انك ما تحبيه ...وحاولي انك تحبيه

لو اعطاكي مصروف وان كان قليل اشكريه وحسسيه قدي ايش هو عظيم رغم محدوديه دخله بس ما حاول يحرمك من انه تكون عندك فلوس في يدك .. فيه رجال مايعطوا زوجاتهم مصروف ابدا .. هذي نقطة ايجابية فيه وتدل انه ما يبغى يقصر عليك

بس العين بصيره واليد قصيرة ...

سعادتك اختي الكريمة بيدك انتي من تجعل بيتها عامر بالسعادة او العكس ..

اخري موضوع الانجاب الآن واعطي نفسك فرصة انك تعيشي حياة سعيدة ...واستخري قبل كل شيء

وعليكي اختي الكريم بالاستغفااار فوالله له مفعوول سحري للسعادة بس احنا الي غافلين


دمتي حبيبتي بسعادة

مابعد كلام افكاري حياتي كلام.. فعلا حبيبتي انتي صغيره وتحتاجين شوي خبرة وتسرعتي في خروجك من بيتك..

__________________

صح كلام الاخوة انت تسرعتي ولسا صغيرة سايري وتحملي بتكسبي لجنبك وحبي بحبك اكتر يعني دللي معلش انت بدك تسعدي بيتك

ابفهم وش فيهم بنات هاليومين ما عندهم صبر على الزواج وصارت كلمة طلقني سهللللللللله !

يا بنتي

زوجك معاه حق بكل كلمة قالها


اعقلي ورجعي بيتك وباذن الله بعد سنة ولا سنتين بتتذكرين هالموقف وتندمين او تضحكين ! بكل الحالات طريقة معالجتك لأمور حياتك خطأ بخطأ

عمرها ما الدنيا تجي عناد؟؟ واولوياتك اعيدي حساباتها.


بعدين هذا زواج .. يعني انصهار بين عادات وافكار وتربيات واساليب مختلفة.. ما رح يتم بشهر و2 وثلاث! تخيلي تسرعك في الحكم على الامور !

الله يهديك بس ويوفقك بامتحاناتك

استسمحي من زوجك ورجعي بيتك لا تندمين .. ترا والله اذا تطلقتي ما تضمنين نصيب افضل..

وبعدين لا تفاولين على نفسك وتتشائمي وتقولين اتطلق الحين احسن من اكون مطلقة مع اولاد !! انتي تعرفين الغيب ؟

__________________

انتي الغلطانه .. انتي تعانين من ضغوط دراستج مع قلة الماده ..!! وحاطه في بالك انه هو السبب !! فصرتي ماتطيقين منه شئ وعند اي كلمه قلتي طلقني!! والضغوطات اللي انتي فيها نقلتيها من خلال تصرفاتك الى زوجك..!! انا اقول دام ان المفتاح عندج روحي لبيتج وعيدي حساباتج!! ورتبي اوراقج!! عسى الله يفرجها ...

__________________
اللهم احفظ لي زوجي وسخره لي واحفظ لي اولادي