ابي اشتري هدية لزوجي واحترت صراحة المراة اذا بدهدي لها في ميت شغلة وشغلة
بس الرجال؟؟؟
لا تقولون غرشة عطر ولا ساعة ولا قلم ولا ميدالية ولا التحف الي يكتبون عليها كلام ولا اشمغة ولاترنكات ولا شورتات( مع ان زوجي مايلبسها بس شريتها يكشخ فيها قدامي)
لان احس ان زوجي بيفتح له محل من ها الاشياء
اصنعي له هدية صغيرة من صنع يديك هاتي وردة حمراء ومزقي اوراقها واكتبي بها كلمة أحبك ستكون وقعها في نفسه احلي من مليون عطر .
ممكن تهدينه مخده طبيه ينام عليها يعني جيبي ثنتين وحده لك ووحده له
ممكن آلة حلاقه من النوع الجيد مع رغوة الحلاقه وعطر مابعد الحلاقه
مممكن مخدات للسياره أو زينة تعليقه معطره لسيارته
ممكن بخور حطيه بعلبه وخليه خاص بسيارته قوليله هذا بخور للسياره جايبته لك هديه
ممكن تروحين يو مارك وتشوفين شي حلو على قد ميزانيتك ..
كآلة مساج أو اي شي عندهم حلو ترى يو مارك عندهم أشياء تصلح هدايا
ممكن تروحين للمكتبه وتشترين : كتاب خاص مثلا بتربية الحيونات ، وكتاب خاص باالأهتمام باالديكور ، وكتاب خاص بطريقة تعاملك مع مديرك في الشركه ، وكتاب خاص بـ كتابة الرسائل بااللغه الأنجليزيه ، وكتاب خاص بـ كيف تكون مميزا ، أو كيف تكون واثق من نفسك ....الخ
المكتبه تجنننن فيها كتب جذابه ومتنوعه ممكن تغلفينها بعلبه وتهدينه اياها مع عطر حلو
أشتري له ملابس للبيت كم شكل يعني خليه يفتح الكيس ويطلع اشكال والوان من لبس للبيت ..وكل مالبس شورت أو بجامه انبسطتي
والله انا عندي شي جديد اصراحة اهديتها لحبيبي وعجبتة مرة وغريبة اشوي بس قبل مااقولي ادعيلنا انتي ولي يقرا انة نتزوج:14: ونتوفق بإذن الواحد الأحد هي قفص وداخلة عصاافير الحب ويكون القفص حمر او انتي بخية ودي محل هدايا ويزينا لك
التعديل الأخير تم بواسطة النور والحنان ; 19-08-2005 الساعة 04:09 AM
والله انا عندي شي جديد بس قبل مااقولج ابغاج تدعيلي انتي ولي يقرون الموضوع يدعولي اني اتزوج لانسان اللي احبة :14: :14: :14: هي قفص احمر في عصافير الحب ويكون القفص مزين وحلو مرة معة بطااقة فيهاا كلمت احبك حتى الموت