السلام عليكم
انا متزوجه من اربع سنوات وبدخخل الخامسه وحامل بحمد الله ومنته
شكيت بزوجي وصرت ادور وراه مع العلم اني اثق فيه لااخر حد المهم
فتحت ايميله وفتشت لقيت صورة بنت عنده وايميله وكمان بالفيس بوك وله محادثه
معها على الخاص جيت قلت له من البنت هذي فتحت الصوره له وانا ابكي مقهوره قال
مو انتي اللي مرسله هذي الصور قلت حبيبي هذي الصور شخصيه كيف ارسل لك صور بنت
هي نفس اسمي فقال احسبك انتي قلت واللي بالفيس بوك قال مو انتي قلت لا
قال احسبها انتي تستهبلين علي قلت انت تدري انو ماعندي حساب بالفيس بوك وزعلت وقال انا مو ملزوم
ابرر لك بكيفك صدقتي او ماصدقتي وزعل ليش افتش ايميله وسالته اذا له علااقه به قال لا ولااتهمني اصلن صدقته وحاولت اراضيه بس مو راضي يتكلم معي ابد يقول انتي تقولين اني خاين كسرتي الثقه بيننا
وحاولت اراضيه ومو راضي ابد وش اسوي تكفون

اسمحيلي تستاهلين من قالك تفتشين وليش اللقافه وليش ســـوء الظن أن بعض الظن اثم المفروض تكون واثقه فيه دام انك بعظمة لسانك تمدحينه وباين انك تحبينه وتموتين فيه ليش ماتتعوذيين من الشيطان اللي يقولك خليني افتش هذي بداية مو هينه لاتنظري لها بنظره عاديه بالعكس عدم الثقه يولد مشاعر التنفر طول الحياه .
توبي الي الله من التجسس _ تحملي زوجك متى مايروق مزاجه ويسامحك _ اتمنى لك حياة سعيده وسامحيني على القسوة

معليش.. مع احترامي.. ليش حرام تفتش الوحدة ومو حرام الرجال يلعب بذيله؟؟!!!

عفوا ..

إذا شكت المرأة وحست في تغير صادر من زوجها .. اي لازم تفتش..

لأنه اكتشاف المرض قبل تفشيه أسهل في علاجه..

مهما كانت ثقة المرأة تحس بتغير زوجها.. هذي نقطه..

النقطة الثانية الشيطان يجري بابن ادم مجرى الدم..

عشان ما أترك الشيطان يلعب فيني لازم اقطع الشك باليقين..

الرسول عندما كان يمشي بالليل ومعاه زوجته .. رأاه بعض الصحابه فالتفت لهم وقال حسبكم انها أمكم صفية..
قالوا معاذ الله يا رسول الله مانشك فيك..

فقالهم انه الشيطان يجري بابن ادم مجرى الدم..

فهنا الرسول يوضح لنا دفع الشك باليقين..

وما أخطأت يوم فتشت .. الوحدة تحاول تحافظ على أسرتها..
ودور الرجل انه يثبت لها برائته لو كان صادق.. وعنده طرق كثيرة يثبت فيها صدقه..

ودائما الكذاب والمراوغ يقلب الطاولة وهو اللي ويزعل ..





لكنك يا أختي أخطأتي في حلها..
المفروض ماتعطينه مجال يقلب الطاولة عليك..
ميخالف بيزعل طنشيه.. وادي واجبك تجاهه بدون ماتكلمينه لو طالت السالفة..
تفتحينها مرة ثانية.. بأسلوب ثاني..

وقولي له : أعتقد انه اللي شفته يحق لي أزعل.. ليش ماتبررلي.. ليش ماتقلع الشيطان عني.. ليش ماتحتوي المشكله وتثبت لي عكس اللي شفته..
ليش انت اللي تزعل.. وماهمك أنحرق ولا ما أنحرق!!!

بيقولك ليش تفتشين من وراي..
قولي انا مافتشت شي خلاني أفتح.. ربي راسلني للشي هذا..

وطالما ماعندك شي يتخبه وواثق من نفسك ليش تعتبر هذا تفتيش؟؟!!
ليش ما تعتبره حب استطلاع..

وقولي له أبيك الان تنهي لي السالفة.. لا تلتزم الصمت..
تراك بصمتك تأزم الموضوع..

وحطوا نقاط للموضوع وأوصلوا لحل يرضيكم انتوا الاثنين..
بدون ما تتأسفين وتثبتين له انك غلطتي.. طالما هو ما أعترف بغلطه..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

انا اوافق كلام الاخت احلاهم ..

وبعدين كل خاين يسوي هالحركه يقلب الطاوله عليك ويزعل
وانتي تروحي وتراضيه؟؟؟؟ المفروض العكس..
حاولي تصلحي غلطتك ..مثل ما قالت اختي احلاهم
وان مانفع معه ورفع خشمه وسوى نفسه زعلان او ضيع الموضوع..
ازعلي عليه وطنشيه وسوي واجباته وانتي صامته ..

سعودي مشكور على ردك القاسي
احلااهم مشكوره ياقلبي على مساندتك
تدرين اليوم احاكيه ابي نخلص من الموضوع قال انتي هزيتي الثقه وماراح اكلمك لشهر
قلت بما انك ماتبي تكلمني شهر انا ماراح اسوي لك اي شي اعتبرني مو موجوده
وقال خلاص اسبوع ماراح اكلمك والحين لي يومين ماطبخت له ولا سويت له شي ابد
وجاي اليوم على باله بطبخ له وانقهر لاني ماسويت له شي قال كان قلتي كل براء قلت
كل يوم كل براء لازنت نفسيتك علي تلقى اللي يرضيك وقال زين باسلوب تهديد
عاد مادري شسوي هو الحين طالع ومو جاي الا متأخر باليل وش اسوي

سعودي مشكور على ردك القاسي
احلااهم مشكوره ياقلبي على مساندتك
تدرين اليوم احاكيه ابي نخلص من الموضوع قال انتي هزيتي الثقه وماراح اكلمك لشهر
قلت بما انك ماتبي تكلمني شهر انا ماراح اسوي لك اي شي اعتبرني مو موجوده
وقال خلاص اسبوع ماراح اكلمك والحين لي يومين ماطبخت له ولا سويت له شي ابد
وجاي اليوم على باله بطبخ له وانقهر لاني ماسويت له شي قال كان قلتي كل براء قلت
كل يوم كل براء لازنت نفسيتك علي تلقى اللي يرضيك وقال زين باسلوب تهديد
عاد مادري شسوي هو الحين طالع ومو جاي الا متأخر باليل وش اسوي

اثبتي عند موقفك ولاتبكي وارسلي له رسالة تطلبين منه جلسة هادئة لمناقشة المستجدات في حياتكم
وكلميه بكل ثقة ولاتهتزي بل حافظي على بيتك وزوجك
والاخ الذي يقول لاتفتشي جوال زوجك مومعقول نرى المنكر ونسكت ونشجعه ومن فيه ريبة يجب متابعته حتى يقف عند حده
لانه يسلك طريق الحرام والشيطان يلعب به لذالك يجب ان نقف معه لكي لايتمادى

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

حركات رجال معروفه يبررون الخطا...والمضحك انه يقلك احسبها انتي...سبحان الله لهاالدرجه الاستخفاف بعقلك

والي تقول سو ظن اي سوء ظن وهي شافت محادثه...ولا عادي تتركه براحته الا مايتطور الموضوع..

حبيبتي لما الوحده تشك في شي لازم تدور ولا كيف تقطع الشك باليقين..اساس الوحد ماتشك من فراغ..الا اذا فيه حركات غير طبيعيه..

وزوجك اذا زعلان اتركيه يرضى من حاله هذا بدل ماتزعلين انتي يقوم هو يزعل..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها