السلام عليكم

لااخفيكم ان منتداكم اجبرني على البوح
قرات كثيرا وشاركت اكثر لكن مادفن في صدري صعب استخراجه ليس ياسا وقنوطا فرحمة الله واسعه
ولن يخيبني

مرررت على المشاكل المحلوله ونزلت دمعة من عيني هل ممكن ان ينتقل موضوعا اكتبه الى هنا
مستحيل
هل للحجاره حل غير كونها حجاره

اخوتي واخياتي الكرام اضع بين يديكم ماساة تزيد عن العشر سنوت لعلني وليتني اسلى بردودكم ياخير اخوة رايتهم هنا يبحثون عن عملا خالص لوجهه الكريم


عدت عروسة من شهر العسل الكئيب خيم عليه الصمت الذي كنت اظنها خجلا مني وحياء منه

لكن اتضحت الامور تباعا

اولها

بعد عودتنا ذهبنالنزور خالتي >>>>>والدته

اخيرا يافلان تزوجت >>>>اصغر منه 3 اخوه تزوجوا وانجبوا وهو مسوي اضراب عن الزواج اكتشفته مؤخرا

تصدقين يافلانه >>>انا انه مايحب الحريم يقول اكرههن >>>مايمديني اصير رجال

حتى حريم خوانه لاقابلنه يخافون منه ويخوف اطفال العائله كلهم>>>>الرجل الحديدي متزوجه



خوش مقبلات ابتداءتها لي خالتي غفر الله لها

مقبلات تدل على حياة ملئها الهنا والسعاده مع هذ الانسان الذي

حتى اخته تقول لااعلم ولااعرف ماذا يريد واي شئ يعجبه سافرت معنا مره

والى الان تقول الله يعظم اجرك شلون متحمله


الحمد لله والخيره فيما يختاره الله

نجي للعروس انا بيت اهلي بيت مرح جداجدا انا واخواتي الـــ^ نضحك ونسوي مقالب مع اخواني سماحه وطيبه واي شئ بالقلب على اللسان

اييييييييييييييييييييه

زوجي ثري جدا كريم لايقصر معي واولاده بشئ

لكن

يازين راحة البال ياحيي لو مامعه مال

ان ضحكت قال قلة حياء
وان لعبت معاه قال عيب ولو ليله رومانسيه لامجيب صمت ولا مدح ولا ابتسامه فقط اعلم انها اعجبته بالفراش الصامت ايضا

وبعد سنتين اثبت لي حقيقته المره قال

ودي احرق بكل الحريم>>قلت وامك قال لا الا امي عاد

قلت بميوعهوانــــــــاانتي اولهم!!

هو مدير بشركته ويعتبرني من موظفيه اوامر ونواهي وياويلي لو اتعدى حدي

نسيت اخبركم ان صمته ليس وديعا

وانما صمت يعبر عن كل شئ احتقار ازدراء شماته

هواش تصدقون فيه نظره عنده اخاف منها معناها انه غضبان اجلس انتفض يوم كامل

ضربني مره واحده >>>>>كرهته زيادة على كرهي

ضربني لانني حثثته على صلة رحمه والسؤال عن اهله >>>>كانه يقول بلا لقافه

انا الان وبعد مرور السنوات صمتت مثله

من يراني يستغرب اين الحيويه والضحك

صامته عابسه وان ضحكت

اطلق وراءها تنهيـــــــــــــــــــده طوووووووووووووويله

على عمري وشبابي اللي اندفن

يسافر بنا كثيرا لكن كانني مع اولادي فقط

انا محتشمه جدا لكن مايمنع من ايغثني بتعليقاته تستري لاتلفتين لاتتكلمين عند السائق 4 الى 5 ساعات طريق احيانا وياويلي ان نطقت

يلتفت علي بعيونه المرعبه

سياحه ممتعه وكانها تادية واجب عنده


اموالك ياسيدي اشترت لي كل شئ


الا راحة البال والسماحه وهي الاهم عندي

في الفتره الاخيره تركته نهائي عشت لحالي وهو لحاله تحت سقف واحد لم اجد له دواء ناجعا فتركته

ولم يسال ولم يعتب وكانه فرح بذلك


اعضاء هذا المنتدى المعطاء هل من ردود تبرد حرتي وتشفي غليل سنين


بارك الله في الجميع

__________________


[read]اعلم يا سيدي ان كان انفك فوق النجوم فإن النجوم تحت قدمي[/read]

كان الله بعونك..اختي و الله يحنن زوجك عليك...

لكنما السبب الذي يجعله يكره النساء؟؟
و الغريب انه شملك معهم..؟؟

هل هناك حادثة مرت معه ..و اثرت عليه..و جعله هذا الانسان الذي تتكلمين عنه؟؟

وعذرا على تطفلي لكني اشعر ان المقصود بتوقيعك .. هو ...زوجك..

حاولي ان تعامليه بحنان و رقة..بحيث يشعرك بانوثتك..لا كبريائك...

و الله يسهلها عليك..

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

سبحان الله
كم تتحملين من معاناة حبيبتي
رق قلبي لقصتك
لكن لما يكره النساء
و اذا كان من تجربة قديمة لما لم تغيره عشرة عشر سنوات من الحب ؟؟
أشعر أنه بحاجة لعلاج نفسي من هذه الجهة و طالما هو ثري يمكنه الإستعانة بطبيب متخصص و ناجح
لكن المشكلة اقناعه بالذهاب للطبيب النفسي أظن سيكون صعب
أخشى أن يكون تعرض في طفولته المبكرة لتحرش من امرأة أو تعذيب أو موقف سيء جعله يكره النساء
أكثري من الدعاء أن ربنا يحنن قلبه عليكِ
ربنا ييسرلك أمورك

__________________

مساء الخير .....


عزيزتي .... طولي بالك

مو انتي لحالك على هالحال اعرف كثيرات كذا

مشكلته الزوج المليونير + مشاكل عائليه وبالغالب من الطفوله

وش فايدة الفلوس مدري !!

المهم لو تفكرين في مشاكله بيشيب شعر راسك ما فهمتيه ولا حس فيك

لانه من وعاء على هالدنيا واقرب الاقارب بينهم طحن ومطاحن
وش تبينه يكون انسان حساس
نعمه من الله سمح لك تجيبين عيال
ويصرف عليك
غيره مليارديريه ويحرم نفسه ولا يبي عيال ..... اعرف وحدة حملت قالها خل نسافر ننزله
ياحبيبتي معظم الاغنياء عندهم مرض اسمه جنون العظمه يحس احساس انه شئ
ولا ينلام ابدا خدم وحشم وام تقوله من وهو نونو لهم الشرف انك تدرس عندهم وانت وانت وانواع المدح وهو ولاسوا شئ ........طريقه التربيه غلط وانتي مابيدك حيله انتبهي لعيالك
ورددي عليهم دايما
ان النعمه هذي فضل من الله علينا ولا احنا نفرق بشي عن الناس ولا عن الشغاله لكن ربي رزقنا المال وامرنا بالزكاة والصدقة ..... فالنعمه تحتاج لمن يرعاها والا اصبحت نقمه على صاحبها

اغرسي الطيب بعيالك وهو بيتعلم منهم
هو
لا تجابهينه ابد

اعرفي ان
لايأس مع الحياه .. واتركي همك على ربك
وادعي له لا تخلينه من دعائك ابدا
لا تشمئزين منه لانه يحس وهو اصلا بداخله يكرة نفسه ويتمني يكون شخص عادي
ركزي عليه هو يحب ينجز شي ... بس وين مايشوفه..
ترا شركاته الي يترئسها ما يعمل فيها عمل حقيقي تحته اسطول من المدراء والموظفين
لكن هو الي على المسرح مدير
فهو بقراره نفسه يكرة هالشي ويتمني ينجز لكن يخاف من الفشل
فاكثر الناس يأس اكثرهم دلال مرحله الطفوله
وطبعا لايمكن يتحمل مرارة الفشل
لانه ماذاق طعمه طفل كيف يوم صار اب ورجل
حبيبتي طولي بالك عليه

وروقي واضحكي واحترميه بس لاتخسرين نفسك
هو مو مستانس انك بعيدة عنه ولا مستانس انك تكشرين وتسكتين
بس هو كذا تعود على انه ما تثني له كلمه ولا يطلب ولا يترجاء احد..
عيشي حياتك بس اذا قال شي نفذيه بلحظته وسوي للامر ديليت
الا الاوامر الاساسيه مثل طريقه الغطاء
الكلام بالسياره انتبهي تربطينه بحياتك لان كل الرجال كذا
شي خاص بالسعوديين انا اعتبره حياء من نوع اخر
رجوله كذابه .. مدري بس نادر الي اسمعهم يسولفون مع السواق
بالعكس... اعرف وحدة تقولي ... نكون مسافرين و بالطريق ل ساعات انا لحالي وهو يقضي وقته بالسواليف مع السواق
ولو احرك الشنطه احط كريم شمس او اشوف الموبايل خزة عين محترمه ........!!

زوجك غييييييير
حساااااس جدا جدا بس خلف جدار حديد
فلا تتوقعين قلبه فاضي بالعكس هو ماسك عليك مليووووووووون زله وزله وعطاءة الي متعود عليه(الفلوس) يحس انك ماخذه حقك ونتي مقصرة في حقه
هذا شعورة ... صدقيني ..
مايعرف يعطي غير كذا ...
ولاننا البنات الحلوات الي ربي خلقنا ننسي ونسلى بالدنيا ونضيف فرحه لاننا نتفائل
تفائلي والا شوي شوي تصيرين كوبي منه .....

ابدءي رحلتك ....
لا تغلطينه ابد
لا تناقشينه ابد
صيري معه تشكن تشكن كانك ماتعرفين لشئ بالذات بالسفر
لاتضحكين عليه ابد ابدا
اضحكي له
لاتسخرين منه
احذري توجهينه
لا تطالبينه
لا تبررين له
مبرراتك خليها بريئه .......... والله نسيت .......يؤ يئطعني .... يبعت لي حمي ...
اقلبيها مسلسلات
شجعيه على عمله واحترمي وظيفته وكانك بحاجه الريال

لاتصرفين كثير وابداي وفري

اسأليه مثلا ... عندي مناسبه وشفت شنطه حلوه ..بس غاليه
بدور السوق انشالله القي احسن منها

اذا قال اشتريها ........... طيري من الفرحه وحبي راسه وقولي ياحبي لك شكرا
داريه انك موب مقصر علي ولا مخليني احتاج شي
بس والله ودي ادور شنطه بسيطه شيك ورخيصه الي متي نلاحق الماركات ؟(هذا درس من تحت لتحت )
باقي فلوس بتصدق فيها وشرايك
وخذي رايه على محمل الجد
قال ايه ........روعه مع اني اتوقع انه يرفض
لكن احترمي رايه وبسرعه وافقي على اي شي يقوله حتي لو يسكت ويتركك يعني سوي لها ديليت
لو قال لا اشتريها وعصب .... اشكريه اشكريه كثييييييييييييير
لازم هالنوع من الرجال تقدسينه
انتي بتتعبين كم سنه بس بعدين بيصير ما يحب الا كلامك
صدقيني هالكلام الي اقوله مجرب
جربي ولا راح تندمين
لا تامرينه ابد
اعرضي عليه كانك تكلمين صاحب سمو او عميدة الجامعه
وشوفي حياتك وشلون تتغير
ارجعي لغرفتك بدون مايناديك
هذا بيتك تصرفي بحريتك
ولو قالك وش جابك والا من الكلام الي يسم البدن
طنشي واختلقي له قصه انك كنتي تعبانه وتعطشين كثير بالليل وخفتي تزعجينه

اهم شي لا تسبينه ابد ولا بينك وبين نفسك لانه ممكن يكون يتجسس عليك وصارت لوحده اعرفها

انسي كل كلام اهله وكل الي تعرفينه عنه جددي خلفيتك عنه ......
..... افتحي صفحة جديدة .......
كلامك مع اهلك عنه كله مدح جربي حتي ولو بالكذب امدحيه عند اهله عن كرمه وعن سفرياتكم وكانك اسعد انسانه
وروعه لو كان قدامه
امدحيه ليل ونهار
اذا جت سيرة البزنس امدحيه وقولي له ........ البلد كلها رجال اعمال .. بس فيه منهم من تحوم كبدك اذا سمعته يتكلم
او يطيح من عينك بتصرفاته التافهه
تصدق ... انا افتخر فيك انت شخص ناجح بعملك واخلاقك راقي كل الناس يمدحونك
انا اذا دخلت المناسبه الناس تاشر علي باسمك اني زوجتك
احس بسعادة ودي بس ادور اسلم عشان يقولون لي زوجه فلان
واذا حسيتي انه فرح واعطي للموضوع اهتمام
قومي بسرعه وحبي راسه وقولي له الله يخليك لي... انت قدوتي.....انت علمتني وشلون الحياه
ذوقك روعه كلك روعه ................

اخيرا
لاتكرهين حياتك...... كثير امثال حياتك يقولون كلنا بالهواى سوا

تحياتي لك,,

أعانك الله غاليتي . . .

ليس بيدي شيء لك غير الدعاء بظهر الغيب . .

تقبلي مروري . .

__________________
ربي يخليك لي ويحفظك ياأغلى زوج بالدنيا كلها

عساني مانحرم منك ومن حنانك ياتاج رآسي

اعانك المولى غاليتي


ومؤكد ان زوجك يخفى وراءه سر دفين

اثر عليه هذا التاثير


ابحثي مع اخته والده والدته

المهم لاتياسي

اقلها تجدي عزاء لنفسك

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اعانك الله ... مليييييييييييييييييييييييييون بالمئة هناك حادثة في حياته اثرت عليه ... حاولي عزيزتي ان تنسيه الماضي بكل ما فيه ... كوني على طبيعتك ... مرحة ضاحكة .. .. لعله يخرج من قوقعت الماضي الاليم ...

__________________

(((اللهم اني عبدك ابن عبدك ابن امتك ناصيتي بيدك ، ماض في حكمك، عدل في قضاؤك اسألك بكل اسم هو لك سميت به نفسك او انزلته في كتابك ، او علمته احدا من خلقك او استأثرت به في علم الغيب عندك ان تجعل القرآن ربيع قلبي ،ونور صدري وجلاء حزني وذهاب همي )))

تسلمي ياعمري

خلص كل الحنان اللي عندي

الحين حطيت راسي براسه

يمكن يعجبه

__________________


[read]اعلم يا سيدي ان كان انفك فوق النجوم فإن النجوم تحت قدمي[/read]

أختي 90% مماذكرت واقع الرجال في البلد الذي نعيش فيه المرأه لديهم اله تنجب الأولاد وتربيهم وخادمه تركض الليل والنهار لتوفير كل مستلزمات الراحه واي تصرف عفوي بسيط غير مقصود تقوم الدنيا ولاتقعد..
يظنون ان المال هو كل شئ وينسون الأحترام في التعامل لن اقول حب لأني لاأؤمن بتلك الكلمه لأن أساس العلاقه الزوجيه الناجحه بين اي طرفين هي الأحترام المتبادل والتقدير لكلا الطرفين..
زوجك يبدو لديه عقده نفسيه من النساء حلها مراجعه الطبيب النفسي لحل الوضع المزري الذي يمر فيه.. لايمكن لغير الطبيب النفسي معالجته للوقوف على المشكله ومساعدته في تجاوزها..
لي عوده ان استعطت..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

كان الله بعونك اذهبى لمستشار فى العلاقات الزوجية