مساء الخير اخواني واخواتي
يمكن كثير منكم يذكر مشكلتي قبل حوالي 3اسابيع
لما اهاني زوجي ومرمطني فوق اللازم لحد ماطلبت الطلاق
كنت جاده وحازمه جدا لاني تعبت وشفت الويل منه
حياتي معه خاليه من الاحترام وجافه جدا جدا

زوجي بعدها تأثر جدا
اعتذر اكثر من مره
وانا صديت عنه تماما وكرهته ونفرت منه
لاني انجرحت جدا خصوصا لما اهان شكلي
وقال ان جسمي مقرف واني ما اثيره الخ
انا هنا ماتت كل مشاعري ولهفتي تجاهه
لكني مستمره بحقوقي كزوجه
وهو كان يحاول يستظرف من وقت للثاني
وانا ارد بهدوء وحزم
حتى العلاقه الخاصة بينا منقطعه لها اكثر من شهر
وهو اصلا من زمان مايقربني وينفر مني
وكل يوم له حجه غريبه عجيبه


انا قلت لحد هنا وبس
اشتري احترامي وكرامتي وراحه بالي
صار تركيزي على نفسي وبنتي وبس
حتى البيت ماعدت اهتم فيه زي زمان
يعني ماعدت اتفنن بالسفره ولا العطور الخ
وحتى مظهري العام صرت ما اتكلف زي زي زمان
يعني اهم شي اكون نظيفه وريحتي حلوه وبس
وطبعا تركت الكلمات اللي مثل: حبيبي وعمري الخ
وماصرت اضمه وابوسه مثل زمان ولاشي

حتى القهوة اعملها له واحطها قدامه
وانا اروح اتقهوى لوحدي
لدرجة انه صار يناديني ويقول: اشتقت لجمعتنا خلاص يكفي


وهو اذا جاء يحاول يمازحني
وجلس كم يوم يغازلني بالجوال
ويعطيني وعود حلوه للاجازه الصيفيه
يعني يحاول يدلعني ويسترضيني
وانا جافه ورسمية معه غصبا عني
نافره ومقهورة وساكته
لاول مره مو قادره انسى خصام بينا
لانه كان فوق طاقتي وحصيلة تراكمات
واهانات وتجريح وياما كتبت عن مشاكلي معه


هو بعد فتره مل.. وتركني بحالي
وصرنا عايشين بالبيت شكلا بس.. بدون روح
وانا عادي متقبله الوضع
جلس يومين بعدين رجع يحاول يراضيني
وانا قلت له انه بنى حاجز كبير بينا
واني مو قادره انسى اهاناته وتجريحه القاسي جدا
قال لي انه كان بس يحاول يقهرني
وقال لي كلام اهبل: انتي جميله الخ
انا ماحبيت يكمل بهالسياق.. لاني مافقدت الثقه بنفسي
لكن فقدت الثقه بعلاقته وفقدت الرغبه فيه كرجل
وهو طلب مني نروح ناخذ ليله بفندق نغير جو
انا كنت متردده.. وبعد اصراره وافقت
وتركنا البنت عند اهلي.. ورحنا الاوتيل
انا هنا ماحبيت انكد ولاحبيت اتحامل على نفسي
فكنت اسولف واضحك كأني طالعه مع اهلي
وهو بالبدايه كان مبسوط.. وتجاوبنا مع بعض
وبنفس الليله نمنا بدري وماصار بينا شي طبعا
ثاني يوم اخذني السوق.. شريت لي فستان
واحنا بطريق بيت اهلي حتى ناخذ بنتي
كان يتكلم عن فريقه انو فاز ومدري ايش
قلت له بدلال: مبروك.. ولا تنسى حلاوتي
هنا هو قلب فجأة.. وقال: اففف خلاص مصيتي دمي!!
انا تفاجأت منه!!!
قلت له: ليه كذا؟ ترى كنت امزح بس!
عصب زياده فجأة.. وقال: انتي اصلا ماديه وانا الحق علي اللي اجاريك الخ


طنشته ومارديت عليه
ورجعت البيت ونيمت بنتي ونمت
وهو جلس يدخن برا بعدين جاء ينام ويتلحف بالغطاء حقه كالعاده
(كل واحد منا له غطاء خاص لكن ننام بنفس السرير)


انا ماهمني
لكن هاينه علي نفسي
كنت ناويه اعطيه فرصه يهدي الامور
والتزمت اكون رايقه معه لاقصى حد
لقيته لما شافني رخيت شد علي فجأة!!


اللي بيني وبينه الان نفور على كره على جفاء
عايشين بالبيت كمجرد اشخاص
لكن مابينا اي نقاط تقاطع
وانا شخصيا حميت نفسي من الاهانه والمرمطه لما بعدت عنه

لكن اذا شفت زوجين ماسكين يد بعض ويمازحون بعض.. احزن على نفسي

أحزن عليه وأحزن عليك،
هو عنده مشكلة سلوكية ما يقدر على تعديلها لكن من البداية كنت ألاحظ محاولاته الكثيرة لإرضائك وتعويضك،
و انت تعبت منه و عجزت عن التأقلم مع شخصيته.
ولاحظت أمر انك تدققين كثير وتوقفين عند كل خطأ، مثل لما قال مصيتي دمي. انت زوجته ويتكلم معك على سجيته واللي في قلبه على لسانه. ردة فعله طبيعية لكن يبدو انك حساسة جدا.
الله يعينك ويكتب لك كل خير.

ياقلبي انتي
الله يفرج لك ويسخره لك ويهديكم

__________________
سبحان الله وبحمده

أنت عصبية جداً وحساسة إلى أبعد حد وواضح إنكم غير متفاهمين
وبصراحة أنا ما ألومه
كل ماجاء يراضيك برطمتي وأهملت نفسك
خلاص مادامه جاء يعتذر تدلعي عليه شوي ثم تقبلي عذره
التنازل في الحياة الزوجية أمر مهم جداً
وبعدين مافيه حياة زوجية خالية من المشاكل
تفاهموا مع بعض ولاتدققين كثير

الله يكتبلك الخير ويبدل حالك للاحسن
حاولي تاخذيه لمستشار اسري
الله يجبر خاطرك

نجاح انا مو حساسه جدا
بالعكس هو بنفسه اذا راق قال اني صبوررره
لكني تعبانه منه وخاطري ما صفى وفوق كذا هو مستمر بالضرب من تحت الحزام

انا بكل مره كنت اتأقلم معه وياما ضميته وراضيته بعد مايهيني
لكن بعد الخلاف الاخير مو قادره
حتى نظرتي له ونبره صوتي معه متغيره
ماعدت اعامله مثل ماتعامل انثى ذكر
صرت باااارده جدا.، رسميه ومطنشه

ريفان
يارب حقق حلمي

جزاكم الله خير
اللي عارف اسلوبه السابق معي بيتفهم موقفي

__________________
[{ وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

حبيبتي كنافه

ما في جديد

هو مستمر على طبعه

و قديما قالوها ابو طبيع !!

حبيبتي مافي حياه خاليه من المشاكل

فأنتي يا ترضين بوه و بلاش اقول بقردك لووول

يا اما ما ترضين

و الله شوفيني عندك

كل يومين ثلاثه مشاكل بسبب اهل زوجي !!!

يرجعلي بوجه غير الوجه اللي يروح بيه من عندي

و انا اطالع فيه و مستنكره

بس و الله و الله ان شاء الله انهم يبطون عظم ينكدون علي

و لا

يهزون شعره من راسي بحول الله

الحمدلله

قايمه و قاعده اشكر ربي على ولدي و اراعيه !!

و اللي بينكد على نفسه ما دريت عنه !!

انا الحمدلله اراعي ربي ان شاء الله ما اراعي الناس الفاضيه

و ارضاء الناس غاية لا تهمني

بالنسبه لزوجك يا حلوه

عنده مشكله في الفراش و العصبيه !!

الظاهر مرتبطين في بعض

لكن و الله لو ركزتي انك تعالجيهم

بتخسري كل شي

حتى حنانه و عطفه يوم يراضيك !!

اتوقع بتقوليلي ما تبغين منه شي الا الاحترام

بس هذا عيبه

تجاوزي عنه !!

__________________
[img]http://im78.***********/FRd0Bi.jpeg[/img]

لا هو لايحاول اسعادي
اكبر همه فقط ان يستمر زواجنا
حتى وان استمر بهذا السوء والوضع المزري