السلام عليكم ورحمة الله
احتاج مشورة عاقلة وماخاب من استشار .. بحكم ان هالموضوع مااقدر اقوله لابوي واخواني فاحتاج مشورة رجل عاقل وجزاه عني وعن ولدي الف خير ..

في فبراير الماضي لقيت جوال نوع هواوي في مجلس بيتي فتحته واكتشفت انه لزوجي يشتغل فيه كابتن كريم بس فيه برنامج ثاني برلينقو محادثات مع شباب يطلب منهم صور ويقول انه مبادل طبعا انا صورت المحادثات وجهزت شنطتي وقلت له لو سمحت بكل هدووء طلقني والله يستر عليك انا ماراح اعيش مع شخص شاذ حلف وبكى انه بس فضول ويبي يطقطق ويكتشف هالعالم انا صدقته لان علاقتنا صارت ممتازه جدا العاطفيه والجنسيه ومافيه علامات شذوذ .. الحين انا عند اهلي نفاس ولاحظت عليه حريص ع جواله مرره لدرجه لو ينحرق مايفتحه وانا جالسه خصوصا تويتر قلت له ابي تويتر حقك ابي ابحث عن شي وماابي من حسابي قال ماعندي تويتر حذفته من زمان عرفت ان تويتر فيه مصيبه فتحت حسابه من جوالي واكتشفت انه رجع يراسل عيال شاذين واخذ سناباتهم ع اساس يصورون لبعض..

ارجع اقول علاقتنا الحنسيه والعاطفيه اكثر من ممتازه مره صرنا فاهمين لبعض ومو مقصر باي شي من حنانه وطيبته احس اني مو مرتاحه ببيت اهلي ابي ارجع اعيش معه بس لظروف تعبي جالسه .. ايش الحل ؟ اطلب الطلاق ؟ والا ايش اسوي والله اني اطالع طفلي وابكي محتاره ان خليته حرام يعيش ولدي مع شخص شاذ وان تطلقت حرام يعيش باسره مفرقه .. دلوني وش اسوي؟

__________________
و أقول لنفسي سيطلع من عتمتي قمرٌ

ادعي له بالهداية انتي في رمضان
استغلي اوقات الاجابة
و لا تبحثين الفترة الحالية وراه
و اهتمي بنفسك وابنك

شوفي اختي ،، موضوع ان زوجك له ميوله جنسية شاذة فهذا شي اكيد ،، وانتي عارفه هالشي


لكن

الشذوذ نوعين ،، كلهم مصايب عظيمه ومن الكبائر لكن فية نوع اقل من نوع ,,

فيه نوع الي يبحث عن العيال الصغار والغلمان ،, ويسمى بالفصحى المردان ،، ويكون هو الفاعل ،، وهذا منتشر لكن بدون لاحد يدري ،، لكون الولد قبل سن البلوغ فيه شبه من بعض الخصائص مع البنات ,, ويكون غالب بسبب ممارسات خاطئه في صغرة
هذا النوع مع التقدم بالعمر يبدا يستحي على وجهه ويتركة في الغالب حسب ملاحظاتي .

النوع الثاني وهو الخطير ،، يكون عنده ميول جنسية للرجال ،، وممكن يكون الفاعل او المفعول به ،، هذا النوع لا يمكن العيش معه ولا يصلح يكون اب , الا اذا تاب .

هو شاذ فعلا
مافيه شي اسمه واحد عنده فضول وحاب يكتشف عالمهم، الانسان السوي يشمئز من هذا العالم و لايفكر يقرب منه.
لايضحك عليكِ بدمعتين و كلام مايدخل المخ.
و مو قصدي بلايضحك عليكِ إنك توضحي له إنك عارفة كل شي، لا بالعكس سوي نفسك مصدقته و ماتشكي به أبدا ومعطيته الثقة ولا عارفة شي، عشان مايكون حريص يخبي عليكِ ووقتها إنتِ راح تكتشفي أشياء تساعدك تتخذي القرار الصحيح.

الشذوذ مصيبه ومرض الله اعاذنا الله وإياكم منه
أعجبني تصرفك القوي عندما طلبتي الطلاق واخبرتيه عن السبب
هو يعيش في حالة خوف من الفضيحة
وحتى لانظلمه لا بد ان تتأكدي قبل ان تتركيه نهائياً
فيه علامات للشذوذ
هل في تصرفاته أو طريقة كلامه آو لبسه تقليد للانثى
كيف التزامه الديني ؟
إذا ثبت انه شاذ لا انصحك بالاستمرار معه

كيف يكون شاذ
وانت تقولين انه حياتكم الزوجية طبيعية
لم افهم معنى مبادل
لكن تاكدي قبل اي شي ناوية عليه
ربما حب استتطلاع
اعانك الله

الامور الي ذكرتيها محتاجه مختص بالاستشارات الاسريه وكذلك النفسيه لإرشادك بالصواب ، واتمنى عدم الاستعجال واستشارت مختص اسري

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

لا مايعتبر شاذ بناء على ظنون وتوقعات
وحتى محادثات وانت غلطانه بطلبك الطلاق منه

ليه تطلبين الطلاق؟
شفته بعيونك يقيم علاقه جنسيه مع رجال؟؟

قد يكون تصرفه حب استطلاع وتسليه محرمه لكن لم يلجأ للفعل ،،
ادع الله يصرفه عن هذا الامر ويكرهه ويشغل نفسه بالحلال

كلام سليم لا يوجد دليل قاطع على شذوذه خاصة ان العلاقة الزوجية طبيعية

يعني تنتظر تشوفه بعيونها ؟!
معليش كل الكلام اللي قالته دليل على إنه شاذ
خصوصا لما اعترف قدامها وبكى وبرر انه حب استطلاع ..
لو كان فعلا حب استطلاع و فضول بعد ما كشفته كان بطلع وتراجع لكن واضح انه الشي يجري في دمه ومدمن عليه.

لو بعد كل هذي الدلائل غمضت عيونها ولا كأنها تشوف شي، للأسف .....