انا ميمي الي كتبت مشكلتي ورديتو على المشكله قبل كذا بس انا محتاجه للي يسمعني من الاول
انا فتحت عيوني على هذي الدنيا وانا وسط مشاكل بين امي وابويا مالقيت غير حضن اختي الكبيره تعلقت فيها لدرجة اني ماكنت اسأل عن امي وابوي زي ما اسأل عنها كنت ارجع من المدرسه انام طوال اليوم واذا صحيت اقعد معاها في غرفتنا واجلس بالأيام ما اشوف اهلي المهم اختي كانت متعلقه بواحد من قرايبنا وكانت تموت عليه وجا كم مره وخطبها لاكن كان اهلي ينتظرو تخلص من الثانويه بعد كذا اتصل وصارحها بحبه طارت من الفرح وقعدو فتره يكلمو بعض في التلفون طبعا أهلي مايدرو بعد كذا صارت مشكله بينهم وزعلت منه وكل مايتصل كانت تقلي اصرفه واقول انها نايمه ومره اتصل ورديت عليه بس كانت وقتها من جد نايمه رديت عليه وسأل عنها وقلت له انها نايمه قلي طيب ممكن اكلمك شويا قلتله تكلم وش في اتوقعت انه يبغاني احل المشكله الي بينه وبينها قالي انا حعترف لك على حاجه انا احبك انتي بس انا حبيت اوصلك عن طريق اختك...................
تتوقعو كيف كانت ردة فعلي من جد انصدمت وفي نفس الوقت ما ادري ايش اقول لأختي اسكت ولا اقولها لاحظت عليا اني متغيره بس ماقدرت اسكت لاني كذا حخليه يضحك عليها وبعدها اتصل طلبها مني وكلمها عايدي بس وقتها ماقدرت اسكت قلتلها على كل حاجه انصدمت ومر الوقت بعدها حاولت تنسام بس ماقدرت كنت عايشه المعاناة معاها
نسيت اقولكم عن حياتنا في البيت طبعا الوالد دايم مشاكل مع الوالده وعلى طول مو موجود في البيت عند زوجته الثانيه والوالده على طول عند جيرانها بعد فتره اكتشفت اختي خيانة امي لأبويا كانت تكلم زوج صاحبتها وقبل فتره كشفت برضه خيانة ابويا لأمي جاتها صدمات من كل الجهات صارت تفكر في أي شي علشان نطلع من هذا الوضع بس مافي فايده
وفي يوم كنت نايمه صحيت على صوت امي واختي وهم يتخانقو رحت سألت امي قالت مافي شي وسألت اختي لقيتها منهاره وتبكي حظنتني وقالت لا تخافي وكانت ماسكه على بطنها من الالم قلتلها وش فيك قالت بطني حاسه راح اموت من الالم ورحت لأمي تراها تعبانه الحقوها قالت اتركيها بس ركضت علي أبوي تراها تعبانه الحقها حتموت من الالم وش تتوقعو يقول.........
قال الله يأخذك انتي واختك في نفس اليوم وقام علشان نوديها المستشفى كانت تموت قدام عيني وتنازع قدامي وانا ماكنت ادري انها بتموت وهي غايبه عن الوعي ناظر ابوي فيها وقال الله ياخذ عمركم انتو الأثنين فتحت عيونها وناظرت فيه وبعدها
وقف جهاز القلب ماتت ومات كل شي فيني .........بعد مارجعت البيت لقيت ادويه جنب سريرها اخذتها يعني انتحرت ...............
تركتني وأنا ماعندي احد بالدنيا غيرها اتحرمت حتى من البكى عليها ماكنت اقدر ابكي اتحلرمت من ابسط حقوقي
قلت حتزوج يمكن الزواج يطلعني من الي انا فيه طبعا ورزقني ربي بواحد خاين يعني حعاني من نفس المشكله الي عانت منها اختي ولا تقولولي اتطلقي لأن اهلي مو راضين ولا تقولو حاولي تصارحيه زي ما قلته قبل كذا لأني كم مره صارحته ومافي فايده حاولت حاولت بس مافي فايده
وفي نفس الوقت ماعندي استعداد ارجع لمشاكل بيت اهلي الي ضيعو اختي مني انا من بعدها ضايعه انا اتعس انسانه على هذي الدنيا
انا تعبت وحاسه اني حضيع والله لو الانتحار مو حرام كان من زمان انتحرت
ابغاحل لحياتي ابغا احد يفهمني..................ارجوكم افهموني...........

• أحرصي يأختي على الصبر والتفاهم معاه بهدوء للوصول إلى الحل المناسب .
• والحرص أيضاً على كيفية الدخول إلى أعماق قلبه وتحرصي على حبك له .
• يجب أن لا تهملي زوجك وإشباع رغباته .
• لابد أن تعرفي إنه يريد أن تشبعي حاجاته في المنزل .
• الإهتمام به والحرص على الجلوس معاً تشعرين بالإستقرار والراحة والرضا .
• عليكي يأختي بالدعاء والصبر .

اعتقد انك متأثرة كثيرا بكل تجارب(الخيانه)التى مررت بها من قبل و غير معقول انك انت اكثر من تأذيت من الخيانه لا ترتبطين الا بخائن..فنقى فكرك و حاولى ان تقتربى اكثر من زوجك و تبعدى عن ذهنك هذه الصورة المشوهة للزواج و للازواج..و ان شاء الله يهديك و يرشدك للخير مع زوجك..

الله يكون في عونك ياررب
والله مااقول الا الله يفرج همك يارب و يعوضك خير انشالله يارب في حياتك.
حاولي تقربي من زوجك بطريقة حلوة تناسبه اقعدي في يوم مع نفسك و صارحيها و شوفي انتي ليه اخترتيه
و ليه و افقتي عليه و حاولي ترجعي للايام الحلوة وجدديها في حياتك
انتي قلتي انو خاين ممكن اعرف القصة اذا ما فيها احراج ممكن نقدر نساعدك باذن الله..

__________________
لا إله إلا أنت سبحانك إني كنت من الظالمين
سبحان الله وبحمده سبحان الله العظيم