السلام عليكم ورحمة الله وبركاته
انا اخت نسمات البرد الي كتبت موضوعي من قبل عن سهر زوجي وتطنيشه لي
، البعض قال عادي وليه ماتخليه يسهر اذا كان مره في الاسبوع
يااخواني زوجي مو مره في الاسبوع يسهر
هو كل يوم يسهر ويرجع من سهرته الساعه 3:30ص واذا جاء البيت استقبله عادي ولاازعل مع اني شايله بخاطري شوي
حنا تونا متزوجين والله انه يجلس مع اصحابه اكثر مني
وفي مره في الاسبوع يسهر الى الصباح وحتى لو عنده دوام يسهر ويطلع من سهرته وعلى طول لدوامه ،
انا والله مااتكلم ولا اقول شي الااذا زاد الشي عن حده
اذا اذن الفجر وماشفته جاي ادق عليه
اسأل هو فين ! << هل من حقي اعمل كذا !
مايرد علي!
واذا اصريت ودقيت عليه اكثر من مره يقلبها علي ويزعل !
ليه طيب يعني مو المفروض انا الي ازعل من حركاته هذا والله مو عارفه كيف اتصرف معاه
انا الحين عند اهلي ،
_ امس قالي بسهر ويمكن بتأخر بوديك لأهلك
رحت عند اهلي الى صلاة الفجر مادق علي
ارسلت مسج قلت له: لاتطول بالسهره عندك دوام
وانا انتظرك الحين ،
المهم مشى الوقت الى الساعه 7ص مادق
وانا انتظره يجي والى هذا الوقت هو ماجاء ولاحتى ارسل لي مسج ولاشي !

__________________

ممكن سؤال !
اوكي كل يوم ..
لكن له فتره يعني ؟
مثلا مسكت معاه من اسبوع اسبوعين ..
له شهر مثلا !
او مثلا يجي اسبوع يسهر بعين يقطع السهر اسبوعين ويرجع يسهر ..

كيف الوضع ؟

والله كثير يعني يصير سهر عادي ما اشوف فيها شي ..
بس كيف كل يوم حتى بوسط الاسبوع ؟
واذا الزوجه سهرت عند اهلها وهو سهر عند اصحابه برضو عادي ما اشوف فيها شي ..

المشكله انتي تقولي دايما وكل يوم !
كيف دوامه طيب ؟
وفين مكان السهر ؟ استراحه مزرعه شقه .. الخ ؟

اقصد كل ايام الاسبوع يسهر الى الساعه 3:30ص
وبوسط الاسبوع مره يطولها الى الساعه 6 او 7
ويمشي لدوامه علطول
دوامه عادي من الساعه 8ص الى الساعه 2:30م
^^
والله مو عارفه هو فين يسهر يقول بطلع مع اصدقائي .
احياناً يخبرني ويقول بطلع لشاليه .
_ انا عادي عندي يسهر ولا امنعه ابدا يسهر كل يوم يغير جو ويرجع لي مبسوط
لكن في حدود معينه لايزيد عنها < اذا خبره يقولي انتي تحكريني انتي تبين انا اعيش لك انتي لحالك وبس انتي تضغطين علي بطلباتك المزعجه ......
هل غلط علي ان اخبره بالي يزعجني واعتبره غلط
هل هذا من حقي ولا لاء ؟!
ولا اكون مثل الجدار في البيت هو يطلع متى يبي ويرجع متى يبي وانا الزم الصمت .
^^ العالم كله يقول اسكتي وتحملي ، ايش اتحمل شخص لايبالي في بيته
طيب انا ليه مااترك بيتي واعيش لنفسي وبس ،

__________________

السلام عليكم ورحمة الله وبركاته ..
أختي الكريمة كم عمر زوجكِ ؟!

هلا بأخت نسمات

حبيبتي و الله الكل تقريبا من ازواجنا في المجتمع

ما عنده ثقافة زوجيه

كيف دوره كزوج

ما هو واضح بالنسبه له ؟؟

لذلك يا غاليه

انتي لا تركزي على ليش يسهر

ركزي على ليش يقعد معاك و ايش يسوي ؟؟

اعطيه مهمات مثلا

اليوم ابغى اسوي و ابغى اجيب

و لا حتى قوليله انا ابغاك معاي اتونس بيك

ما بحبش قعدة اخواتي هههه

الله يجبر خاطرك يآرب

__________________
[img]http://im78.***********/FRd0Bi.jpeg[/img]

نسمات عزيزتي
انتي عندك شكوك معينة ,مانك واثقة فيه مثلا
او منزعجة للسهر في حد ذاته ؟

عمر زوجي 27

__________________

ايوه هو يجيب لي جل احتياجاتي ويطلع يسهر
انا مااقصد ليه يسهر قصدي لي يطول بالسهر ولا يرجع بدري للبيت
اسلوبي معاه طيب << وهذا الشي الي خلاه يتمرد علي
اكبر مثال امس كنت مبسوطه مع اهلي عملت انا واختي الصغير كب كيك وقهوه وصورت الصوره وارسلتها لزوجي
وبعده قلت له : انا دلوقتي بفكر فيك << ههه الرومانسيه ذابحتني
المهم هو ولافكر يرد علي بكلمه طنش << انا طنشت وكملت السهره الين اذان الفجر
كلمته طنش كالعاده طبعاً ارسلت رساله ( عندك دوام لاتطول سهر ) << طنش كالعاده
^^
ايش اعمل في هذه الحاله تطنش لارساله لايرد علي ولا حاجه انا فقدت الاهتمام منه

__________________

بالعكس انا واثقه فيه ،
مو السهر بحد ذاته يزعجني لا عندي يسهر وكل يوم لكن بساعات معينه من الليل ؛
هو تجاهلني وتجاهل مشاعري الحلوه تجاهه
انا متحطمه داخلياً واحاول قد مااقدر الحطام الي بداخلي يتصلح
ابي شي مالقيته فيه ....
وواناماطلبت شي زياده منه ، انا اطلب المبادله بالمشاعر وشويه اهتمام .

__________________

جربتي ما تهتمي و لا تسألي و تلاحقيه بالرسائل

جربتي تقعدي في بيتك لما يخرج , أحس روحتك عند أهلك في صالحه يسهر براحته يعني