السلام عليكم



صارت مشكله بيني وبين زوجي قبل اسبوع وهو اني شفت في جواله مقطع بنت بدون ما افتش كنت جنبه وشفته وقلتله جيب بشوفه قالي لا وانا زعلت مرا وضاق صدري وقمت من عنده عشان بنام قالي تعالي قلت ليش اجي وسكت هو ورحت انام انا المهم صحيت انا العصر وكان نايم لان ما نام الا متأخر وبما انه ويكند واهلي ساكنين فوقي كلنا بعماره وحده صحيته أستأذن منه انس بطلع فوق بيت اهلي قالي طيب وطلعت العشاء ارسلي في الواتس تعالي ونزلت انا بيتي على بالي بيكلمني بيراضيني بيقولي شيء الا صاحي من النوم والشياطين فوق راسه قالي وين البنت قلت فوق قال بعصبيه ليش ماجبتيها قلت مدري على بالي بتتكلم معي قال لييش ماجبتيها قلت انت ليش معصب كذا قالي ككيف معصب ككيف قالها بعصبيه وقال وماسويتيلي غداء ولك 5 ايام ماتكلميني ( يتكلم بعصبيه وصوت عالي ) قلت غداء معروف يوم الجمعه انكك تتغدون عند جدي انا ايش يعرفني انك ما اتغديت والا كان اسويله ماعندي مشكله و 5 ايام ما اكلمك لاني زعلانه منك وانت ولا على بالك وبعدين ناسي ايش شفت الصباح في الجوال قال ااييش شفتي هذاك مو مقطع بنت قلت يعني اكذب عيوني يقول ايوا كذبيها ويقسم بالله انو مو مقطع بنت 😳

وانا شايفه بعيني المقطع بس طبعه ينكر ويجحد لو كان عارف انه غلطان .. المهم تكلمنا كلمتين وقالي يالله انقلعي فوق علما ان مو اول مرا يقولها لي قلت طيب الحين انقلع وطلعت مع الباب قالي والبنت جيبيها قلت تبغاها كلم ابوي قالي ككيف ويجرني مع عباتي من ورا حتى رقبتي توجعني من جرته ويدخلني المجلس ويعطيني كف ويمسك يدي يلويها جلست ابكي قالي ياويلك تطلعين من البيت اتصلت على ابوي يجي وجا قلتله انا خلاص ما ابييه من جد اسلوبه سيء لابعد حد ولسانه طويل وما احترم اهلي اللي ساكنين في نفس العماره ولا احترم ابوي اللي هو خاله وعارف ان ابوي مريض بالضغط القاتل اول ما جا ابوي باس راسه وقال ابوي ايش السالفه قال زوجي اسالها ياخال و اي شيء تقوله لك هي مصدقه فيه ( لانه عارف نفسه غلطان ) وانا عند اهلي لي اسبوع ولا ارسل شيء ولا اعتذر و لا كلم ابوي قاهرني ..

انا حاليا افكر بالطلاق لان خلاص الرجال اذا استباح على نفسه يمد يده مرا بيمدها كثير ..

غير كذا صارت مشاكل قبل اتلفظ علي فيها تلفظ قوي من ضمن الكلام ( يانجسه ، انا احترم اللي بالشارع اكثر منك ، انتي لو عندك كرامه ماجلستي في البيت ، يالله انقلعي واقلبي وجهك )


عمري 23 وهو 33 ولد عمتي وعندي منه بنت


آرائكم ..



‎‏ المستجدات 27


http://www.66n.com/forums/showpost.p...6&postcount=27
‎‏
‎‏ المستجدات 37
http://www.66n.com/forums/showpost.p...6&postcount=37
تم تعديل العنوان ليتناسب مع المحتوى

فيه شيء ماقلته لكم وهو مشاعري :


ياناس احبه احبه لدرجة الجننون مو هاين علي الفرقا ابدا كل يوم ابكي لاني اححبه مو هاين علي الطلاق بس فكرت انه ضربني و اهانني تجبرني على فكرة الطلاق ..

اقول في خاطري ليته ما سوا اللي سواه كان والله اعيشه بجنه

سبحان الله البنت قلبها رهيف واذا عشق وحب , يعشق بجنوون

الله يصلح حالكم يا اختي , زوجك ببساطة يشوف انك ما تحترميه , و على فكرة هذا حال كثير ازواج مع زوجاتهم , اذا زوجته ما سمعت كلامه او ما سوت غدا مثلا او طنشته , يشوف انها ما تحترمه , كل اللي سواه من ضرب وشتم هذا يحاول يفرض هيبته واحترامه , مو لأنه يكرهك , يحاول يوريكي انه له هيبة وان كلمته لازم تكون مسموعة .

بس مهما كان ما توصل انه يمد يده عليك ,, ولا يشتمك ابدا ابدا , فرض الهيبة والاحترام بطرق كثيرة ليس منها الشتم والضرب ابدا مهما كان .

حاولي يا اختي الفاضلة تجلسي معه جلسة مصارحة , وضحي له انك تحترميه وانه سندك في الحياة وما تتخلي عنه و و و و , حسسيه برجولته وانه كلمته مسموعة , وحاولي ما تستفزيه او تعصبيه اذا عارفة انه عصبي .

وربنا سبحانه امر ان لا يهجر المسلم اخاه المسلم اكثر من 3 ليال , فما بالك اذا كان زوجك , وخيرهما الذي يبدأ بالسلام , تنازلي المرة هذه وارسلي له , والله يصلح حالكم

شوفي حبيتي اكلمك من واقع تجربه عشتها , وانمرضت
هنا الزواج للاسف يفقد كثير اشياء
اولا الزوج وأغلبهم لازم تسمعي كلامه ف ايش م يقول حتى ع حسابك نفسك وصحتك واذا م سمعتي كلامه معناها انتي مو محترمه ولا تسمعي الكلام واذا جيتي نقشتي بيقولك طيب وخلاص ومن هالكلام للاسف هذا حال الاغلب المتزوجين
م يفهم انك زوجه له ولازم بينكم حوار وأخذ وعطاء
هالشيء مو موجود واسم انو زوجي لازم اسمع كلامه واسكت وانظم ولا يحق اتكلم ترا كثير أزواج كذا أولهم طليقي لازم رأيه وكلمته تمشيء لو اني ميته من التعب م فيه رحمه
وبعدين الضرررررررررررررررب اذا انمدت خلاص راح يتعود بدال المره مرتين حتى لو تكلمتي
م فيه شيء اسمه انا معصب اضرب هالكلا م لا تصدقينه
معصب يطّلع برا البيت بس يمد يده مرفوض هالشيء
حياتك طويله معاه اذا جرب وضرب بيضرب بعدين
وبعدين وش يفرض هيبته وع من ع زوجته وشهالكلام
زوجته اللي المفروض يكون لها امان بدال م يضرب
وبعدين ترا الطبع ماراح يتغير ف انتبهي من حياتك معاه
وشهالازواج م يفهم انو ذَا زواج احترم زوجتك ولا تضربها
الله يعينك صراحه كل التفاصيل اللي ذكرتيها صارت معاي , اغلبها
هم كذا ترا يحب يفرض شخصيته وع من ع زوجته شر البلية م يضحك استغفرالله
واذا م سمعت قام ضرب ويقولون ليه م تتزوجون انا استحاله ارتبط ب رجل حقوقه ياخذها غصب عني وانا لو قصرت ممكن طلقني ولا بهذلني معاه حسبي الله ع كل زوج م يرحم زوجته
ههه تحمست ف كتابه
المهم حبيبتي اذا بتعيشي مرتاحه البال معاه مالك الا التجاهل اذا م فاد الكلام معاه

__________________
اللهم احفظ لي بنتي فهي فرحة عمري وضحكة سنيني ..

لا تتواصلي معه الى ان يبادر هو ويكلم أبوك ويتعهد بعدم الضرب ..اذا رجعتي بدون اعتذار راح يتكرر هذا الشيء
وانتي بدورك حاولي انك ماتستفزي زوجك اذا شفتيه معصب ,حاولي تمتصي غضبه وتسكتي ولا تردي كل كلمه بكلمة ..
الله يفرج همك ..

انتي ماعندك حل وسط
ياتفكري بالطلاق
يانك تحبيه وودك ترجعي وتعيشي معه رغم اللي سواه

لكن الحل الوسط ابعدي فكرة الطلاق نهائياً
لكن ادبيه وخليه ياخذ درس
ليس لمجرد انك تنتقمين او تاخذين حقك
لا عزيزتي عطيه درس حتى تعيشي باقي حياتك معه باحترام
لاتردين على مكالماته حتى لو راضاك واعتذر
خليك ثقيله

لانك لو رجعتي بيضربك كل شوي وبيتلفط عليك بسهوله

وعليك بالدعاء والاستغفار
وخلي ابوك هو اللي يتولى الامر ويشد عليه

__________________
سبحان الله والحمدالله

لا حول و لا قوة الا بالله ...

كم هي عدد سنوات زواجك ؟
وهل هي اول مرة يضربك فيها اخت سام ؟

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الله يدوم المحبة
يقال من الحب ما قتل
المهم اختي لازم يكون عندك موقف هذه المرة يعني اثقلي واياك تنزلين من نفسك
لان الرجل اذا غلط وضرب مرة وسكتي
صديقيني ستتوالى الضربات ويتعود

.

انا عكس من يقول لازم يتعهد بعدم الضرب

الامر ببساطه, اذا ماردعه محبته واحترامه لك عن ضربه لك, ماظن التعهد بيفيد بشي!

لا ارى تدخل الاهل بيفيد!

انصح تتواصلين معه وتكشفين بنفسك مافي داخله اتجاهك, هل احساس الندم موجود؟

الخطاب مثلا يكون كالتالي:
اسأليه بنفسك, هل تحبني؟
لما ترضى على من تحب ان يتأذى؟
انا احترمك واقدرك, خاطبني وراح أطيعك وافعل ماتريده!
انا لدي كرامتي ولا ارضى ابدا بضربي وايضا لا اطمح بان اكون متقطرسه عليك ولكن زوجه مطيعه.
انا لاني احترمك, لذلك تواصلت معك واردت انا وانت فقط نحل الامر بدون تدخل اكثر من الاهل.
فهل انت نادم؟

.

__________________
الجنس: ذكر

انتي تعاملتي معه كأنك ناظر مدرسة
وهو تعامل معك كأنك واحد من الشباب

في فوضى بالادوار
تعاملي كأنثى
وبيعاملك كرجل


طلطلتك بجواله
ومحاسبتك له على مقطع بنت
وطلبك: عطني الجوال
تصرفات تفتقد للانوثة
ونظام "ضبطتك" يستفز الرجال
حبيبتي تعلمي فن التغافل
التجاهل الحكمة
حتى ما تدفعيه لأي تصرف همجي


زوجك أخطأ وأخطأ وأخطأ
لكن دقيقة صمت وهدوء
وتذكري
لا يصلح الله قوم حتى يصلحوا مافي انفسهم