بسم الله الرحمن الرحيم

هذا هو الجزء الثاني من ليالي رومانسيه مثل ما وعدتكم لكني بكتب الموضوع هالمره بطريقتي وبضيف عليه....

ليالي رومانسيه...........

1_ليله رومانسيه حمراء:غرفه النوم........((هذي عاد من عندي ومجربتها))

انثري على ارض الغرفه ورد احمر وغيري لمبه الاباجوره للون الاحمر يعني مو الابجوره لا بس اللمبه واذا عندك طاوله صغيره بين كرسيين فالغرفه حطي عليها اكسسورات ذهبيه وحمرا ((شموع _اطار لصورتكم في ليله العرس_وتكون الطاوله مغطيتها بتور احمر ودخلي بين الشمعدان اذا عندك سلاسل ذهبيه واحمر يشترونها بالامتار بالسوق

وسرير الغرفه مثل ما قلت في احدى مشاركاتي اخذي اللمبات الصغيره الموصوله بسلك يستخدمونها في شجر الكريسماس على شكل قلوب وورود ثبتيهم على راس السرير ووصليهمبالكهرباء واطفي الانوار وشوفيالرومانسيه بالاضاءه الحمراء والمرايه ضعي عليها صناديق ذهبيه وطلعي من الصناديق قماش التور الاحمر ورتبي فيهم عطورك بشكل حلو وضعي بين الصناديق معطرات الملابس اللي يكونون مخدات صغيره فوق بعض ومربوطين بشرايط واشكالهم حلوه عاد انتياستغلي شكلهم في ترتيب المرايه او لوح صغيره عليها رسوم طبيعيه مع سنادات وفراش السرير يكون احمر وتجمعين مخدات تنشرى لوحدها لهذي المناسبات مثل قلوب مخمل حمرا او ورد احمر واحلى شي انك تاخذين مخده حمرا ستان وتودينها لمحل تصويير وتعطينهم صوره زوجك يطبعونها على المخده وتحطينها على السرير وتاخذين ناموسيه تور حمرا وتعلقينها فوق السرير تخلين نجار يحط حلقه في السقف والناموسيه اصلا لها خيط طويل تربطينه في هذي الحلقه بسماتكونفوق راس السرير على طول لا تقدمينها شويه على اساس ما تلصق بالطوفه يعنيالشكل الدائري ياخذ راحته يعني بتكونين انتي وزوجك في السرير وحواليكم التور

عطري الغرفه وبخريها

اذا عندكم مناسبه اشتري له هديه وخبيها في مكان واتركيه يدور عليها

شكلك انا احب ستايل مارلين مونر يعني حطي روج احمر توتي وفوقه غلوسي عطي الشفايف امتلاء وتحديد عيون بالاسود نفس الستينات حطي عدسات رماديه اوياي لون فاتح لازم تغيرين من شكلك واذا كان شعرك اشقر احلى واحلى مع هالستايل

حركه حلوه للصدر: خذي لمعه لؤلؤيه يعني بودره بيضا تلمع وحطيهاعلى صدرك والمساحه اللي بين الثديين حطي بفرشاه كبيره لون مشمشي مورد يطلع شكلج روعه ((اسفه علىالوصف بس صج جربوها تعطي الصدر منظر )) لاتنسين تاتو كريستال على الرقبه او الصدر وكعب دقيق وعاااااالي مع فتحه طويله للفستان.

وضعي فالغرفه ترولي عليه كيكه حمرا بالفراوله وعصير حبذا فراوله او رمان عشان اللون

نسيت شي حلوووو اشتري من محل الالكترونيات او اي مكان فيه شغلات كهربائيه كره تدور وفيها ايضاءات لكل الغرفه يعني تشغليها واهي تلف وتعطي في ارجاء الغرفه والسقف وكل مكان الوان .







يتبع.............................................. ...

الله يجزاك بالخير
وعدتي ووفيتي
بس تدرين لو الواحدة تسوي دايم هالشي
هذا لزوجها ما يمل أبد
أنا لي 4 سنوات متزوجة بس عمري ما سويت هالأفكار
حدي قميص جديد وكيكة وهو يجيب بكيه ورد
أما الشموع شغلناها أول ما تزوجنا ومن جبنا البنات
طبعا انتهى من زماااااااااااااااااان
بس يالله مع هالأفكار بنجدد ونسوي حركة .

تحياتي لك
أم البنات

مشكوره على مرورك اختي هذاي الشغلات حسب المجتمع اللي انتي فيه اذا خواتك قبلك او صديقاتك اكيد بتتعلمين وصدقيني انا سنه عن سنه قمت ابتكر اشياء

كيف تجهزين لزوجك الحمام بعد تعب يوم شاق؟؟؟

افرشي ارضيه الحمام بالفوط الخضراء

امليء حوض الحمام بالرغوه والزيوت العطريه احضري نباتات صناعيه وضعيها عند المغسله

وضعي شموع وفوط صغيره مرتبه وصابون ذو اشكال جميله

ضعي سله فيها ليفه واغراض زوجك الخاصه بالحمام من شامبو وجل شور ومزيل العرق

ضعي ملابس زوحك في سله او على طرف المغسله واكتبي عليها بطاقه ((نعيما والعشاء ينتظرك في غرفه الجلوس

ليله رومانسيه بدويه

هذي انا ما حبيتها لانها تقول حطي خيمه وشبي جمر وخلي الاولاد ينشدون قصيد بدوي ((وين عايشين اي رومانسيه))صرنا في ركن الباديه

انا اقولج احلى منها :

اطلعي انتي وزوجك البر وانتوا طالعين مروا مطعم فاست فود واخذوا لكم سجاده وروحوا مكان هاديء وبعيد وتبادلوا اطراف الحديث ...............................واخلي خيالكم يشتغل
هذي الطلعات تكسر من الروتين.


يوم الخميس خمس نجوم:

كثير من الرجال يحبون النظام الفندقي

اغلقي الانوار وافتحي الابجورات بعد توزيعها باماكن متعدده

الحمام
ضعي دولاب جانبي وصفي عليها الفوط بشكلمرتب وضعي شموع وورد مجفف

وانا اقولج اخذي صندوق خشبي صغييير وحطيه على المغسله اول درج فيه صابونه اليد

الثاني ورد مجفف والثالث مناديل عطريه مغلفه منعشه

في غرفه النوم

حطي كاونتر به غلايه وملحقاتها ((حليب _نسكافيه_سكر)

ضعي طاوله جنب الشباك فيها ورد طبيعي وصحن فاكهه

على المخده قطعه شوكولاته

الافطار بيكون دلوع((زبده_مربى_معجنات او كرواسان))

لاتنسي الجريده عند بابالغرفه

الشبشب عند خروجه من الحمام

لافته عدم الازعاج

يتبع.............................................. .................

مشكورة اختي

الافكار حلوة بس لو سمحتي ابي العاب جديدة وافكار غير


شكرا

يعطيج العافية حبيبتي

أفكااار حلوووة

تسلمي

__________________
سكنتي روح أحبابج وصرتي القلب وضي العين..
وكثر ماأعشق ترابج كتبت بدمي البحرين

حبيبتي ... انا عندي سؤال ابغاك تفيديني .... اذا امكن ...
انا زوجي يداوم لفتره طووووويله ويجي للبيت تعبان ومرهق جدا واحاول بشتى الطرق اني اعطي الراحه التامه .. لكن هالشي يخليه يسترخي تماااما ومايصير له خلق اذا نبي نلعب او حتى نطلع مشوار صغير او اقل شي انا اغير له هدومه بعد ....
كيف اغير هذي العاااده ؟؟ انا عودته على الدلع واعجبه هذا النظام..... بس انا الخسرانه حاليا....؟؟؟
ايش الحل ساعدوووني؟؟؟؟

أفكار خطيرة

تسلمي أختي المجرده , ان شاء الله لما اتزوج أطبقها

أرق التحايا .

__________________

ليله رومانسيه غير شكل


بس لازم يكون فيها الزوج مرتاح ورايق
لانها بتكون منتصف الليل:

قبل الصلاه بساعه بخري غرفه وضعي كاس من الماءالبارد وقهوه ومسواك فانه مطهره للفم ومرضاه للرب
ايقظي زوجك بكلمات وصوت هاديء مثلا اقعد حبيبي خلنا نقوم نعبد ربنا ونشكره ونحمده ونسبحه والناس نايمين ونشكي له همومنا......عسى الله يشرح صدورنا.


كيف تستقبلين اول ليله من رمضان؟؟؟

افرشي الارض بسجاد سدو وحواليه مخدات للجلسه وبالنص اكلات شعبيه وبينهم فوانيس داخلها شموع
وتتكلم عن الاشياءاللي المفروض تعملوها برمضان من صله ارحام او سفر يومين عمره او قراءه قران

في عيد زواجك.......


قومي بتجهيز البوم الصور وشريط العرس وضعي كرسي مزدوج وغطيه بلون التل الابيض وعليه مثلا مخدات حسب لون مفرشك والافضل ان يكون مفرش السرير مفرش يوم العرس

في السقف احضري قماش من التل مربعه واعملي في المنتصف فتحه وخيطيها بابرهكبيره دون ان تعملي عقده واجعلي الخيط متدلي وضعي داخلها قصاصات فضيه وقلوب حمراء او بالونات او قليل من الحلوى الخفيف(( لحد يعور الريال))

بحيث اذا دخل تسحبي الخيط وتتساقط مافي القماش عليه عند استقباله.

ضعي في ركن الغرفه طاوله عليها مفرش وباقه وردطبيعي وبعض الشموع وبعض المعجنات

اتصلي بزوجك واخبريه ان يكون جاهز لانه سيحضر عندكم ضيوف

في غرفه النوم ضعي ورد على طاوله صغيره وكاسين من العصير وحول كل عصير حبات فراوله وبطاقات صغيره مكتوب عليها

انا احبك اكثر _انت تحبني اكثر_واليوم راح نحب بعض للابد


ليله البرتقاله

انا مافهمت معنى ((كريشه)) حد يفهمني!!!

تقول غلفي الطاوله بكريشه برتقاليه وضعي باقات ورد برتقالي واحمر عليها

ضعي كيكه البرتقال وعصير البرتقال

علقي بالونات بلاتقاليه وبيضاء

ضعي فلاش انشوده البرتقاله((انتبهي انشوده البرتقاله موجوده بالانترنت وليست اغنيه لان الاغاني تمحق البركه))

البسي ملابس سبورت برتقاليه واعملي مكياج برتقالي صارخ





يتبع....................................

بصراحه افكارك حلوه احنا نسوى ليله حمرا بس مو بها الشكل يعني ليله مرتبه اضاءه حمراء وعطور ومفرش جديد ونتحمم مع بعض ونقطع الكيكه سواء ونضحك ونفرفش بس بدون هالشغلات الكثيره لان اليله الحمراء تجي على المزاج نفسه يعني يمكن مايكون فيه اي شي غير نور الاباجوره بس تصير ليله مولعه وشئ واحلى من الف ليله وليله ومشكوره على الافكار