السلام عليكم ورحمه الله وبركاته ...
بصراحه انا أول مرة اشارك في هذا المنتدى مع اني اعرفه من فترة طويله ودايم متابعه مواضيعه بشكل يومي تقريبا وحسيت بفائدة كبيرة منه,, وعشان كذا حابه اعرض مشكلتي عليكم وتدلوني على الحل الصحيح ...9
زوجي جاء تعيينه كمدرس في منطقه بعيده كثير عن المنطقه اللي حنا حاليا ساكننين فيها .. امس سافر وانا حالتي النفسيه سيئه جدا وصعب اروح معاه لظروفه الماديه الا بعد مرور شهرين ...
عندي طفلين وهو مررررررة متعلق فيهم واطفاله بعد ...
المهم انا ماني قادرة استوعب فترة غيابه لاني بصراحه لما اروح عند اهلي ما اكمل عندهم ويرجع يأخذني

اخواتي ابغاكم تقولون لي احد فيكم مر بنفس المشكله وبعدين وش سويتم حتى مرت الشهور ...
والله اني محتاجه تدعون لي ان ربي يجمعني ان شاء الله بزوجي في القريب العاجل ...
والله يجزاكم خير الجزاء ...

الله يعينك آدعي آن ربي يرده لك ساالم غاانم ..

__________________
وإني لأرجو الله حتى كأنني ... أرى بجميل الظن ما الله صانعُ .

الله يجمع شملك بزوجك في القريب العاجل
اختي انتي مشكلتك اهون من كثير من المشكلات الاخرى
لأن هناك زوجات تم تعيينهن في مناطق بعيده على الرغم من انهن متزوجات وعندهن اطفال .
عليكي بالصبر والدعاء وبأذن الله راح يلتم شملكم في القريب العاجل
واما بالنسبة الى انك مش قادره تستوعبي فترة غيابة فصدقيني راح تتعودين وراح تمر الايام بسرعه ..
تقبلي تحيات رجل مخلص

هلا والله اختي

لا تضايقين نفسج ولا تتعبين نفسج

والاهم لا تحسسين زوجج انج متضايقة وايد لان اكيد هالشي بيأثر عليه ... وهو اكيد مو بيده يترككم لمدة شهرين متواصلين مايشوفكم الا لسبب ظروف

ان شاء الله هالشهرين بيعدون بأسرع وقت

وعن تجربة صارت مع اخوي وزوجته ....

اخوي ابتعثوه شغله لدراسة بإستراليا مدتها سنتين والمميزات الي بيحصلها من ورا الدراسة بالشغل وايد بتفيده

فكان مجبور انه يروح عشان يعدل وضعه المادي ويعدل حياته مع زوجته وللعلم عنده ولدين

وكانو دايم على اتصال يعني تلفونات ومسجات ويتكلمون مع بعض بالمسنجر

والايام تعدي

فالحمدالله انتي حالج وايد احسن

بالدنيا لازم تصيد الواحد ظروف يكون متضايق بسببها بس مابعد الشدة الا الفرج


الله يوفقج ويوفقه

__________________

يارب تثبت الي في بطني وتجعله الذرية الصالحة الي تمنيتها

الله يعينك ويعجل بنقله إلى منطقتكم

يا غلاتي والله اعذرج مليون مرة اعذرج والله مو سهل غياب الي تحبينهم

ماعليه تحملي شهرين ان شاء الله وتعدي

والايام تمضي بسرعه ماتحسي فيهم

انا زوجي بديرة وانا بديرة وينزل لي كل اسبوعين يومين لي او كل اسبوع يومين اجازة نهاية الاسبوع واحيانا ادا فيه ظروف من العمل يجلس 3 اسابيع ماشوفه

وكل هذا لظروف عمل وظروف خاصة شوي

ومالي الا الصبر والدعاء بلم الشمل وربي كريم

ياما صحت ونحت وعصبت وتضايقت بس هذا واقعي والي امر فيه

ومتيقنة من فرج الله وان شاء الله مابعد الشدة الا الفرج

فيا الله ياحبيبيتي ادعي لي وادعي لج بتييسر الامور

وان شاء الله فترة وتعدي

بس لا تضيقين نفسج اوكيشن ^,^

__________________

بصراحه انا مريت في هذي الحاله قبل سنه وكنت على طول اتصل على زوجي وابكي

بس الحين تعودت يروح ويغيب عني شهر ويجي جنبي 4 ايام بس


راح تتعودين صدقيني وفي كل مره يجي فيها سوي له حفله

يا حبيبتي أنا عايشة على هالوضع خمس سنوات!! بس يومين في الاسبوع يكون معانا والباقي في الشغل في مدينه ثانية ومستحيل ينقل لأنه شغله متمسكين فيه لأبعد درجه فتخيلي كل حياتي بتكون قائمة على هالوضع أكون انا فيها شايله مسؤلية البيت طول الاسبوع بس في الويكند ايجنا والله اعصابي تلفت وحاسه بشعور اني بنفجر فيوم من الايام من المسؤلية فياحبيبتي هونيها كلها شهرين ان شاءالله وبتلحقينه شوفي غيرج العمر كله بنتم على هالحال!!

حسب تجارب السابقين لزوجك ؟؟

فلابد ان يذهب لأول مره وحده حتى يرى المنطقة ويرى ما طبيعة البلد الجديد ؟؟

وبإذن الله انه راح يجي ويشيلك على كف الراحه؟

وتذكري صبره عندما تضعين (حسب علمي ان لك ولدتي مرتان يعني جلستي رجلك بالبيت 80 يوم )

واحتسبي الاجر وتذكري ان جميع المدرسين يفعلون ذلك

اعانك الله

ياحبيبتي شهرين مررررررره بسيطه .. انا زوجي بيكمل شهرين والى الان ما يعرف متى يجي ياخذنا .. وانا عندي طفلين .. ومره متعلقين في ابوهم .. بس انتي لا تكبرين الموضوع .. هونيها وتهون .. اتصلوا به عن طريق الماسنجر وبالكاميرا .. واشتري لاولادك العاب جديده عشان يلهون فيها .. وحاولي تطلعينهم الملاهي والا السوبر ماركت ... واشتري لهم افلام كرتون ... وترى الايام تمر بسرعه .. وان شاء الله ما تحسون فيها والله يجمع شملكم باسرع وقت ..