االسلام عليكم ورحمه الله وبركاته انا في حاله نفسيه صعبه توفي والدي قبل اسبوع الله يرحمه ويغفرله ويوسع مدخله
قبل وفاته سافرت مع زوجي للنمسا وكان من اول يعاني من الشك سبق واخبرتك به المهم في السفر مر كم يوم عادي بعدين يوم وصلنا زلامسي الي كنت ابيها بالسياره نمشي كنت اتفرج عادي مسافرين اشوف مناظر ومروا بالشارع عايله خليجيه كنت اناظر عادي وحنا بالسياره المهم بدت تجيه حالته ليه تناظرين وحنا بالتاكسي قلت اتفرج على المناظر خلنا نوصل ونزلنا وقام يهوش بالشارع قلت خلنا ندخل فضحتنا دخلنا وراح يدخن دخلت اتحمم اهج عنه يوم طلعت قام يضربني انهبلت منه ضربني ضرب قوي قلت له خلاص قال انتي ماتربيتي وليه تناظرين قلت وليه جايين بعدين قال قولي اتوب قلت اتوب بس اداريه وبعدين قال لك نظره النظره الثانيه انتي طالق قلت طيب اسكته والواحد مايقدر يتحكم بنظره بعدين قلت ان مديت يدك ببلغ الشرطه عليك قال ياله نرجع قلت لا عرفت الي وصلت معي وكنت ابي اسافر ودي بزلامسي كنت اعرف طبعه يهوش ويهدا بس الضرب ماتوقعته المهم قعدنا يوم متكدرين بعدين هدا وقال بشتري لك هديه وش تبين ومشى الوضع كنت اعذر مرضه بس ضربه خوفني المهم يوم رجعنا جاني بوصولي خبر تعزيه محد خبرني لانه توفي يوم عودتي انا انفجعت الله يرحمه ليتني رجعت بس قدر الله المهم بعد كم يوم قال تعالي قلت ماراح ارجع الحين وقلت انت ضربتني وطلبت شي غير معقول ماقدر اتحكم بنظري كنت اناظر واسال اكيد وقع طلاقك بس قلت عشانك شكاك مايقع واسال شيخ قال مابي وحده ماتغض بصرها قلت اناظر عادي تحسب علي نظري ربي يحاسب بقعد احسب كم ناظرت قال مابي وحده ماتستحي تبين اسالي انتي شيخ وكان تبين طلاق اطلقك حسبي الله ونعم الوكيل


تم تعديل العنوان ليتناسب مع المضمون

كثير رجال تمادوا بعد الضرب
الا الضرب وقفيه عند حده حتى ما يسمري الشغله

لان لو سويتيله حفله محترمه من اول ضربه لك بيوقف عند حده
لكن لما تعدينها له وتقولين هذي اول مره خليني اسامحه وان شاء الله انها اخر مره
لااااااا بتجيك مراااات بعدها

سامحيه لكن بعد ما تادبينه وتقرصين اذنه قرصه محترمه تصير زي الحلق باذنه..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

عظم الله اجرك اختي في وفاة الوالد وربنا يتغمد روحه الجنة يا رب

__________________
حبيبتي .... عندما تبتسمي الي سوف تنير كل النجوم التي في السماء

المشكلة انه ضاربها بدون ذنب وتقول توبة..

وماتبيه يتفرعن!

ولا تزعلين.. بس اذا جاك شي فهو من انهزاميتك وسلبيتك

مو منه

عظم الله اجرك وغفر لميتك واسكنه جنات النعيم

الله يرحمه ويغفر له ويسكن روحه الجنه واحسن الله عزاكم

وربي يفرج همك

عظم الله أجرك أختي
غفر الله لميتكم ولجميع أموات المسلمين..

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

عظم الله أجرك وغفر لأبيك وأسكنه فسيح جناته .

اخاف انا منً الشكاكين
كويس داريته بارض الغربه
الان لازم تقعدي فتره عند اهلك
وشوفي غيره زوجك هل عي مرضيه
ولا ممكن علاجها

الا الضرب لا تسكتي عنه انا ابوي بدوي وامي حضرية كان يظن ان امي مثل باقي الحريم بتسكت على الضرب لمن ضربها راحت بيت اهلها جلست شهرين الين ماهو تاب وجاء يعتذر هذا قبل ما اطلع على الدنيا والحمدالله كنت اشوف امي هي الا تضرب ابوي طبعا بمزح وابوي صار طيب مرة وما يعصب ادبيه

نسيت اعزيك اختي
عظم الله اجرك ورحم والدك..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..