هناك عدة توصيات ( بل ورطات ) تسبق إليها المتعجلات .. لتقدمها إليك كنصائح .. أذكرك بها لتأخذي حذرك :
الأولى : ( خليكِ سنعة ) .. خذي حقك .. وطالبي ببيت مستقل .. لا تصيرين ضعيفة .. هذا حقك .. ولازم تأخذيه .. مثلك مثل غيركِ .. إن حقق لكِ طلبك .. وإلا عزّي نفسك وروحي لبيت أهلك حتى يستجيب لطلبك ...
الثانية : أقولك يا ( الهبلا ) .. لا تصيرين طامنة ثمّ يتوطونك .. ترى خوات زوجك .. بيعدونك مثل الشغالة .. والله ليشغلونك ليل ونهار .. ارفعي رأسك وخذي حاجتك كاملة .. وشغلتهم هم يسوونها ـ الله لا يهينهم ـ ..
الثالثة : ( خلك نبيهة ) ترى أمّ زوجك .. من الأيام الأولى بتختبرك .. إن شافتك طيبة وحليلة .. تراها بتحكّم فيكِ .. والله لتطلّع القرون في رأسك ...