السلام عليكم ورحمة الله وبركاته
انا نفذت ورجعت بيت اهلي من يومها تقريبا اسبوع بعد اليومين الل رجعتله فيهم بيكلمني يطمن عليا وكويسة طيب سلام
كلمني يوم الجمعة الماضية قالي ارجعي قلتله مش هقدر ماما مريضة وانا تعبانة نفسيا محتاجة اقعد فترة اهدى ونشوف هنعمل ايه قالي في البداية انتي هتسوقي فيها قلتله انا حابة كده قالي براحتك
ماما كلمته قالتله تعالى شوية عندنا نتكلم وندردش اتهرب منها وقالها عندي مشاوير بكرة
كلمني تاني يوم قالي قوليلها اني تعبان ومش هقدر اجي وارجعي ونروحلها بعدين قلتله لا انا محتاجة افضل هنا شوية
تاني يوم كلمني بالرسائل وقالي احكي لمامتك انك عايزة تسافري وتغيري حياتك واكيد هي هتساعدك وتتمنالك الخير وخدي قرار يا ترجعي يا نبعد خالص قلتله انت هتبقى راضي عن اي قرار قالي ايوة المهم تكوني مرتاحة قلتله هشوف واقولك
تاني يوم بعتلي رسالة انجزي في تفكيرك ده يلا مش عايزة حاجة سلام قلتله طيب
اول اليوم لقيته باعتلي رسالة اما تصحي ابعتيلي بعتله اخبارك وكده قالي انتي هتفضلي كده قلتله انا مش مرتاحة ف الحياة اعصابي تعبت من الحياة ننام ونصحى وناكل ونشرب ولا فيه اي جديد قالي خلاص هكلم باباكي وننهي الموضوع قلتله زي ما تحب
بعدها بساعتين بعتلي مش عايزة نقعد ونتفاهم قلتله تعالى اقعد معايا انا وماما قالي لا انتي لوحدك قلتله انت اما ضغطت عليا الصبح وقلتلي لازم قرار اضطريت اقولهم ف البيت وماما قالت مش هتروحي لوحدك قالي لا محدش يدخل في حياتنا قلتله مش هينفع
اتكلمنا سالته مش ناوي تتغير قالي ضحكتيني انا الل اتغير ولا انتي
اتكلمنا قلتله انت شايف ان حياتنا دي طبيعية زي الناس قالي الصراحة انا شايف ان انا طبيعي انتي الل مش طبيعية وفاهمة الحياة غلط
قلتله انا خلاص تعبت ولا بقيت باكل ولا اشرب ولا قادرة اهتم بنفسي ولا شغلي ولا بيتي وليل ونهار بدموعي لما جيتلك يومين قلت اجرب لقيتني منهارة وانت كل ردودك ان المشكلة عندي انا وانك راضي بالحياة دي
قالي طيب انتي هتعملي ايه عندك هتسافري قلتله انا هنا مرتاحة عن بيتنا والموضوع مش سفر انا مش هسافر انا قاعدة في بيت اهلي عشان تعبت واتدمرت وانت مش حاسس وكله عندك عادي
قالي انتي اوفر ومش عارفة عايزة ايه قلتلك تعالي اوديكي تتعالجي نفسيا قلتله شهور بكلمك واقولك هبعد وانت كل كلامك نفذي متتكلميش او براحتك وعادي لا بنام ولا اكل ولا اشرب ولا انضف ولا اعمل اي حاجة بموت ادامك من الضغط النفسي عملت ايه حاولت تعمل ايه

قلتله خلاص لو انت شايف ان انا المريضة وانت تمام انا في بيت اهلي ملزومين يعالجوني اما اتعالج ابقى اجيلك قالي خلاص انا الل هاخد القرار واعرفك بيه الصبح قلتله ف انتظارك
مش عارفة اتصرف معاه ازاي وهو برغم كل كلامي عن الشغل وحياته شايف انه طبيعي وانا الل اوفر شايف اني ارضى وخلاص وعايشة اكل واشرب مش مهم مين الل بيصرف علينا مفكرش لحظة في كل حقوقي الل مش موجودة
وانا فعلا مبقتش قادرة اتحمل ارجع البيت عندي نفور من البيت رهيببب عند اهلي اكيد من المشاكل واثر البعد مش مرتاحة بسبب بعدي عنه والمشاكل بس مرتاحة عن الرجوع ليه والحياة الل كنت فيها مبقتش عارفة عايزة ايه وبردو مش عايزة ارجع وصعبان عليا فراقه بس رجوعي بالحالة دي بردو مش هقدر اهتم بيه كزوجة وبيت لاني متدمرة نفسيا
اتصرف معاه ازاي لو قال تاني نتفاهم ولو قال نبعد هقوله تمام

__________________
لا حول ولا قوة إلا بالله العلي العظيم

وعليكم السلام ورحمة الله وبركاته

اهلا ابنتى الطيبة

يسر الله آمرك
وفك عنك كربك
ورزقك بالسعاة
فى الداريين


طبعا استمرى فى استخارة
الله تبارك وتعالى ، لانها التى
ستنير لك الطريق

واثبتى على موقفك


الكلام من اليوم باذن الله
مع بابا وماما

ولا رجوع ان شاء الله الا بعد
ان يتغير جزريا وليس اسبوع
او شهر بل فترة كافية للتاكد
انه فعلا اعتمد على الله ولن يعود
الى ما كان فيه

والافكار كثيرة باذن الله
ولكن عندما يقتنع ان حياته
بايظة ولا توجد إنسانه من بيت
تقبل هذه العيشة ابدا ابدا ابدا

إياك ان تضعفى
ثبتك الله ثبتك الله

توكلى على الله ولن يضيعك
باذن الله تعالى

ومن يتوكل على الله
فهو حسبة

اكثرى من لا إله إلا انت سبحانك
انى كنت من الظالمين

اما موضوع انه هيسيبك
ده كلام عيال معتقد انك
سارة االى غشها وضحك عليها
لما كنتى طفله ومراهقه ولا تعلمى
عن الحياة اى شىء

خليك قوية وحاسمة

سمعانى

قوية بفضل الله
وحاسمة يجب ان يصل
له ذلك

قولى انت كل حياتك غلط
واى حد هيقول لك
كده ، عاوز تتغير انا
منتظر أشوف تغيرك

عاوز تبعد يبقى ده قرارك
وافتكر انك من اتخذ القرار
وليس انا حتى لا تقول انى
غدرت بك او تخليت عنك

الان الكرة فى ملعبه ، والقرار عنده


وانا متاكد باذن الله عندما يتاكد ان سارة
2022 هى واحدة تانية ومختلفة تماما
عن سارة 2012


سيبدا فى التفكير العاقل والذى يجعله
يحتفظ بيك ولا يخسرك باذن الله

ولكن ذلك لن ياخذ اسابيع بل شهور

20 سنة حياته غلط ولن تنصلح الا بعد
ضربة موجعه تجعله يفيق ان شاء الله

اياك ان تضعفى

اياك ان تقبل انصاف الحلول

11 سنة كافية تماما لكل هذا الكلام

الان وقت التغير الكامل باذن الله تعالى

الحمد لله رب العالمين حمدا دائما
طيبا كثيرا انه اعانك على هذا القرار
واسأله سبحانه ان يثبتك

وتوقعى منه الكثير لانه لن يقبل التغير
بهذه السهوله

وان شاء الله اهلك معاك


وانا بفضل الله بجوارك
لا تتخذى اى قرار الا بعد
استخاره الله ثم الاستشاره


يسر الله آمرك
يسر الله آمرك
يسر الله آمرك

__________________

الله يحفظك ابنتى الطيبة

عاوز اطمئن عليك


ان شاء الله كل خير

__________________

السلام عليكم ورحمة الله وبركاته
الله يحفظ حضرتك ويباركلك يارب
تسلم يارب ع سؤالك دايما عن احوالي
الجديد انه يوم الخميس امس ارسلت ليه رسالة ان والدتي مريضة ومحتاجاني معاها ممكن يوافق اسافر معاها برة مصر كمرافق وهرجع معاها هي وبابا اول ما اختي تقوم بالسلامة وتلد طفلها
كان رده اتركه وقت قليل يفكر وان شاء الله خير
في اخر اليوم بعتلي يتفاهم معايا انتي عايزة نكمل مع بعض جاوبته اكيد عايزة ولكن مش في نفس الحياة دي قالي يبقى ترجعي تعملي واجباتك وحقوقي عليكي من اكل وتنظيف وحقي الشرعي مش عايزه منك تماما ونهاىيا
قلتله مش هقدر اعيش حياتك دي لازم كلها تتغير انا مش هرجع الا بعد التغيير تعبت واتدمرت قالي انتي بتعصي ربنا ومش هتدخلي الجنة بتصرفاتك دي انتي مبتسمعيش كلام جوزك وبتغضبي ربنا
قلتله انت قلت اني مريضة ومحتاجة علاج ولا يكلف الله نفسا الا وسعها اعتبرني بتعالج لحد متتغير
قالي مش هينفع الكلام كده هجيلك تنزلي معايا قلتله مش هنزل عايز تقابلني يبقى في وجود امي وابويا
قالي هي وصلت للدرجادي ان مش هعرف اقعد معاكي لوحدنا قلتله انت اكتر حد حافظني وعارفني اني مش هعرف اواجهك كرر كلامه اني هبات عاصية لربنا وغضبان عليا وان الكلام ده مش لعبة وان ليا اب يترد عليه
ما رديت عليه بعدها بساعتين انا بعتله ليه بتعمل كده احنا بنتفاهم اهو قالي مفيش تفاهم بينا بعد ما وصلت ان مش عايزة نتكلم لوحدنا انتي كنتي بتقولي دايما عن نفسك خبيثة ومبصدقش طلعتي فعلا خبيثة وغضبان عليكي وعاصية لربنا وبكرة تعرفي قيمة النعمة الل كنتي عايشة فيها والله يسهلك ويهديكي
ما رديت عليه
تاني يوم الل هو اليوم الجمعة كلم بابا وجاء عندنا هو وواخوه زيارة ما دخل اول كلمة ليه بعصبية يا دكتور هي سارة هنا بتعمل ايه وكل كلامه بصوت عالي وعصبية قال كل عيوبي ادام اخوه وابويا وامي ومصمم يطلعني انا الوحشة رغم ان شددت على اهلي ما حد يجرحه بكلمه ولا يجيب سيرة الحمل والانجاب ولا شغله ولا اسرارنا قولوله هي تعبانة ومحتاجة ترتاح بس للاسف من كلامه امي قالت عن الشغل والانجاب وانت عمرك ما جبتلها حاجة انا قلت مش هنكر تقصيري معاك بس انا تعبانة محتاجة امي وابويا ارتاح عندهم لحد ما اخف وانت تغير حياتك
قالي هتنزلي معايا يعني هتنزلي وتشوفي واجباتك زي اي واحدة عشان تعرفي قيمة ان كنت متساهل معاكي ف تقصيرك
بابا قاله لا مش هتمشي غير بارادتها قاله يبقى خلاص كل واحد يروح لحاله هي بتعصي جوزها والشرع بيقول مالهاش حقوق عندي هي كده ال طالبة الطلاق
كسرني ادام اهلي خلا قيمتي عنده شوية اثاث مالهمش اي لزمة اهلي ردوا عليه انت حر شوف الل عايزه واعمله
اخوه حاول يهدي الموضوع ويقول الحل تروح معاه تغير جو في اي مكان ويتفاهموا قلتلهم سيبوني يومين افكر اشوف هقبل التفاهم ده ولا عشان اديه فرصة هو يفكر قبل ما توصل للطلاق
بعد ما مشي انا قلت ارجعله ازاي بعد ما عمل كده معايا لانه كان بيتكلم بقلة ذوق ويعلي صوته ع اهلي انتوا مالكوش كلمة عليها دي مراتي انا ومحسسني اني هربت من البيت رغم ان جيت هنا وهو الل موصلني بارادته
بعدها بعتلي انه غلط لما فكر ان مقدرش استغنى عنه وابعد وكان واهم وغلطته انه قالي اعملي الل يخليكي مبسوطة
ما رديت
بعتلي انه غلط ومع الوقت والتفكير والعزلة اكتشف انه غلطان بس انتي غلطتي اكتر انك بعدتي ومش بتدينا فرصة نتفاهم واوعدك اني هغير حياتنا واخليكي مبسوطة ع قد ما اقدر
انا قلتله مش قادرة اتكلم بكرة نتكلم
لاني حسيت انه بيقول كلام عشان كل همه ارجع البيت ويسيطر عليا خايفة منه معرفش ليه مفرحتش بكلامه لانه مش معقول ولا منطقي انه اقتنع انه غلطان في ساعتين وهو بقاله اكتر من اسبوعين شايف نفسه عادي وطبيعي وانا الل وحشة ومش راضية عن الحياة وكانت مقابلته معانا كلها هجوم وعصبية
انا مقررة مش هرجع الا اذا في تغيير جذري فعلا بالافعال
واما اتكلم معاه هعرف هو فعلا ندم وهيوافق يسيبني لحد ما انا نتغير ولا مصمم ع رايه وده مجرد كلام
وكلامي معاه هيبقى ف التليفون او رسايل مش هقابله
راي حضرتك انا كده صح ولا غلط
واعمل ايه واتصرف ازاي
هو لو ما كان بعت الرسايل الاخيرة كانت بالنسبالي منهية ومش عايزاه بس بقول يمكن ندم بس مش مرتاحة لكلامه

__________________
لا حول ولا قوة إلا بالله العلي العظيم

تسلمى ابنتى الغاليه

يسر الله آمرك
وثبتك ونصرك
ورزقك من يقف الى جوارك


خلاص يا سارة
اتضحت الصورة


هو فقط يريد خادمة
وليس ذلك وفقط
ولكن خادمة بدون مقابل


بصراخة مكنتش فاكر ان كده
لا رجولة ولا نخوة ولا عشرة
ولا اى حاجة


اكثرى من حسبنا الله ونعم الوكيل
ومن وآفوض آمرى إلى الله ان الله
بصير بالعباد


ده بسبب الاختيار الخطا
غفر الله لك


ولكن الحمد لله انك صحيت
فى الوقت المناسب


والحمد لله ان ديننا حلل
لنا الفراق بالاحسان


لا وخادمة وحتى بدون حقوق
شرعية عليه


اه البني آدم ده


يعنى اقل شىء لو زوج
مثله ولا يقوم باى حقوق


يرضى زوجة ويسعى لوجود
طفل يخفف من هذه الحياة اليائسة
البائسة المريرة القاسية


اما موضوع ان الله يغضب عليك
وان الملائكة تلعنك

قول له الاول انت خلى الله عز وحل
يرضى عنك


روح اعرف حقوق الزوحة الاول
والتى بعدها تكون ناشز


قول له الرسول صلوات الله عليه
قال لا يجوز لرجل يسب ويضرب بالنهار
وياتى الليل يقول لزوجة تعالى


لماذا قال هذا الرسول الحبيب
بابى وامى ونفسى صلى
الله عليه وسلم


لان الزوجة آمرة وحرة ولها حقوق
وليست جارية للفراش فقط


هو اللى خبيث ومكير


هو عرف انك لن تعودى
فارسل آخر رسالة


متخيل انك هبله للدرجة ده


اتركيه يا سارة وسافرى مع اهلك


واجعل هذه الفترة الفرصة الأخيرة له


اما ان يشعر بقدرك وتغير ويصبح رجل
يعتمد عليه


اما استمر على ما هو عليه


وهو حر وهذة حياته


انت ايضا حرة تفعلى فى حياتك
كيفاما تشاء


سبحان الله رجل بلا مسئوليات
نسال الله العفوا والعافية


وكمان قليل التربية ولا يقدر
منزلة الوالد والوالدة


ولا يعرف حرمة البيوت


ولا حول ولا قوة إلا بالله


ولكن احمدى الله تبارك وتعالى
واشكريه واسجدى له


لانه لو كان لدية ذرة بصيرة
لكان جاء لك مع امة او اخته
ومعه هدية قيمة واعتذر وقبل
يدك وراسك


ورحع بك الى بيته وسافر معك
يومان او ثلاثة


ثم عاد كما كان

ولكنها بركة الاستخارة والتوكل
على الله


الحمد لله رب العالمين
لقد اذن الله لك بالراحة ابنتى
الغالية وان شاء الله ييسر
لك الزوج الصالح التقى النقى
والأسرة والاطفال والعمل


آن الاوان ان شاء الله ان تستيقظى
فى الصباح الباكر لتجهيز اطفالك للذهاب
الى المدرسة


ثم تذهبى لاعداد طعام الغذاء
لهم ولزوجك عند العودة من العمل



آن الاوان ان شاء الله الى
انتظار الاجازة الاسبوعيه
وتجهيز مكان الفسحة والطعام



آن الاوان ان شاء الله
لانتظار اجازة الصيف للخروج
والذهاب الى المصيف


آن الاوان ان شاء الله
للتفرغ للعبادة خلال شهر
رمضان والذهاب الى العمرة
مع اسرة الصغيرة وزيارة
مسجد الرسول الكريم
صلوات الله عليه


كما قلت لك


انتهى الكلام



اعملى له بلك


ولا كلام معه بعد هذا التطاول
والتجريح وعدم معرفة قدرك


ولعلمك هذه من المرات القليلة
التى اكون فى صف الزوجة
وضد الزوج على طول الخط


لانى لم ارى فيه بارقة الآمل
مع الأسف


استمرى على استخارة الله
وزيدى قربك من الله فانت فى
اشد الحاجة اليه سبحانة وتعالى
فى هذه المرحلة شديدة الحرج
من حياتك


انتظر ردك و استفساراتك


أستودعك الله ألذى لا تضيع
ودائعه ودائعه

__________________

السلام عليكم ورحمة الله وبركاته
الحمد لله ع كل حال واتمنى من الله دوام الصحة والعافية والخير كله لحضرتك
بعد الل حصل حاول كتير يبعتلي ما كنت برد
وكل رسايله ان انا الل اخترت وانه مش هيسامحني ابداا اني مش موافقة نقعد لوحدنا ونتفاهم
للاسف اني حسيت بتأنيب الضمير رفضت نتقابل برة او ارجع وقلت لو عايز نتكلم لوحدنا في بيت اهلي فقط
اول ما وصل اسلوبه هو نفسه بعصبية انا لم اسكت له وقلتله اتكلم باسلوب كويس وهدوء ما تعلي صوتك كفاية الل عملته المرة الماضية لم تحترم حتى وجود والدي وانه رجل سنه كبير رغم انه سكتلك بس عشان انا ما ازعل ولا اتوتر مش زيك
يرد يقولي سكت عشان عارف اني صح قلتله لا واعرف ربنا واحترم الكبير
خلاصة الكلام ان يا ارجع معاه ونحاول نتغير يا انا كده بطلب الطلاق وماليش حقوق عنده قلتله مش راجعة قبل التغيير انت ما راعيت الل انا وتعبي هتعمل ايه بعد كده كل الل همك مؤخر وعفش لو العيشة معاك بالشكل ده مش عايزة منك حاجة وسيبته يتكلم مع والدتي
ومصمم ان ماليش حاجة واهلي عايزين حقي عناد معاه قلتلهم اعملوا ال عايزينه المهم ان ما حد يكلمني عنه ابداا
وانا هرجع اشتغل وافوق لحياتي وخلاص كده اتفقنا ع الطلاق
والله يعمل الخير ليا وليه
انا فعلا مش زعلانة لاني حسيت وادركت قيمتي عنده كويس جدا
والحمد لله ملتزمة بالدعاء والاستخارة وكل املي ان الجاي خير واهلي مبسوطين وبيحاولوا يخلوني فرحانة الحمد لله
الله يكتب لحضرتك كل الخير ياااارب والله دايما داعية لحضرتك بالخير فعلا ونعم الاب والسند

__________________
لا حول ولا قوة إلا بالله العلي العظيم

الحمد لله رب العالمين

الله يسعدك
ابنتى الغالية

وان شاء الله اللى جاى
كله خير


اصبرى واثبتى


وفرج الله قريب


بس كان لازم تتحركى
الله يهديك


اما المدعوا زوجك


اوعى تقعدى معاه


انتهى الكلام


بعد كل السنين ده
لسه هيتكلم

ههههههههههه


الان وقت افعال


وفقط


ان شاء الله ربى هيرزقك
بحاجات لم تتوقعى منها
واحد على الف ان شاء الله



توكلى على الله
وابدأ حياتك من جديد
وربى يعوضك بكل ما تتمنى
بإذن الله تعالى


ولا يهزك اى كلام


ولا تقولى ضميرى


واين ضميره هو
واين خوفه من الله
واين العشرة
وووووووو



عفانا الله وسترك
ويسر آمرك

__________________

الابنة الغالية

ان شاء الله تكون
بخير وافضل حال


اتمنى اطمئن عليك
واعرف جديدك


حفظك الله ويسر آمرك

__________________

السلام عليكم ورحمة وبركاته
والله يا والدي الحمد لله كله بخير واهي ايام وبتعدي
اتفقوا ان الطلاق رسميا يوم السبت بإذن الله
طبعا بعد خناقات ومشاكل وتهديد من اهله
اتنازلت عن كل حقوقي مقابل الطلاق
وهو قبلها بعتلي رسالة مفادها ان عشان خاطر ربنا والعشرة الطيبة
ننسى الل حصل وارجع بردو وتبقى المشكلة دي فتحت عيننا
ع كل حاجة ونحاول نصلح ولكن بشرط رجوعي
وان دي اخر فرصة يدهالي بحق للابد
حتى دون التفكير ان يراضيني
انا ما رديت عليه وهو تاني يوم قالي ردك وصل
وكلموا اهلي هاتو القايمة وشوفوا مأذون وكلمونا
وان بنتكم الل طالبة الطلاق وقالوا لاهلي للاسف بنتكم مش كانت
بتحب تقعد عندكم وتقول لابننا تعالى خدني
وخايفة يقولوا حاجات كتير الله يسترها يارب
المفروض ان الاتفاق يوم السبت القادم الطلاق
والله المستعان

__________________
لا حول ولا قوة إلا بالله العلي العظيم

وعليكم السلام ورحمة الله وبركاته

ابنة وفية وهذا عهدى بك
كنت واثق انى ساجد رسالة
لكى اطمئن عليك باذن الله


طبعا احزنى جدا موضوع
الطلاق فهو ابغض الحلال


ولكن واضح انه الكبر والعناد


ولعلها خيرة لك ابنتى الغالية


وتذكرى قول الله تبارك وتعالى

وان يتششفرقا ، يغنى الله
كل من سعته


وفى النهاية الطلاق ليس
نهاية الكون واذا انصلح
الحال فيمكن الرجوع
اذا اراد الله


ولكن فى الحقيقة قلة اصل
ان يقبل تنازلك عن كل حقوقك


ولكن ربما له العذر لانك يظن
انك انت من طلب الانفصال


وهو جاهل ولم يعلم انك طلبتى
ان ينصلح حالكم وتكونوا مثل
اى اسرة سوية


ولكن الله ختم على قلبه


اما خوفك ان يذكروا اشياء
بخلاف عدم حبك فى الجلوس
فى بيت اهلك


فهذه من وساوس الشيطان
وربما هو من قلة الاصل لدرجة
انه اراد هذا فعلا


ان يخيفك وتكون ورقة ضغط
عليك للرجوع خوفا من ذكر
ما هو اكبر


ولكن ليس عليك الا التحصن بالله
اكثرى من حسبنا الله ونعم الوكيل

ومن قول
وآفوض آمرى إلى الله
ان الله بصير بالعباد


وكما يقال ما يضير الشاه سلخها
بعد موتها


حياتك معه كانت كلها خطا
والاستمرار كان معناة الموت البطىء


خلى عندك ثقة فى الله
ثم فى نفسك ولا تعيرى
لكلامه وكلام اهله اى اهتمام


واذا ذكر اى شىء قولى
مع الأسف انسان لم يثمر
فيه اى معروف ومنتظر منه
هذا الكلام واكثر


ابنتى الغالية
انظرى الى الامام
ولا تلتفتى الى الخلف
حتى لا تسقطى مرة آخرى
بإذن الله تعالي


المستقبل كله امامك
وببركة الطاعة والقرب من
الله سيعوضك الله باشياء
تفوق خيالك لان المعطى
هو الكربم الحنان المنان
ذو الجلال والاكرام

استمرى على استخارة الله
واكثرى من الدعاء والتضرع
اللى الله

واعلمى انه هناك بنات فى سنك
لم يتزوجوا بعد ومازلوا فى اول الطريق


والطلاق ليس نهاية العالم
ولكنه شرع من الله فى الحالات
التى يستحيل معاه الحياة
حتى لا تكفرى فى العشير
وتنحرفى و تخسرى دينك
وآخرتك ، حفظك الله ويسر آمرك

وهمسة فى اذنك
هذا ما كان منتظر منه
والف حمد وشكر لله انك
تحركتى الان حتى يظهر معدنه
الذى كان امامك من اول سنة
زواج ولكن مع الاسف كنت لا ترى
نتيجة شئم المعصية


غفر الله لنا ولك
وتقبل توبتك ورفع
درجاتك ورزقك الجنة
ورؤية وجهه الكريم
وصحبة الرسول الكريم
صلوات الله عليه

__________________