ياا اخواتي واخواني


انا أبي استشيركم بشغله أفكر فيها هاليومين ... بس مادري هل هي صحيحه أو خاطئه...


انا علاقتي بزوجي تحسنت كثير بعد ماكملنا سنه كلها حروب ومشاكل وصراخ


يعني لي بعد تعب هالسنه يكمن 5 شهور علاقتي بزوجي تمام والحمدلله يعني صحيح فيه طقاق بس على خفيف


وما تمر ساعه عليه والا وانا تراضينا خلاص



بس الان انا نفسي انام عند اهلي لمده اسبووووع بس من باب كسر الروتين وابي زوجي يشتاق لي وابي اختبر قوة حبه لي يعني بيفقدني والا لا

انا سالته قال براحتك بس اسبوع كثير ولما سألته ليش كثير سكت ... زوجي من النوع اللي يحب يكتم مشاعره



ابي رايكم انام عند اهلي اسبوع والا اجلس في بيتي ؟؟؟


انتظر ردودكم............................................ ...................


عفوا: تم تعديل العنوان

__________________

الافضل تقليل المدة من أسبوع الى يومين لانك سمعتي الاجابة من زوجك على ما يدور في ذهنك لذا يتضح لي أن زوجك نجح في الاختبار فالحمدي الله

بصراحه انا ابيه يقولها بلسانه انه اشتاق لي وفقد صوتي بالبيت


بس مادري تأيدوني والا لا


انتظر تفاعلكم

__________________

انا اؤيد الفكره اذا كانت اختبار للزوج . ولكن لا تكون اكثر من يومين او ثلاث. ولا تنسين المسجات الخفيفه بالنقال مثل السؤال عن اخباره وين رحت وين جيت؟ لانه بيحس انك مو ناسيته وبالطريقه هذى راح يشتاق . انا جربت الحركات هذى وكانت مفيده . لانه الزوج اذا احس ان جسمك برا البيت بس قلبك معاه راح يكون وفى.

مشكور اخوي انا صالح
على ردك

__________________

انا رايي ان يومين الى ثلاث ايام كفاية ولا تكثرين ،، واهم شي تتصلين فيه تسألين خلال النهار ،، وبعد العشاء يعني في الليل إتصلي عليه وكلمية برقه زايدة وعبري له عن حبك له وشوقك له وبيني له انك مشتاقه ،، عزيزتي لا تنتظرين منه يبادر لأن معظم الرجال ما يقدرون او ما يعرفون يعبرون ،، وعلى فكرة المكالمات الهاتفيه خاصة في الليل تشعل نار الشوق ،، سمعيه كلام حلو ،، عزفي على اوتار قلبه ،، بس اهم شي يكون الوقت مناسب ويكون في مزاج مناسب ،،



اتمنى لك حياه سعيده مدى الحياة ،،كلها حب في حب في حب ،، و بدون مشاكل وطقاق

أختي ريم 2006 يومين كفايه وزوجج يمكن يكون من الناس اللي يوجد صعوبة في التعبير عن مشاعره بكلام بيأخذ وقت وأنا زوجي من هذا النوع والحين مرت خمس سنوات على زواجاً وهوقليل الكلام لكن تحسن حاولي انته تسمعه الكلام الحلو وتعمليه بدلع مع الايام بحسي بتحسنه والريال عموما يحس أنه يعبر عن حبه أذا وفر طلبات البيت وطلباتج والله يوفقج ويسعادج

نصيحة لا تهجري زوجك فانت تدربينه على تحمل الابتعاد عنك والصبر على فراقك

تحياتي

أنا معهم... أسبوع كتير..

وإنت سمعت الجواب من زوجك.. مو ضروري بالتصريح.. ولكن الجواب كان بالتلميح..

فبإعتقادي قوليله إنك رايحه يومين.. عشان يهيء نفسه على يومين بس..

وبعدين إنت كملي اليوم الثالث.. عشان هو مو عامل حسابه فبيشتاق لك أكثر..

بس نصيحتي لك لا تخلينها أكثر من هالمده.. لأنه البعد جفا يا عمري.. وممكن يحس في هالأسبوع إنه مرتاح من المسؤليات ويروح ويجي براحته دون قيد أو سؤال (نظرا لأن المده طويله)

فتأتي الفكره بنتائج عكسيه لا سمح الله!

3 أيام حلوين

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

مشكورين يا اخوات ويا اخوان على ردوردكم

بس يا اخت دندون زوجي انتي خايفه من ناحيه انه يطلع ويروح لانه راح يرتاح من اسئله زوجته


انا بعمري من تزوجته ما سالته وين رايح والا من وين جاي

لان بصراحه هو دايم بالبيت اذا طلع خارج البيت يروح يزور اهله فقط ويرجع يعني ماعنده اصدقاء

وانا عشان كذا ابيه يفقدني لانه دايم معي وجالس بالبيت
ابيه يشوف كيف البيت من دوني ممل ويطفش وابيه يعترف بشوقه لي وحبه لي لانه من تزوجنا ماعمره صرح لي انه يحبني او يشتاق لي او يفقدني

وعالعموم مشكووووووورين على ردودكم وتفاعلكم مع الموضوع

__________________