السلام عليكم
من اهم المواضيع اللي يهتم بها المملك هي مكالمات بعد الملكه
اكلم او ما اكلم
رايكم حسب خبرتكم و تجاربكم

انا عن نفسي ملكتي قبل 3 شهور و زواجي بعد سنتين و للحين ماكلمتها
ومحتار
وكل اللي حولي يقولون لاتكلمها مايجي الا المشاكل و تمل منها
صدق خايف امل بس بنفس الوقت مابي اقضي وقتي مع بنات غيرها بحكم فراغي
و احيان اخاف اطلع الشخص الثقيل عليها المغفل بحكم تجربه اعرفها شخصيا
ياليت فيه تفاغل مع اني متحطم احس محد بيرد

المدة طويلة بالنسبه لمكالمات
وهو حسب عادات وتقاليد العائلة عندكم
.. بالنسبة لي ما افضل المكالمات خاصة اذا كان باقي للزواج سنتين
ممكن قبل الزواج بشهر ممكن ..

انا نقطة *امل منها* ودييييي بس افهمها تكررت كثير من المملكين اللي ما يكلموا
طيب و بعد الزواج بتملوا من بعض .ستدخلون بروتين الحياة و مللها ماذا ستفعلون؟
و فرضا فرضا ما اعجبتك بعد الزواج اسلوبا و خلقا ماذا تفعل
وكيف ستتقرب منها ليلة زفافك و انت لا تعرفها@__@
وهي ستكون متشنجة و خائفة منك
انا اشوف المشاكل التي يفرضها الناس.صحية لمعرفة مدى تحملكما لبعض
اما ان تتزوجوا من البنات و يلدوا ثم يأتي من يتشكى
ليست مثقفة و ليست خلوقة و سمينة و الخ الخ

__________________

كلمها وخلي الافكار هذي على جنب
كله كلام فاضي .. انبسط و تعرف عليها و زورها

الملل بعدييين و مستحيل العلاقه فالملكه زي بعد الزواج
عادي خذ راحتك

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

اموت واعرف من وين هالافكار بالله!!
شلون تتزوج وحده ما كلمتها ما عرفت اسلوبها وووو
سنتين مدة طويلة جداً!
معقولة طول هالمدة ما بتكلمها
والمشاكل حتى في الحياة الزوجية موجودة
والملل حتى في الحياة الزوجية لو عشت معاها 30 سنة
بتمر عليكم ايام روتينية!

توكل على الله وكلمها
ترى البنت بتفكر انك ما تبيها ووو

انصحك بالتواصل معها لمعرفه طباعها وشخصيتها ..و هناك الكثير من القصص عن اشخاص لم يروا زوجاتهم الشوفه الشرعيه او حتى لم يتواصلوا معهم كلاميا انتهت بالتذمر من الزوج او الزوجه فذلك يشكو من وزنها وتلك تشكو من عصبيته و الخ.. والأولى ان تتواصل مع خطيبتك طالما ان لديك فراغ كما تقول بدلا من بنات قد لا يحل لك الكلام معهن.

وعليكم السلام ورحمته الله وبركاته

مبارك لك كتب الكتاب والله يتمم على خيرررر

ليش تاركها 3 شهور حرام عليك كل هالمده
البنات جدا حساسات من هالناحيه

تلاقيها الحين جالسه تضرب اخماس في اسداس
ليش ماكلمني ليش مازارني او ع الاقل رساله
راح يجي في بالها انها مو عاجبتك او انك مجبور فيها


كلمها هذي زوجتك من حقك تاخذ وتعطي معها
لاتكثر في المكالمات وتخليها بشكل يومي وماراح تحصل المشاكل انشالله
توكل علي الله وفرح قلبها


بالتوووووووفيق

وعليگم السلآم ورحمة الله وبركآته
مبروووك كتب الكتاب والله يتمم لكم ع خير .. صراحه من وجهة نظري انك ما تكلمها لان سنتين كثيره بالحيل
وكذا بيحصل ملل اذا كل يوم تكلمها يعني يكون تتواصلون بالرسايل ومكالمه واحده بالاسبوع وربي يوفقكم

أحلى فترة هي الملكة ... لا اطوفها على نفسك
المشكلة مب في الملل .. المشكلة هي الحماس الزايد والرغبة وو الخ
حاول الكلام يكون بشكل اسبوعي .. و خفف زيارات و طلعات
ولاتسترسل بالكلام الحلو لانه المدة طويلة جدا
اتمنى فهمت قصدي
... حاول تقدم الزواج .. سنتين مدة طويلة

أنا اشوف دام الزواج بعد سنتين فلا تكلمها الحين
وفعلا يجي للشباب ترى ملل لأنه يكلمها بس مايقدر يوصل للي يبيه فتجي المشاكل
اذا قرب زواجكم كلمها يعني قبل الزواج بست أو تسع شهور
لكن الحين طبعا ماتطنشها كليا يعني بالمناسبات ارسل لها هديه مع عبارات حلوة
ابعث لها سلامك مع المقربين وكذا