السلام عليكم ورحمه الله وبركاته
اخباركم يالغالين ان شاء الله نكونون بخييير يارب...
تكفــون ابي مساعدتكم هل اي بنت اول ماتتملك مالها خلق خطيبها يعني ماترتاحله مره على اني كنت اتمنى الوقت اللي اتملك فيه بس عقب الملكه كل شي انقلب صرت مابيه يتصل علي ومالي خلقه
ومشت الامور قلت هذا نصيبي ومالي اعتراض فيييه وكنت ابي اسال اقاربي هل فيه احد مثلي او لا بس تعرفون كلام الناس بيقولون احد غاصبها علييه ولاماتبييه وقلت بصبر نفسي يمكن مع الوقت
احببه وحمدلله كملنا ثلاث شهور ماقولكم ماتغيرت نظرتي يعني كاني بديت اميييله بس الصراحه او بالاحرى اتصنع عند الناس اني احبه وسعييده لاكن بقلبي مافيه غير الغلا ماادري لييه
بس ابي اشوف وجهه نظركم فيه احد جرب تجربتي او لا...????
والشي الثاني اناماحب الرجال يبين لزوجته انه يحبها ويتغزل فيها
وتحظظت بخطيبي من بدايه ملكتنا والان لنا 3 شهوور كل كلامه غزل ويبيني اتغزل فيه وانا بصراحه
ماتعودت ولاتاقلمت واقوله اصبر لحد مانتعود على بعض وكان يبيين يزززعل ونفس الشي يقول ابيك تغارين علي وانا صراحه من النوع العادي لان اللي مايحب عمره ماراح يغار اهو يبيني على اي شي اغار علييه بس
اهلا اختي اقلك شئ الحب ممكن يجي قبل الزواج او بعدو والاهم من كل ده انك تولفيه وتستانسي معاه وما تعمل شئ في بالك وادعي لربك يقربك منو
﴿وَعَسى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ﴾ (البقرة: من الآية 216)
وتعيشي معو بكل سعادة يعني في كتير من الازواج بيتزوجو عن حب وعن قصة جميلة لكن بعد الزواج يتغير كل شئ اقلك اختي يارب يتمم عليكي بالخير وتوكلي على لله
التعديل الأخير تم بواسطة وردة بين الثلوج ; 19-09-2009 الساعة 03:32 AM
شوفي يالغلا انا نفس الشي صارلي اول ماكتبت الكتاب
حسيت بضيق وتحديدا من جانب خطيبي وماعرف شو السبب لكن الحمدالله مع الدعاء ومع اسلوبه راح هالضيق اللي بداخلي والحمدالله
بعدين حبيبتي لاتقولي انا مااحب يقولي كلام حب وغزل >>> لان هذا شي طبيعي واحمدي ربك غلاتي انه يقولك كلام حلو غيرك من البنات يتمنى الكلمة الطيبه من خطيبهم مو الكلمة الحلوة وبعدين لاتحاولي تحسسينه بهذا الشي انك ماتحبيه او ماتحبي الكلام الحلو اللي يقوله لانه صدقني اذا شعر بهالشي بتشوفين منه معامله غير اللي تعرفيها منه وبصير جاف وحاد بالتعامل معك ومع الوقت انتي بتحنيين لسماع كلمة حلوة منه لكن للاسف هو يكون موقادر يعطيكي غير الجفا
واصبري وان شالله مع المدة راح تتحرك مشاعرك اتجاهه وتحبيه وتتعلقين فيه أكثر واكثر وانتي حاولي ها على قد ماتقدري انك تقولي له كلمة حلوة عالخفيف يعني او حاولي انك تظهري لها اهتمامك فيه عن طرق مسج او مكالمة او باي طريقة
.. طبيعي انج تحتاجين فترة علشان تحسين بالحب .. لان برايي مافيه حب من اول نظرة او من اول كم شهر .. الحب يجي بعد عشرة وبعد فترة مو قصيرة .. يحفظ فيها الواحد الطرف الثاني كل شي عنه .. شنو يحب شنو يكره .. شلون يفكر ..
انا ملجت .. وما اخفي عليج .. اني في البداية كنت احس بشعور غريب .. اني مالي خلق اكلمها .. او احيانا كنت افكر ليش اسعجلت واني لو ناطر اكثر احسن لي .. وهذا كان باول شهرين .. طبعا لاني داش على شي غريب عني ما اعرفه ..
لكن الحمدلله مع الوقت .. احمد ربي دايم اني ملجت عليها .. ولو ردة فيني الايام وعندي كل حريم الدنيا .. ما اخذت ولا فكرت بغيرهاا ..
انتي الحمدلله.. الله يحفظج دايم .. باين كنتي اخلاق وماتكلمين شباب .. وتحسين هذا شي غريب عليج .. فطبيعي تحسين بهالشعور ..
اذكري الله ولا تفكرين بانفصال وهالاشياء .. انتي بس تحتاجين وقت .. وان شاء الله راح يكون هو كل تفكيرج وحياتج ..
الله يوفقج . . وعقبال ماتحتفلون بزواجكم الـ 100 يارب