زوجتي عندها أفكار ومعتقدات غريبة وكل شوي تجيني بموضوع جديد، ودائما أنا وياها نختلف ونتصادم اثناء النقاش
مثلا في بداية الامر كانت تتكلم عن حرية المرأة واستعباد المرأة وان الرجال مثل النساء في كل شيء وان الوهابيه كبتوا المرأة وأحدثوا في الدين وابتدعوا ومن ذا الحكي
ثم بعد فترة صارت تعاند وتخرج من البيت بدون استئذان عشان تقضي حوائجها ، وتقول مب لازم استئذنك ولما ذكرت لها حديث ان الملائكة تلعن اللي تخرج بدون إذن زوجها تقول ذا الحديث ضعيف ومنكر وكل الأحاديث اللي تمنع المرأة تخرج بدون إذن زوجها وأنها ملعونة ضعيفه ومالها صحه ومسألة الحور العين تقول ان الحور ليسوا للرجال فقط كما يدعون وتأتي لي بالأدلة من علماء كبار بالشام وغيرهم وتأيد الصوفية الوسطيه ع قولتها
وطبعا علمائها اللي تستمع لهم من خارج المملكة
طبعا كل ذا تثبت لي إياه بأقوال العلماء وبالدليل النصي وغيره
لكن الان جايتني بفكرة غريبة وتقول انها تتسائل و انها في صراع داخلي بينها وبين نفسها وتبغى تلقى جواب لسؤال يدور في رأسها وتبغى جواب مقنع عشان ترتاح قلت له وش هو السؤال قالت أبغى دليل واحد من القرأن او السنه ع تحريم تعدد الازواج !!! أنا هنا صدمت بل صعقت !! وكنت بغلط عليها لكن تمالكت نفسي ووريتها اكثر من فتوى بخصوص ذا الموضوع وقالت كلهم يقولون ان هذا الموضوع ماتقبله النفوس و انه حرام بسبب اختلاط الأنساب قلت صحيح قالت وين الدليل طيب أنا أبغى دليل من الكتاب او السنه ما أبغى كلام مايقبلونه نفوس بعض الأشخاص وبعد فترة القاها تسأل بموقع ديني وتبغى دليل من الكتاب والسنه فرد عليها الشيخ وقال انه مايجوز والسبب الاختلاط بالأنساب وردت عليه ان السبب هذا زال بوجود الدي ان اي والشيخ قال يابنتي اتقي الله ومايجوز الا يعني تبغين تنامين مع أكثر من زوج المهم وجات توريني وتقول شف وش يرد ع ذا الدكتور وتضحك وتقول شف كيف يتخبط بالكلام ومايعرف يرد ومايدري وش يقول .. مرات تجيب لي مواضيع عن فتح الحجاز وتسميه احتلال الحجاز وكلام كبير لو أقوله لكم تنصدمون
الخلاصة أنا صراحه صرت أفكر أطلقها ، وولدي أفكر اخذه منها بالقوة بحجة انها ماتصلح ام وأنها منحرفه فكريا وعقديا صراحه هي ما غلطت علي بشيء لكن افكارها ومعتقداتها غريبة فأبي شوركم الله لا يخيبكم وكيف أطلقها بأقل الأضرار ؟

(تم تعديل العنوان ليتناسب مع المضمون)

ربما مصابة بالوسواس هل هي طبيعية في ما عاد امور الدين الله يعينك لا تفكر في الطلاق حتى تتأكد من حالتها ربما تحتاج الى مساعدة فلا تتخلى عنها.

كم عمرك أخي الفاضل وكم عمر زوجتك؟

لا هي مب مريضه بس تفكر كثير بالحياة وبالنفس وبهالامور وتتسائل وتبحث عن اجوبة و تفتح نقاشات يعني بعض احيان أسئلتها تكون جدا طبيعية ومقبولة مثل مره سألتني ليش الله حمى جسد عاصم بن ثابت رضي الله عنه ولم يحمي جسد سيدنا حمزه ، وهي تتكلم بأمور كثيرة في الدين وفي السياسة مثل مسألة فتح الحجاز و في الحياة بشكل عام لكن أنا تأثرت بأفكارها هذي خاصة فذكرتها

من يوم تزوجتها وهذي افكارها؟
وش تحصيلها العلمي وتخصصها ؟

__________________
سبحان الله وبحمده سبحان الله العظيم

أنا عمري 33 وهي عمرها 22

أنا زوجي من هذا النوع..
وكتبت قبل كذا موضوع لأنه يشكك في بعض الأحكام
وزي زوجتك يتسائل في أمور الحياة بصفة عامة ويفكر كثير..
وهذا شي مخيف بعض الأحيان

ان شاء الله يفيدوك الأعضاء الكرام

شوف مين تصاحب زوجتك

-أنا تزوجتها وهي صغيره وعمرها 15 وماكانت تعرف بالحياة شيء ولما صار عمرها 18 شريت لها جوال وصارت تقرأ و تستطلع و تعمقت في أشياء كثير وبعمر العشرين بدت تحاول تقنعني بأفكارها وتنفذ الأشياء اللي مقتنعه فيها وإذا زعلت تضحك و تجاريني ثم ترجع تخالفني
-طب

اذًا الفراغ هو سبب البلاء خليها تتوظف تتعب وتتوقف عن التفكير واذا شفت نفسك تتأثر اغلق النقاش معها او حوله الى حديث عادي الله يعينك انا قرأت اسئلتها تعبت .