آشكرك أخي الكريم
تحليلك فعلا كان منطقي و حلولك كانت جدا رائعه
عندي تعليق عى كم نقطه لو سمحت ../
مسألة الثقة بـ النفس
أنا أثق إني أملك قدرات ../ لن أقول ممتازة ../ ولكنها على أقل تقدير مرضيتني ذاتيا
واملك قناعة ../ اني لو تجرأت و تكلمت بكل اللي امتلكه من افكار كن الناس اعتطتني حقي وقدري اللي استحقه
مشكلتي بالتحديد يا فاضل ../ اني ما اقدر أبرز هـ الشي قدام الناس
مثلا كنا في مجلس حريم من قريباته
ما اقدر اتكلم وارفع صوتي
ما اقدر اسال عن اخبارهم و اتحكى معاهم
اقعد طول الجلسه ساكته واذا احد كلمني ارد بصوت وااااااااطي يقعدوا يقولوا اييييييييييش اييييييش
حتى اهله اول ما اتزوجت ما كنت اسولف معاهم عادي
ولا اتناقش في اي موضوع
بس ابتسم او اضحك
احس اني اعطيت انطباع سئ جدا عن نفسي
وهالثقه المهزوزة جات ضدي
حتى هو مستغل هالشي
أحيانا يصرح ويقول ترى انتي مشكلتك الثقه والا انتي انسانة ممتازة
هالشي اللي احسه مستحيل يتعالج
مدري شلون انهي هالضعف
واتكلم بدون ما يبين علي الارتباك
حتى مع زوجي اتحرج
احس شخصيته طغت على شخصيتي
.....
صحباتي ما عندي مشكله في الاتصالات لكن الزيارات ممنووووووع
صديقاتي ما احب اعزمهم في بيت الوالدة عشان ما احب احد يقول والله زوجها ما يوديها وما يجيبها
ما احب هرج الحريم اللي مالو داعي
أحب أمدحه واثني عليه قدام قريباتي وصحباتي ( الا وحده مقربه مني جدا ) اما الباقين لا مستحيل
أما الجيران فذكرته بهالحديث قال هذولا جيرانك اللي جنبك مو اللي احنا في حي وهم في حي بعيييييد
جيراني اللي حول بيتي يباني اروح لهم وانا مالي احتكاك فيهم يبغاني ازورهم و يوصيني فيهم و قرايب اهله كمان يحب لو قلتله هيا نزورهم حتى لو ما وداني المهم اني قلت
لكن جيران اهلي و جيراني قبل الزواج لا ممنوع وتصير عليهم الف مشكله ومشكله
اقوله يا أخي بحق الواجب بي ترى ماني متشفقه عليهم كثير
يعني وحده مريضه / ولدت
مره كان عندهم عزا ماتوا لهم 2 في حادث شنييييع ما رضي يخليني اروح وانا من يوم ما فتحت عيني ع الدنيا وانا اعرفهم
يعني في السنه 3 / 4 زيارات ما بتضره
لكن ما نفع
هو يملي علي الناس اللي اروح لهم واللي ما اروح لهم
......
المقارنه انا الحمدلله ما اقارن نفسي بأحد
بس هو داائما يقارني بأهله وانهم احسن مني في كل شي
دايما اقوله ترى المقارنه سبب اكثر المشاكل في الحياة الزوجية
انت كذا بتخيلي عندي حساسية من هالموضوع
اذا مدح اهله اثني عليهم وااكد على كلامه وبنفس الوقت اقوله لا تحاول تحسسني اني ما اعرف شي
لانو هم بصراحة مررررررررررررره يمدحوا نفسهم وانا اكره هالشي ما احب اللي شايف نفسه يفهم كل شي
حتى لو ما يفهموا فيه يسووا نفسهم يعرفوا
لكن بالنسبة لزياراتي لاهلي لا هو ما قطعني عنهم بالعكس كل اسبوع ازورهم احيانا انام عندهم كم يوم
بس المشكله انو هو اللي يحدد اوقات الزياره غالب الوقت
و انا مطاوعته حتى لو اعترضت ما ألزم على رايي
......
الاستفزاز من مه واا احاول اتجنب هالشي لكن احيانا ترتسم على وجهي بدون ما اقصد
......
اقتربي منه عاطفياً، ومارسي دورك الأنثوي باحترافية وذكاء معه، واجذبيه لعالمك أنتِ لوحدك
هالنقطة اللي ذكرتها انت انا حقيقة ما اطبقها
وان طبقته احيانا يقول ايوووووة بدأت حركات الحريم << دايم يقعد مع اخواته ويسمعهم وهم يتكلموا عن هالاشياء
لين صار يعرف كل شي
لا تحسبني متحامله عليهم عشان كذا اقول انو هم السبب
بس بجد علاقتهم جدا مفتوحه مع بعض
انا اللي اعرفه انو في حدود لعلاقة الاخ مع اخواته
مو يكونوا جالسين جنب بعض وهي راسها على صدره وهو حاضنها
ولا تقعد تحكيه عن الحريم في الزواجات والعزام واش يقولوا وما يقولوا
حتى لو وحده قالت كلمة مو كويسه يقولوا شفت فلانه ما تستحي تقول كذا
طيب انتي ما استحيتي لما قلتيها لاخوك !!!
مره اخته انخطبت وصارت ملكتها واتطلقت
كانوا كل اهلها عارفين انو خطيبها كان يكلمها في الامور الغريزية
هي صحيح كانت تشتكي من هالشي بس غالب الشباب يتكلمو في هالشي
حتى لو سوالها حركة بسيطه فضحته وحكت العالم
العلاقة المفتوحه والغير مقيدة هذي بينهم كاخوان انا مستفزتني
لاني صرت اشك في زوجي انه يحكيهم عن حياتنا مدام انهم تكلمو في كل شي عادي
لانو مره اخته بتتكلم مع اختي ( كانوا صحبات في الجامعه ) عن مشاكلي مع زوجي فبتقولها اعتقد انو حياتهم الخاصه مافيها مشكله لانو ما قد اشتكى
انا بجد قعدت ابكي وانقهرت من كلامها كثير حسيت بحريقة جواتي وش هالجرأة العجيبه وهي ما تزوجت للحين
يحكيني فلانه تهتم ببشرتها و فلانه سنعه في بيتها وفلانه للحين ما حملت
انا انقهر من كلامه احس اني قاعده مع حرمه
في الاخر ارجع اللوم على اهله ..
.......
الرسايل والهدايا ماني مقصره معاه ابدا
......
بالنسبة لاوامره انا اسوي اللي انت قلت عيه من يوم ما تزوجنا
كل ما قال شي قلتله ابشر ../ ان شا الله ../ من عيوني ../ انت تأمر أمر .. / كم ( فلان ) عندي .. واحد وبالدنيا واللي فيها
لكن تجي ايام يستفزني اذا صار ينتقد على اتفه شي
اذا مرض وحد من العيال انتي وانتي وانتي وانتي كأنو اولاد العالم ما يمرضوا كأنو هو ما قد مرض
هنا اذا أمرني بشي اقوله ماني مسويه مو انا فاشله وما اهتم ومهمله ماني مسويه شي
......
من ناحية اهله للامانه ماني طايقتهم حتى كلامك عنهم بالقوة قاعده اقراه اكره سيرتهم
مسالة اني اكسبهم هذي تحتاج شوية اهدار كرامة حاليا
يبغوا زوجة الولد على كيفهم بيتي اولادي طريقة ضيافتي اش استخدم من الصحون واش ما استخدم
بالفنجال والملعقه والصحن << كل شي اصدروا عليه امر
بعدين يقولوا اشبك تنقهري
مو لو هم مكاني ويسمعوا كل هذي الاوامر ( نصايح على قولتهم ) كان كرهوا نفسهم
يقولو ننصحك وانتي ما تسمعي
طيب هي في الاول والاخر نصيحه سمعتها كثر خيري ما سمعتها بكيفي
لكنها في حقيقتها امر لاني لما ما اسوي الشي اللي قالوا عليها قلبوا علي ويقولا مدري اشبها بس تعاندنا الله يصلحها << لازم الله يصلحها انو حنا الطيبين
حقيقة ودي اصلح الاوضاع عاهم لان العلاقات مقطوعه نهائيا بيننا لكن لو قلتله ويني قال مو شغلي روحي مع اخوانك
عشان يحسوا انك انتي راغبه فيهم
لما دقيت اباركلها بالعيد سكت السماعه في وجهي
و زوجي ما شا الله ما يحط فولة في فمه كل شي يروح يحكيهم عنه لو قلت كلمه تافهه يروح ينقلها لهم
مسألة الغدا .. للحق امه طباخه وفنانه
مره قلت بعزمهم ف بيتي قال انتي ما تعرفي تطبخي سوي الشي اللي تفهمي فيه بسس
وولأمانه اهله ما يحطموني في هالشي بالذات
بس لما أسالهم عن شي والا هم يتبرعوا يعلموني
يجوني بهالاسلوب اذا تبغي شي لا تسالي الا احنا
انا اعرف انا مو اي وحده انا افهم انا اعرف
وكل الناس غلط وهم بس اللي يفهموا
عشان كذا صارت عندي حساسية منهم ما احب استفسر عن شي .. بلاشي الثقه الزايدة
اما اذا ع الرسايل عادي كنت اسويها صح مو كثير بس اسويها ولا احد يعبرني ولا حتى معايده ما يعايد
لما اولد امه تجيني مره وحده وتشيل نفسها اخته ما رفعت حتى سماعه اخواته الكبار وحده دقت واتعذرت بالاختبارا ووحده ولا كأنوا شي
ليييش اذا سافروا انا ما ادق واقول حمدلله ع السلامه
قلتلهم طيب اذا انا غلطت لانو دوبي متزوجه واكيد غلطاتي كثير
بس في شي اسمه احتواء
انتو الاكبر وانتو الاكثر
مو دقة بدقه ولو زدت لزاد السقا
اذا راحوا لهم عيالي اسوي اللي انت قلت عليه
اساسا انا اقدر اقول شي !!
لو قلت بيقولوا بنفس شينه لا تخافي عليهم هدولا عيالنا و احنا ربينا بجل الواحد 1
مسألة اني اناقش زوجي قدامهم فانا ما اناقش
لاني اساسا من يوم ما ندخل ماعاد اشوفه يروح يقعد مع اخوانه
واذا قعد يقول شوفي طبخ امي واتعلمي مو زيك ومن هالكلام الي ماله داعي
ثاني شي اهله كل شي يسووا منه حكاية يعني حتى هو ما يقدر يقول قدامهم شي
ما يقدر يقول انه طلعني ومشاني .. هم يسووا انه عادي واحنا نبغاكم مبسوطين
لكن مدري احس في تناقض وانا ارشح انها غيره لانهم مره يحبوه وكان مره خدوم فلما اتزوج قلت خدماته بحكم عمله في جده وبيته في مكه
اذا قصر قالو هي اللي منعته هي السبب
ما ادري وش اسويبهم هذولا
ما انتقد اهله الا اذا هو استفزني وبدأ يغلط علي او على اهلى هنا ارد بوقااااااااااااااااااااااااااحه شديدة او رد مستفز
ماقد عاتبتهم الا هالمرتين اخته كلمتها بطريقة حبية ومهذبه جدا وحضنتها وسلمت عليها واثنيت عليها وعبرت لها عن مشاعري الحقيقية وانها مثل اختي
وقعدت اسبوع وانا اقول ادفع بالتي هي احسن وارسل وادق عشان ترضى مع اني ما غلطت عليها لكنها ما عبرتني
ولما اقول انا سويت اللي علي يقولي بكل بساطه عادي دقي كمان اش وراك
امه تقفل الخط بوجهي قام هزئني يقول انتي اللي غلطتي وانتي اللي جبتي لنفسك كانها هي اللي دقت وانا اللي قفلت
اقولك اللي حتى اهلي لاحظوه على اهله
اهم شي الناس تقول عننا عقّال ومطاوعه
يعني بناطيل واغاني اجنبيه وعبي كتف و اللي تتلثم واللي تكشف واللي تغطي غطوة خفيفه و العريان عادي
اي طواعه هذي كلنا نصلي ونصوم
اما العقل بالكلام بس وقت المشاكل ووقت الجد يكبروا المشاكل واهم شي كرامتي
هم يغلطوا علي عادي انا شي اشتروه بفلوسهم
انا ارد انتقادهم او كلامهم او اخلي لنفسي حياة خاصة ومستقله صرت متمرده ومدري اشبها ما تبغانا ومتحسسه مننا
( طولت الشرح عن اهله لانهم اكبر عقده في حياتي )
...........
زوجي
ركزي على صفاته الإيجابية، وغضّي النظر قليلاً عن سلبياته
كنت ما اشوف الا ايجابياته بس الحين عيني ما تشوف الا سلبياته .. صرت زيه ما يشوف الا اغلاطي
لو انظف البيت كله و المكيف مثلا كان عليه غبار يقول اش سويتي شوفي المكيف كيف وسخ
اقوله ضاقت عينك الا على هذي << وانا تعبانه وحيلي مهدود من الشغل يجي يستفزني بتعليق ماله داعي
لانو حتى انا ابغى اللي يراعي نفسيتي مو بس هو اللي يتعب
استخدمت اسلوب الرسائل وابدأها بالمدح والغزل والثناء بعدين اذكر الاخطاء باسلوب جميل
كان يناقشني اول
ألحين ما كأني ارسلت له شي ولا يفتح الموضوع من اصله
احسه مل من المشاكل والعتاب
بس هو الله يهديه ما ساعدني نتجاوز هالشي
يبغاني اسوي كل شي لحالي
انا اعدل واصلح كل شي وهو بس يتفرج في حياتنا
سواء رجعنا نرممها صح او هدمنها
صار واقف موقف المتفرج
........
آخر شي ابسألك كيف اقوله هذا حقي ولا سمحت لا تتجاوزه
و ابغاك تفهمني ليش تصيبه حالة هستيريا وغضب اذا قلت بروح مكان
حتى ملكة اخوي ( كانت بمنطقه ثانيه وقعدت 9 ايام مع اهلي سافرت )
زعل ولا يدق ولا يرد علي و لما رجعت بس ق علي جوال وما رديت ( كان بيرجعنا البيت ) طربق الدنيا وقام يهدد بالطلاق
ويوم اقوله لا تتعجل ترى عندنا عيال قلي بالحرف ( ترى بدأت اكرهك )
قلتله ( احبك )
احسه يقول اي شي اهم شي انه يرد وبس
جا في بالي انه يبغاني اقول لا نتطلق لاني احبك عشان مشاعرنا مو عشان العيال بس
لانو في مناقشه دار زي هالكلام وقال انتي عارفه اني ما كنت ابغى عيال قلتله بس خلاص صار عندنا عيال
قال اذا ما توالفنا واتقفلت الطرق بيننا مافي حل الا الانفصال والاولاد ماراح يموتوا
اهم شي مشاعرنا
للامانه هو رومنسي وعاطفي بس مدري اشبه يسوي كذا
(((((((( لما رحت بيت اهلي اسبوعين قلي ترى ما رجعتك الا عشان امي ( امه تخاف على سمعت عيالها لانو ولدها الكبير مطلق ومحد يرضي يزوجه )
ولما طلقني الثانيه يتكلم باستهتار حتى لما اقوله نستفتي مو معطي الموضوع اهتمام
وش معناة هالشي
هل هو فعلا مو مهتم و كرهني
والا تأثير الخلاف اللي بيني وبين اهله
والا م زال يبحث عن مشاعر ؟؟؟؟