السلام عليكم ورحمة الله تعالى وبركاته

جو المنتدى بصراحة جابلي عقدة نفسية وخلاني متشائم شوية ، وتعقدت من بعض المواضيع وبعض الأراء ، وبيني وبينكم ما احب هالأجواء ولا احب اني اكون متشائم ، وياما تمنيت اني اعيش بجزيرة فيها ناس خبلة مثلي ، بس للأسف مالقيت لأن كل الجزر اللي حولي فيها ناس معقدة ، وحاس ها حاس انهم يبون يعقدوني معاهم.

مالكم بالطويلة اليوم اخبالي واجد ، وابي افرفش ، ومالقيت مكان إلا هنا ، واللي يجي يسوي من موضوعي "الحبة" قبة ، ياويلة ياسواد ليلة .. الحريم اخلي ابو عبدالله يتولاااهم ، والرجال اخلي مسز داني تاكلهم ، لاتقولون ماقلت لكم ، هذا انا نبهت.

طلاق 2012
المرأة: عبدالله لو سمحت طلقني خلاص ماني قادرة اتحمل أكثر ماتربيت على كذا.
الرجل : ليه مو قادرة اتحملين اسم الله عليك وش جايك مني يابنت مايكروسوفت.
المرأة : لو سمحت لاتستهزء بأهلي وطلقني مانبي انطور الموضوع
الرجل : طلاق ماني مطلق وأعلى ما بخيلك اركبية.
المرأة : لو انك رجال وفيك ذرة رجولة طلقني ..!!
الرجل: انا رجال وغصباً عن أهلك وأنتِ طالق
المرأة: أفا تطلقني بالسهولة هاذي ياعبدالله ؟؟

الخدامة
الزوج : أسمعي يا أحلام انا ما اكل من الخدم فهمتي وإلا لا!! وإلا أقسم بالله أسفرها
الزوجة : حاضر يابو محمد تامر امر انت بس هدي بالك انا أطبخلك واسويلك اللي تبي.

الخدامة: انا يقص بصل وثوم وطماط ويغسل الدجاج والرز ويجهز البهارات وماما يجي يحط جوا القدر عشان بابا مايبي ياكل طبخ خدامة.

الزوج: منو سوى الغدا ؟؟
الزوجة: والله العظيم يابو محمد أنا ..!!

فشلني!!
أبوي: أسمع يالمتفائل خلك رجال مو تقوم تقلبها ضحك على الشيبان بالمجلس لاتفشلني.
أنا : يبة الله يهدينا وياك هالشيبان اليا جونا مايتكلمون الا على الحريم والزاوج من أخرى (وسوالفهم كلها إسفاف كأني اشوف حلقة من حلقات فوزية الدريع) وكأن سوالف الرجال خلصت ، وبعدين أبذكرك بشي تذكر انك قلتلي انك قبل زواجك من امي كنت تحب وحدة ؟؟؟ تبيني اعلم أمي ؟؟
أبوي : والله و(؟؟؟) عليك انت وامك.
أنا: طيب الوعد عند أمي
أبوي: تدري شلون .. فشلني.

كل شي حقنا
زوجتي : اليوم أحترقت حديقتنا ؟؟
أنا : منيلكم حديقة انتم ؟؟
زوجتي : الحديقة اللي في منطقتنا
أنا : ليش تقولين حديقتنا خوفتيني قولي حديقة المنطقة.

زوجتي : يقولي ابوي ان مسجدنا غيروا أثاثة ماشفتة !!
أنا : ماشاءالله عندكم مسجد ؟؟ من متى محد قالي واكيد ماشفت الاثاث لاني مادري ان عندكم مسجد
زوجتي : لا أقصد مسجد منطقتنا
أنا : أبعرف انا .. منو مسجل الكرة الأرضية بأسم أهلج ؟؟؟

فضووول
البنوتة اللي كانت تعتقد انها ذكية وتسوي روحها نايمة لما يتجمعون المتزوجات عشان تسمع سوالفهم (المحظورة عليها) احب أقولك أنك صرتي مكشوفة " يا ام دماغ "

وحالك مثل حال الرجال اللي يسولف ويقول مالكم علي حلفان ، وربي صرنا ندري انه كذاب من قال مالكم علي حلفان.

فلسفة خبلة!!
اختي أتكلم صاحبتها في التلفون ، وشكل صاحبتها تشتكيلها ، ف تبي تضحكها ف تقولها مسوية لنفسك مصيبة ليه ؟؟ وغاثة نفسك ومحزنة ليه؟؟ .. حطي ف بالك أن عندك مصيبة اكبر الا وهي زوجك ، وقامت تضحك !!

فقلت لها ليه زوجها مو زين ؟؟؟ قالت بالعكس تموت علية ، فقلت لها طيب ليش قلتيلها كذا؟؟ قالت لأنكم بعض المرات تصيرون على قلوبنا مصايب وما اقول الا حسبي الله ونعم الوكيل!!

ف عشان كذا هالجملة متداولة بينا يالحريم نصبر قلوبنا فيها ونقصد فيها الفرفشة!!

ف أقولها أنتي هيية انا اخوج ترى مو زوجك ليه تتحسبين علي ؟؟ قالت لاني ماقدر اتحسب علية قدامة تحمل !!

أكبر كذبتين..!!
الرجل : إن شاء الله هذا اخر "باكيت" دخان اشربة وبعدها بقطع التدخين!!
المرأة : خلاص من يوم السبت ببدأ رجيم.



مرحباً بمن سيمر من هنا بإبتسامة.

__________________
استغفر الله واتوب إليه

هههههههههههههههههههههههه
والله كنت معبسه من شوي والسبه كثر المشاكل اللي اقراها
وموضوعك خلاني امسك بطني من الضحك مشكور يالمتفائل روح الله يسعدك دنيا واخره

رووووعه من واقع الحياة
استمرر

__________________

خفيف وطريف

بس عندي تعليق على موضوع الطبخ
الشيف يجهزوله المقادير وهو يمزجها بعدين ويحط بهاراته ولمساته
في النهاية الطبخ نفس ..
وأهم حاجة كل شي اتعقم مع الحرارة
قصدي أهم شي راحة زوجتك

تحياتي لروحك المرحة

__________________

>> لا إله إلا أنت سبحانك إني كنت من الظالمين <<

ماشاء الله عليك وينك من اول ماتطلع مواهبك علينا وتخلينا نضحك زي كذا ؟؟؟؟ استمر بكل قوه اخوي

__________________

ساعة و ساعة.....

جميلة منك أخي المتفائل ، ترويح و احتمال أن يكون له شاهد من الواقع ...

هههه عجبتني كاتبين الكرة الأرضية باسمهم هههه عد انت لا دقق

طيب بزيد من عندي

من عجائب الرجل 0_0

ان جاع انهبل

وان شبع نام !

وان نام ما قام

وان قام طلع

وان طلع ما رجع !

وان رجع قال .... وجع نائمة ! *_*

ههههههههههههه
حتى انا الكره الارضيه مسجلينها باسم اهلي!!
كل شي لنا -- جمعيتنا !! مدرستنا !! رصيفنا !! شبيتنا!!
عادي ترى مايبيلها صگ شرعي!!!


جزاكم الله خيرا

__________________
اللهم احفظ لي زوجي وسخره لي واحفظ لي اولادي

أكبر كذبة.!!
الرجل : حنا الرجال مانكذب

كذا احسن

__________________

لا تأتي الحياة كما نشتهي دائما . لذا أصبحـتُ أطلب من الله الرضا بِ الغد . . الرضا بِ القدر أيًا كان و ممارسة الحياة بصورة جميلة ~

هذا يا اخوي وانا أتدرب على قيادة السيارة كل شوي وانا قاطعة الشارع بالعرض ولا أطالع لا يمين ولا شمال .. فالمدرب طفش مني .. بالأول كان يعصب بس باخر مرة سكت وما عصب وقال ... عادي .. مو هذا شارع عايلة فلان مكتوب باسمكم .


ادري .. غالبية الردود قبلي علقت على هالموضوع بالذات بس صدقا كنت ناوية أقول القصة أول ما قرأتها وقبل ما أوصل للردود

__________________