السلام عليكم ورحمه الله
تقبل الله طاعتكم بهذه الايام الفضيله واعادها الله عليكم بالصحه والعافيه
احببت ان اشاركم اخر مشاكلي مع زوجي لعلي اجد الحلول المناسبه مع هالزوج لاني اجد في هالمنتدى تنوع فريد في الاراء اللي استفدت منها كثير بمشاكلي
راح اعرض لكم مشكلتي الاخيره مع زوجي
اللي حصل انه مره اخر الليل كلمني وسالني ايش سويت عشاء قلت له فطاير قالي ليش ماسويتو كبسه؟؟قلت احنا تغدينا كبسه ومايصير نتعشى كبسه وياليتك قلت لي من اول قام يصارخ ويطلب يكلم الشغاله ورفضت جلس يلعن ويسب اهلي قمت رديت عليه قالي خليني ارجع البيت رجع وضربني.....للتوضيح زوجي مو معترض على الاكل ولا شي لكنه يبحث له عن مشكله عشان يلعن ويمد يده وله اسبوعين وهو يدور سبب لللضرب ونا اتحاشاه واتجنبه وحاول ماضايقه بشي او اقصر معاه وكان يذكر موضوع الضرب على كل كبيره وصغيره واني انسانه ماتادب الا بالضرب واني اتعودت على الضرب؟؟وللمعلوميه زوجي ضربني اربع مرات ونا حامل واخرتها ونا في التاسع وماكان في اي سبب وسبب لي كدمات في جسمي وكنت ابغى اروح المستشفى واعمل لي تقرير لكنه منعني وحبسني من الخروج وهو انسان متعود على الضرب حتى انه دايما يجي ويحكي لي عن ضربه لعماله اهو عنده بزنس وعمال كثير ومتعود انه يضربهم..انا كنت كل ماضربني ازعل واعصب واطلبه يوديني بيت اهلي اجلس عند اهلي كم يوم ويجلس يرسل لي رسايل ويتاسف واسامحه وارجع معاه البيت ومن دون ماخبر اهلي المشكله لاني كنت ابغى الستر ومابغى المشاكل ..وهذا الشي خلاه يتماااادى معاي ولا يوقف الضرب ولا قدر اني كل مره اسامحه ولا اعلم احد هالمره صارت السابعه خلاص انفجرت طبعا اهو معاملته معاي كانه يتعامل مع عامل عنده بس هدفه يشفط مني فلوسي لاني موظفه ويكرفني ويهنيني ويستعبدني..ونا صراحه خلاص تعبت وماعاد اتحمل الاهانه والذل وكنت اقول انه خلاص يعتذر مني وهذا يكفي لكن مع تكرار الضرب اكتشفت انه مايكفي الاعتذار واني لازم اعاقبه رحت لاهلي وقلت له ماراح ارجع لك الا برضوه او اني خلاص اخبر اهلي وهم يحلون مشاكلي معاك..بعد فتره وافق وعطاني الرضوه لما رجعت قالي رجعيلي الرضوه انتي انسانه ماتقدرين ليش؟؟لانه وداني ثلاث ايام وراء بعض مطعم ولا قدرت هالشي ورجعت له الرضوه؟؟كان الرضوه فخ لي بس يبغاني ارجع وياخذها قلت له لا حبيبي الرضوه لي انت ضربتني وهذي رضوتي لانك ضربتني لو ماضربتني ماطلبتها منك قالي انتي انسانه استغلاليه وتحبين الفلوس وشكلك ماتبغين الحياه الهاديه وماتدورين الا للفلوس والمشاكل؟؟قلت له انت سبع مرات ضربتني ولا طلبت منك شي ولا علمت احد ولا اخذتها عليك ادله وعاملتك بحس الظن لكن مافاد فيك والان لازم تعرف انك كل ماضربتني لازم ترضيني او كل واحد يروح لحاله انا ماني جاريه عندك تضربني واسكت...المهم توعدني انه ماراح يخليني اطلع مكان وراح يحرمني من كل شي ويحبسني؟؟؟مع العلم انه اصلا حارمني من كل الطلعات والروحات ماعدا الروحه لاهلي لانه يوم جاء يخطبني قال لاهلي انا بخليها تروح وتجيكم دايما وهذا السبب من ضمن الاسباب اللي خلاتني اوافق عليه والان حتى الطلعه لاهلي مايخليني وصار مايجلس معانا ولا ياكل معانا وهالشي الحمددلله مو مضايقني بلعكس افتكيت من صراخه وكلامه القذر واستفزازته لكن الان حابسني انا وولدي بالبيت لحالنا ايش الحل
معلومات عن زوجي

زوجي لايصلي يدخن بخيل ويعبد الفلوس عباده لاينفق علي ولا على ولده ماعداء الحليب والحفايظ ينظر للمراه على انها جاريه شراها بفلوسه عندي منه ولد...داخل الحياه الزوجيه على انها حرب ولازم ينتصر ولازم يكبلني بالعيال عشان اضعف واتنازل له عن حقوقي وووووو

اخر الكلام

مالحل معاه
دلوني على الحل الله يحرم جلودكم عن النار

أسأل الله له الهداية، وأن يعافينا مما ابتلاه به، والله أن القلب ليتفطر لمثل هذا الوضع، ليس لدي حلول، ولكن دخلت لأدعي له بأن يهديه الله، لعل بعض الأخوان والأخوات من لهم دراية وعلم في مثل هذا الوضع يفيدك ويرشدك أكثر مني .

وش مصبرك عليه

اذا حق ربه مضيعه
وضرب وسب
تنتظرين لين يصير عندك عشر اطفال ووقتها تطلبين الطلاق
من الان احسمي حياتك واخرجي باقل الخساير وعدد اقل من الضحايا
ان لي نفسك عليك حق
انت موظفة وشايله عمرك من الان احسمي حياتك مع هذا الرجل

اذهبي لبيت اهلك

فانتي لست دابه

وما ترجعي الا بشروط تعجيزيه عليه ما يقدر يمد ايدو

شروط عند محامي

هذه واحد حرام يتزوج

طيب ليه ما تشتري له هيدي للي بيضربوها تبعت الكيك بوكسن

__________________
http://live.gph.gov.sa/
اللهم اني استودعك اولادي

اول شي تسوينه انك تحصلين تقرير من المستشفى انه يضربك دليل عليه عشان ما يستقوي عليك وبعدها استخيري لكن الحين ما عندك اي دليل ضده لو طلعتي او صار اي شي ممكن ياخذ ولدك منك

حسستيني انه غرانديزر !

وش ذا يضرب عماله ويضربك وبكره يضرب ولدك

ماعندك اهل يوقفونه عند حده ,, مو عيشه هذي

أسأل الله لك الفرج
لي صديقه مثلك تماماً

لم تخبر اهلها عن ضربه لها
إلى ان بلغ السيل السبا وطفح الكيل وخلعت زوجها


وهي تحتضن طفل رضيع
اذا فقد الاحترام فقدت الكرامه وكل احساس جميل


يجب عليك اولا اخبار اهلك
لأنه لايوجد شيء يخيفه الا اهلك والقانون !


اعلمي وثقي وتأكدي انك وإن اطلتي السكوت
ستكوني ملامه من اهلك لأنك ستخبرينهم عاجلا او آجلا !


هل جربتي معه الطيب ! ولم يجدي !
بعض الرجال الذين يتصفون بالعناد تذيب عنادهم كلمه رقيقه ووجه مبتسم


ابحثي عن نقاط ضعفه واعزفي على هذا الوتر

في الحالتين اخبري اهلك العقلاء منهم فقط


ماذا تنتظرين ؟
ان تنشأ عقد في نفس طفلك ! من هذا الجو المتوتر !
ان تصابا بعاهات !

لاتظلمي نفسك لااااااا تظلميها

ان لنفسك وصغيرك عليك حق

ان لنفسك عليك حق
ان لنفسك عليك حق

الصلاه عمود الدين ومن تركها فقد كفر

أختي ياليت تشوفين لك فتوى وحل لصلاة بعدين دوري حل للباقي

__________________

اهم شي الصلاه انصحيه او خلي احد يتكلم معه بهالموضوع
اذا مايخاف الله ماراح يخاف عليك ولا على ولدك
وعلى الرضوه لاترجعينها له من حقك هذي ويمكن يكون له درس مايضربك
لان اذا رجعتيها بيقول عادي برجع اضربها وراضيها واخذ الرضوه تمسكي برايك
ربي يسهل لك امورك يارب

ولسا بتستشيرين ...

يعني تنتظرين الين يصير عندك درزن عيال وتهجين وتطلبين الطلاق...

ابغى افهم انتي ليش ماقلتي لاهلك في المره السابعه لما ضربك خايفه من شنو بالضبط؟؟يطلقك الي مثله فراقه عيد...لكن الظاعر انه عاجبك الوضع الي انتي فيه...ولا ماكان سمحتي له يهينك ويذلك..وفوق هذا مايصلي ..
استغفر الله يارب لاتبتلينا..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها