أخواتي وأخواني أعضاء منتدى عالم الحياة الزوجية

أكيد ألحين دخلتوا تبون تعرفون شنو الضروري .صح
أنا دخلتكم لموضوعي علشان تدعو لي لأن دعوة الأخ لأخيه المسلم بظهر الغيب مستجابة
ادعو لي بان ما يتم طلاقي من زوجي واللي راح يتم بكرة

أخواتي وأخواني الله يخليكم تحروا الوقت المستجاب للدعاء واللي يقوم الليل يدعيلي ..
والله محتاجة لدعوة صادقة مستجابة .


أختكم ...
بنت ديرتي

اللهم أصرف هذا الزوج عن طلاقه لزوجته و أنزل في قلبه الحب و الرحمة بها

اللهم إنك حللت الطلاق و أبغضته

فأبغضه في قلب هذا الزوج و حبب له زوجته و عيالة و آل بيته

اللهم إن كان في هذا الزوجة الخير له و لها فلا تباعد بينهما

و أبقي على زواجهما و إحفظهما من كيد الظالمين

الهم آمين

اللهم آآآآمين


وإن تم الطلاق فعسى أن تكرهوا شيئاً وهو خير لكم !

اللهم أصرف هذا الزوج عن طلاقه لزوجته و أنزل في قلبه الحب و الرحمة بها

__________________

جزاكم الله على المرور السريع
والله الذي لا إله الا هو الواحد الأحد أني لما قريت دعائكم لي بكيت ودعيت من ربي يستجيب لي ولكم ولكافة المسلمين

[QUOTE=mustafaramadan]اللهم أصرف هذا الزوج عن طلاقه لزوجته و أنزل في قلبه الحب و الرحمة بها

اللهم إنك حللت الطلاق و أبغضته

فأبغضه في قلب هذا الزوج و حبب له زوجته و عيالة و آل بيته

اللهم إن كان في هذا الزوجة الخير له و لها فلا تباعد بينهما

و أبقي على زواجهما و إحفظهما من كيد الظالمين

اللهم آمين[/QUOTE

يا رب العالمين اصرف عنها ابغض حلالك يااااااااااااااااااااااااا الله يا سميع الدعاء ويا كاشف الغم والهم

اكشف همها يا رب

	[blink] اااااااااااااااااامين [/blink]

يا رب العالمين اصرف عنها ابغض حلالك يااااااااااااااااااااااااا الله يا سميع الدعاء ويا كاشف الغم والهم

اكشف همها يا رب


ربي يوفقك وتتهني بحياتك بإذن الله ويزيل عنك كل هم ويصرف زوجك عن الطلاق

لكن اختاه تذكري ان شاء الله لو بقيتي على ذمة زوجك ان تعوضيه تعوضيه تعوضيه ولا تقصري حتى لو كان هو المقصر لا تحسسيه بذلك كوني الافضل واجرك عند الله تعالى

__________________
سبحان الله وبحمده....سبحان الله العظيم

شكرا أختي أم سيف على النصيحة
ويا ليت التعويض يجي منه
بس المشكلة ان زوجي لسانه وايده طويلة لدرجة المستشفى دخلتها اسوي عمليات بسبب ايده

سمعو قصتي وشاركوني بالراي بس استحملوني للنهاية لأنها قصه سنين .
تزوجت من 8 سنين أبو العيال واللي يوم اخطبوا أهله قالو يصلي ويصوم بس عصبيوقلت أهم شيئ يصلي ويصوم والعصبية بس ما تخيلت بالحال هذا ومن بداية الزواج وخلال الشهرين الأوائل كان جاي زوجي من الدوام وكلمته ويشهد علي ربي ولا بكلمة غلطت عليه بس اني طلبت منه شغلة وما وعيت الا بذاك الكف اللي دار وجهي ليش ماأدري وبعدها بربع ساعة جاني يعتذر وقلت يمكن أكون غلطت بكلمة وقلت يالله مادام تأسف وتدور الأيام وكان فيها من المشاكل بس كنت أطوف وبيوم بخلال السنة الأولى وبيوم كنا رادين من حماتي معزومين عندها وكنت زعلانة عليه بس قلت علشان ما تكبر المشاكل حطيت راسي أنا وولدي الأول ونمت وما وعييت الا وهو يسحبني من شعري وانا نايمة ويضربني ضرب الى ان شق طبلة اذني اللي بعدها وبمرة ثانية ضربني على نفس الاذن وسويت عملية ترقيع للطبلة بكف من ايده وقطع العقال على جسمي ليش يقول اني ما أرد عليه وانا كنت نايمة ويشيل واير التلفون علشان ما اتصل بأحد ويتركني بالغرفة ويروح ينام وانا والله ما نمت من الألم الى ان طلع الصبح ولقيت واير الكمبيوتر ووصلته بالتلفون واتصلت على ابوه وجاني واخذني عنده وما علمت أهلي وودتي حماتي للمستشفى ووقعني الدكتور على تعهد بأن الضرب مو من زوجي ووقعت وكل اللي في بالي ان يمكن اكون السبب وخلال يومين يعتذر جدام ابوه ويردني لشقتنا ويتعدل بعدها وكنت أطوف كثير اشياء من الغلط واللي كنت أشوفه من مخالفات الدين وتكرر الضرب على أشياء كثيرة منها ليش قلت مرة كل الشغل في البيت [ وكنا شرينا بيت مع بعض ] على ظهري ومرة ليش العيال [ صاروا 2 ] يوسخون الأثاث وانتي ما تشوفينهم وانا قايل لا تعطينهم ألوان وكنت اقول خلهم يتعودون على الكتابة ولحظتها كنت في المطبخ أسوي غداه وشنو سوى كسر الصحون في الصينية وسكت عنه ومرة ليش ما قلته مشكور علشان شرا لي ملابس من راتبي بس لأنه موديني للسوق ومرة ليش ناداني وما سمعته وحلفت له اني ما سمعت بس للأسف سبق السيف العدل وصار الضرب وأيام كنت أبلع وأيام أجن من انسان ما يبي المرة تزعل ولا تتضايق ولا تبين التعب ويا كثر اساعده وكنت اجيب له حتى ملابسه وهداياه وكنت أودي أمه للمناسبات وكان يدق علي ويصرخ ليش طولت وانا كنت تاركة عيالي عند اهلي مو عنده علشان لا يتضايق ومرة ضربني بالقدر الحار ليش والله ما اذكر ومرة ليش طلبت منه يودينه نتغدى بالمطعم وهو ما بغى وقلت له اذا ما تبي خلاص ما نروح ونقعد بالبيت وطلب مني أروح بروحي للمطعم مع عيالي ورحنا وهو مو مشتهي الروحة وهناك عصب ليش ما كان معاي فلوس تكمل اللي معاه
وكنت بعد السنة الأولى رحت كذا مرة لبيت أهلي مضروبة كذا مرة وكذا مرة يطردني من البيت وكانوا أهلي يرجعوني وأهله نفس الشيئ يرجعوني ويعتذر ويوعد انه ما يضرب بس للأسف ما طول مدة الوعد لدرجة انه وقه على تعهد ما يضرب بس ضربني وكرر مرات كثيرة وفي كل مرة كنت أقول يمكن أكون أنا السبب وكلمه أبوه وكلمه أبوي علشان ما يضرب بس ما كان قد الوعد وكلموه اخواني وواحد من اخواني تكلم معاه وتخانقو وضربه أخوي والله مو ضري بس شده من ملابسه ومن يومها وهو يعايرني بالسلفة هذي وكل ما صار مشكلة ذكر أخواني وبمرة صارت مشكلة وضربني بالشارع وقدام عيالي وخادمتي ومسح فيني الأرض وزعلت ورحت بيت أهلي وبعدها جاء يتهدد على ابوي بالشرطة اذا ما رديت البيت وابوي ولا سواله شيئ وتكرر المشاكل وبيوم من الأيام شلت شنطةالرياضة حقته ورتبت المكان ونسيت أقوله وين حاطتها وكنت رايحة عند أمي مريضة بالمستشفى واتصل فيني ويسألني عن الشنطة وقلت له مكانها ودورها واتصل لانه ما لقاها وهددني اذا ما كنت عنده خلال عشر دقايق راح أشوف شيى ما شفته وبالفعل سمعت كلام وشفت ضرب لدرجة بعدها سويت عملية تجميل لوجهي وفي كل مرة كنت أزعل عند أهلي وغيرها وغيرها وفي كل مرة يقول انك تعاندين
وفي العام السابق ضربني ورحت لبيت أهلي وبعدها بفترة رفع علي قضية طلاق بانه متضرر من طلعاتي لأهلي وبعدها بأسابيع يحاول يتصل فيني ويصالحني وحاول مع كذا شخص من معارفي وصدقت انه تغير ووعدني اني ما أشوف الا اللي يسرني ووقفت القضية ورديت له وأهلي رافضين الردة بس رديت وتمر الشهور وصدقت انه تغير الى ان جاء يوم وتخالفنا وضربني بنفس الاسلوب وتكرر الضرب كذا مرة خلالها ولكنه تمادي حتى بالكلام القذر على وعلى أهلي
وسافرنا خلال السنة وكنت حامل بالولد الثالث وبالسفر ضربني ضرب دمى جسمي علشان شيئ محرمه ربي وبعد اسبوع من الضرب هذا ردينا للديرة وخلال الفترة اختلفنا وطلبت منه اروح ارتاح عند اهلي بس رفض وضربني ليش طلبت الذهاب وضربه لدرجة والله يشهد علي ربي والسالفة صارلها ألحين خمس شهور وللحين في ندبة بوجهي من كثر ضربه لي بالأرض وأنا حامل بولده اللي ما رحمه بطني ورفسه وضربني على ظهري وبعها بيومين طلب مني أضحك وانسي اللي صار بدون أي اعتذار بس والله ما قدرت وبعدها طردني من البيت بدون عيالي والخادمة ورحت لأهلي وما علمتهم ان في مشكلة وبعد يوم كلموني عيالي يبكون وكلمني هو علشان ارجع للعيال وطلبت منه ان نتفاهم بالتلفون واذا مو عاجبه الكلام يسد التلفون وسده وجاب عيالي بجايمهم الوسخة وبدون أي ملابس وطلب مني ابوي اني ارفع قضية لأن زوجي ما ينفع معاه الكلام والنصح وبالفعل رفعت القضية وأيامها طلبت منه ملابس العيال وقال تعالي خذيهم بنفسك ولقيت انه مو خلي أي باب مفتوح من غرف البيت يعني لعانة ويشهد علي ربي ما قصرت معاه بأي شيئ سواء من زينة ولا من أكل لدرجة صار ما يحب ياكل الا من ايدي لأني انوع بأكله والله ما يذوق نفس الطبخة الا يمكن بعد اسبوعيين ولا قصرت بعياله ولا بتربيتهم على الدين لأنه هو يسمع الاغاني وعيالي يقولوله خطا يا بابا وحرام بس من يقرا ومن يستمع ولا قصرت بنظافة وانا موظفة وكنت ارجع واسوي الغدا لانه ما يبي من يد الخادمة وكنت ما اريح العصر علشان غداه وعلشان عياله ما يزعجونه وهم ما نفع وانا اللي كنت اودي للمدارس واجيب اغراض العيال واغراضه وحتى الطبيب .


ادري بتقولون طولت واني ليش كاتبة الموضوع والله ابي رايكم ومشورتكم بحالي ألحين لأني ألحين أحن له وما أدري ليش مع كل اللي سواه فيني وأتمنى ان الطلاق ما يتم وعز علي انه للحين ما شاف ولده الثالث واللي عمره اليوم أربع شهورواللي يوم ولاته اتصل على ابوي وغلط عليه يكلام جدا قذر والله ما ينقال لجد عياله
واتمنى انه يرجع متغير لي ولعيالي ومع اني تواجهت معاه قبل فترة بالمحكمة وسبني وسب أهلي واخواني اللي كاني معاي ومنها عرفت انه ما تغير
بس والله اني دعيت ربي انه يجيبه معتذر وندمان على اللي سواه واطلب منكم بالنهاية انكم تدعوله يتغير ويصلح الأمور بينا ولا تقولون وين كرامتك لأني أحس اني فاقدته ومحتاجة بيتي واستقراري حتى لو بدونه
واعذروني على طول الرسالة بس ودي الكل يشارك بالراي والمشورة من عضوات وأعضاء لأخذ راي الطرفين