السلام عليكم

ومبارك عليكم ما تبقى من الشهر

اسال الله ان نكون جميعا من عتقائه


اموري مع زوجي تسير بين مد وجزر

يا سمن على عسل او كل واحد عدو الثاني


قام يبات عندي كل ليلة وترك ويحاول يستغل الاوقات ان نكون مع بعض سواء بطلعة او يجي اكثر من مرة خلال اليوم


لما كملت بنتي عامها الاول كنت اعرض عليه موضوع الحمل وقالي ماكو حمل الا اذا كملت سنتين

والشهر الجاي بتكمل سنتين ان شاء الله

قبل رمضان باسبوع تهاوشنا هوشة كبيرة جدا وقال وقتها كلام ما ينقال سبني وسب اهلي

كان هالكلام بالتلفون

واخذنا فترة بريك لا اييني و لا يشوفني ولا يكون اي تواصل بيني وبينه كان هالطلب مني لاني اذا شفته واح اتذكر غلطه على اهلي

وجا رمضان وقلت يا بنت اكسري الشر ولا تحرمين بنتج من ابوها و انتهت فترة البريك



والحمدلله من هذاك اليوم الى اليوم واحنا سمن على عسل

اليوم تناقشت معاه بموضوع الحمل الاخ رافض نهائيا بالوقت الحالي

يقولي لازم نستقر اول هو اساسا حياته مو مستقرة مع زوجته واي تحريض منها يقلب علي

يقولي مابي نزيد الطين بله نطلع بواحد احسن من ما نتطلع باثنين

حاولت اناقشه اكثر مو راضي

والله ودي بولد يكوم عون حق اخته

وابي افرح ببيبي ثاني

عمري 32 وهو 36

مابي العمر يمشي فيني وانا ما يكون عندي الا بنت

وما ادري هل كلامه ان في نيته ان ما نستمر او بس خايف من المستقبل

شوروا علي شلون اقنعه

__________________
لا اله الا انت سبحانك اني كنت من الظالمين

أعتقد زوجك عنده بس بنات من زوجته
فانتي تعالي له من هالباب ان ودك بسند لبناته كلهم
يكون ولد ويخفف عنه
واذا ماجابه وهو عمره 36 متى يجيبه ويربيه ويفرح فيه
دخلي بناته بالسالفه وأنهم يحتاجون عون واذكري له امثله وقصص لبنات كيف عانو بعد ابوهم لأن ماعندهم اخ

طيب اختي اتركي حبوب المانع واذا حملتي حطيه امام الامر الواقع وتلقينه فرحان اكثر منك
اهم شي بالزواج الاطفال حتى لو مااستمر زواجكم تكونين طلعتي باكثر من طفل
الله يوفقك

اختي لؤلؤة انا ما اقوله الا هالكلام

يقولي بناتي انا موجود لهم اقوله انت منت دايم لهم ومردك بتكبر يقولي الله لهم

واذا اخواني ساعدوني باي شغله اقوله شفت اشلون الاخو عزوة


اختي مبتعثة لما اقوله هالكلام يقولي انا ابي رفيج والا ولد؟؟؟

ويقول انتي توج صغيرة ونشيطة ولي الحين فيج حيل





اااااااااااااااه ما ينصاد

__________________
لا اله الا انت سبحانك اني كنت من الظالمين

طيب مش يمكن معاه حق
تتسرعي والوضع مش مستقر لسة
لما العلاقة مش مستقرة بشوف احسن الواحد ينظم امره و ترسى امورك وتستقر
اعملي استخارة وانا لومكانك صراحة لولهدرجة الامرهامك
اتركي الحبوب واحكيلو نسيت حبتين
بس مش هلئ كمان كم شهر عشان ماتبان متعمدة
الله يهدي سرك امين

__________________

انا ما اخذ مانع ومو حاطة اي شي يمنع الحمل

عفوا كله طبيعي

__________________
لا اله الا انت سبحانك اني كنت من الظالمين

موهبه حبيبتي اصبري كمان سنه
بنتك لسى صغيره وإنتي كمان صغيره وضعكم مو مستقر
اصبري سنه تكون البنت كبرت اشوي وتعتمد على نفسها وإنتي كمان ترتاحي مو حلو الحمل والولادة ورا بعض

__________________
ريم نواف سابقا

ريم بنتي عمرها بتكمل سنتين

وانا حييييييييل بخاطري بيبي صغير

__________________
لا اله الا انت سبحانك اني كنت من الظالمين

دام طبيعي ربي مو كاتب لك الحمل الحين وكلي أمرك لله
وشوفي فيه موضوع الأخت بنادول على ما اعتقد بس راحت طب شعبي زوجها زعل منها وخلاها عند أهلها
برأي استخيري الله وإذا ربي كاتب لك الحمل راح تحملين

__________________
ريم نواف سابقا

الله يلوم الي يلومك
والله الأطفال ينحبوا بالذات في الشهور الاولى
انا تعلقت في بنت اخوي لانها كانت بيبي لدرجة بنتي تغار منها
بس يا موهبه حياتك انتي وزوجك مو مستقره أبدا
وما تدري الرجال ايش في باله !!
لكن دام انك ما تأخذي موانع فربي لسى ماكتب لك الحمل
وإذا تبغي تتعالجي عشان تحملي من حقك يكون لك عزوه وأبناء يهتموا فيك بكبرتك

__________________
ريم نواف سابقا