السلام عليكم

مره سمعت محاضره للدكتور طارق الحبيب
وصف فيها شخصيه الزوج والزوجه
الى اب او ام
طفل/طفله
بالغ/ بالغه

وشرح كل نوع ان شخصيه الاب والام تخب العطاء فقط
انا البالغ فهو سوي ياخذ ويعطي
الطفل ياخذ فقط

الطفل /الطفله يحتاج = زوج من شخصية الاب او الام
البالغ يناسبه بالغ
اما الاب والام طبعاً يناسبه الطفل

بصراحه زوجي طفل
وانا بالغه
مهما سويت له مايشوف ولا يعرف لي فضل
اضل انظف وامسح وارتب وابخر وانواع الفواحات والشموع والطبخ بكل اصنافه من مقبلات وحلويات الى اطباق رئيسيه
ملابسه اهتم فيها
اهتم فيه هو شخصيا
اهتم بنفسي واجدد واغير واضحك واسولف
وعاطفته والعلاقه انا احييها لها وهو مثل الميت معاي

تعبت منه والله في المقابل مالاقي منه الا الانتقاد والتحطيم فيني غالباً
ياخذ فقط ولا يعطي ويضل يطالب بالمزيد وكانني امه ولست زوجته مسؤوله منه شرعا
زوجي مقصر باشياء اساسيه ف المنزل ويتعذر بالظروف وانا لازلت صابره واحاول
جد انا تعبت من شخصيه هالانسان مره يقبل ويكون واضح مره يصد مره يخون مره يرجع ويتوب

كل هالتناقض انا اعيشه معه
وكانني اشاهد مسرحيه

هو طفل بمعنى الكلمه
اي شي يحب يشوفه علي مايطلبه يقول ملابسك مو حلوه قلت حبيبي اختار انت على ذوقك وسكت وللعلم هو خجول ويبحث عن صور يشبع رغباته واشوف من وراه واعرف وش يبي
والبس مثله
طيب ليش مايصارحني ؟
كبرياء والا خجل والا ايش بالضبط ؟؟

مايعرف وش يبي ولا وين رايح يشوف الناس ويقلد
مره سالته ليش تزوجت قال مثل كل الناس كل اصحابي تزوجوا !!!
اي شي يصير لنا او ابغاه يقيسه على اللي حوله
ماعنده مبدأ ابداً
متعود على العلاقات مكالمات ورسائل عبر البرامج قبل الزواج ويظن هالشي عادي لان كل اللي حوله يسوونه
ورسم منها صوره للمراه سعيت اني اجاريها وهو سعيد بذلك بس مايبين !
سعيد وساكت
غامض جدا متقلب مزاجي يعاكسني كثير عشان اصحابه قالوا واحيانا يطيعني ويكون ودود
تعبت منه جداً
اللي يتابع الاخت روان (كنافه بالجبن سابقا)
يعرف شخصيه زوجي
مو عارف وش يبي ومو فاهم الدنيا
هو طفل بمعنى الكلمه مااحس معه بالامان
اصحابه مدحوا دوله معينه والزواج منهم لقيته يدور زوجة من نفس الدوله تحديدا
هو مايحب شيء من نفسه الا اذا سمع مدح عنه من احد
مندفع بشدددده ويبرد
اي كلمه يسمعها من اهله او اصحابه يطبقها حرفياً
واصحابه فاشلين بمعنى الكلمه ومقصرين ماديا ومعنويا مع زوجاتهم وانا اعرفهن شخصياً
وعندهم تضخيم للرجوله وتحقير للانوثه ويتداولون مقاطع اباحيه بشكل طبيعي بينهم
والعلاقات العابره شي لابد منه للرجل بالنسبه لهم
اما زوجاتهم ام العيال هو دورها
زوجي للامانه ماينظر لي بصوره اني مره وو الخ
لكنه يتشرب افكارهم احيانا فهو متقلب
وماعنده توجه معين
لنا تزوجنا نصحوه اصحابه يشد علي ف شد
نصحوه مايسفرني خارج الدوله عشان مااتعود !
المره ماتنعطى وجه زوجي ندم بعدهت ووعدني يعوضني بس بعد ايش
زوجي بعد فتره تعب منً. نمط حياتنا وبنفس الوقت مو لاقي قدوه سنعه ع قولتهم
وتعبني معه
لقيته يبحث عن زوجه ثانيه بالخفاء مدري صادق والا يلعب او اندفاع مثل عادته يعني بدال مايلوم نفسه لامني اناا
وراح يدور بديل
لو تطلع لي حبه بوجهي راح يدور بديل
وهو مو كامل ولا يرسم صوره الرجل المثالي بنظري لكني اتغاضى
قرات عن شخصيه الدنجوان واحسها راكبه على زوجي للاسف !
وهو فقد امه بصغره
لقيته مره يبحث عن زوجه كبيره ! يقول حنونه !

كيف اتعامل معه كخطوة اخيره قبل ان اتخذ قراري بالانسحاب لايكلف الله نفسا الا وسعها

للعلم اني عروس ماكملت سنه بس ماحسيت يمعنى هالكلمه ابداً معه للاسف !! 💔

شخصية الزوج (الطفل )
تحتاج لتعامل خاص غير عن تعامل الرجل (البالغ ) او الرجل (الاب)

تحتاجين استعانه بالله اولا والتقرب اليه
ان تحتوينه ولاتبالغين لكي تعوضينه لانه سوف يطلب المزيد الوسطيه مطلوبه

الرجل (الطفل)
يحتاج تجلسين معاه وتتكلمين باسلوب الرهيب والتغريب في بعض الاحيان

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

شوفي هالمقطع : ان شاءالله تلقين اجابة
https://youtu.be/uJYRTw6vqtE

__________________
-

كلامك حلو ويريح
لكني تايهه امسكي ايدي ودليني الطريق وانا اكمل
ارجوك اشرحي لي واعطيني خطوات عمليه افعلي كذا وكذا
احتاج امثله لاني بصراحه تزوجته واعامله كشخص بالغ احتاج منه اهتمام ومبادله حب
بس مايقدر يعطي ليش مادري
هل هو خجل ؟ كبرياء ؟ متشرب افكار من مكان ما؟
او نمط شخصيته الطفوليه هكذا. ؟ لا تستطيع المنح ؟ فقط يمكنها الاخذ ؟؟ تعرفي كيف طفلك لما تمنحينه كل شي ويطلب المزيد وينسى ماسبق؟
بالضبببط هذا اللي اقصده
ولا يمكن ان يلوم نفسه ابداً ! حتى لو هرق طبقه الاوزون بالنسبه له الاخرين هم السبب
والاخرين طبعا هم انا. !
ينكد علي ولما يتعمر مزاجي بعد عشرات المرات من الصبر يقول جوك نكد وانتي تحبين النكد ويهرب ولا يواجه او يرمي الخطأ علي ويقلب الطاوله !
اساليبه طفوليه

انا جد تايهه معه ساعدوني

شكرا لك جزاك الله كل خير وكل من رد علي وساعدني

ايضا زوجي مو متعود ع الصرف بييته
ومقصر باساسيات !!
وكريم جدا بنواحي ثانيه لدرجة الاسراف احياناً
يعني الموضوع مو قصة بخل لكن عدم معرفه وجهل اعتقد
ودايما يطالبني بالصبر عليه اذا طالبته بالاساسيات مع العلم انه قادر حتى لو يتسلف هذي اساسيات لايمكن التنازل عنها ! يظن انه لازال طفل ياكل ويشرب هو واسرته من كد وتعب ابيه !
يبي حب ورومانسيه وحياة جميله -طبعا انا اوفرها فقط هو يستقبل بس - وحنا عايشين على الحصير وناكل القش
واذا ناقشته يزعل مثل الطفل والا يعصب ويقول ليش ماتصبرين علي؟
يضع اضعاف المبلغ بشي تافه وبيته ناقصه اساسيات حياة تعرفون كيف اساسيات كياة ؟
باختصار مو فاهم الحياة الزوجيه !
اظن انه متعود على نمط العلاقه النسائيه عبر البرامج لاتحتاج مسؤوليات اعتقد هذا السبب

واصحابه مايقصرون شحن على الضعيفه المرأة اللي راح تتعود وتركب ع ظهورهم وتخرفنهم وتخلص فلوسهم
واهله من جهه ثانيه شحن ضد المراه اللي بتاخدك من اهلك وتغيرك عليهم اذا قدرت بس انت ذكي ماتطيعها ع حساب اهلك !!
حرب طاحنه مو زواج هههههه

وانا واقفه اتفرج عليهم ينتهون مسرحيتهم عشان اخذ دوري !!؟

مدري وش اقولك بس الزوج الطفل شوفيه عندي منجد 💔💔 اللي ماياكل ولا يلبس ولا ينام ولايسافر ولا يمشط شعره حتى ولايسوي شي بلحاله 😭😭😭
واذا سواها تعتبر معجزه ويكون متنكد ونفسيته صفر

بالنسبه لك
امسكيه بيوم قوليي وش تبي بالضبط ، يله لست كيت وكيت وكيت وش تبي بالضبط وانا ماراح اقصر
انا وش مقصره فيه معك ايش تبيني اسوي ؟

اهلين حبيبتي زوجك اتكالي اعتقد

اللي عندي مايتفاهم ماله وجه من ظهر !؟
او يقلب الطاولة علي
ولما اقوله وش محتاج يقول ولا شي
واذا قلت انا محتاجه منك كذا وكذا يزعل ويتحسس مثل اي طفل