السلام عليكم

انا عضوه جديده ولسا مسجله حالا كمان

بس بقالي فتره قصيره خالص شفت المنتدى بالصدفه وقريت كذا موضوع وشفت اراء الناس اللي هنا وبرضو شفت حلول لبعض المشكلات وده اللي شجعني اسجل

بصوا انا حدخل فالموضوع على طول لاني بجد مخنوقه

انا جوزي عايش فبلد تانيه ولسا ما معمليش استقدام عشان ظروفه المهم هو كان قالي هيعملي تأشيره زياره وانه قدم على شركه معينه

انا عشان والله بحبه عندي وحده صاحبتي ساكنه قدام الشركه دي قالتلي انها حتروح تحجز وبالمره تسأل الراجل حيرد على جوزي امتى قالها انه مجيش اصلا عندهم ولا قدمش اصلا

انا اتصلت بجوزي وقلتله انت بتكذب عليا وانت مقدمتش وكده وكنت متنرفزه خالص وهو زعل مني قالي انتي مش بتصدقيني وبتصدقي الغرب وانا مش بحب التصرافت دي

قالي انه قدم على شركه تانيه مش اللي راحتله صاحبتي وحسيت اني اتسرعت قوي وزعلت من نفسي وقلتله سامحني بس مهو زعل وحاسه اني جرحته بتصرفي وقفل السكه فوشي

قعدت اتصل بيه مش بيرد عليا بقاله يومين وكمان ببعتله رسايل بعتذر وبرضو مطنش

بعدين اتصل بيا وقالي انا مش حنسا التصرف اللي انتي عملتيه وقلتله سامحني واعتذرت وقالي سامحتك بس مش حنساهالك لانه صعب انسا لانه دي اهانه فحقي

بعدين قالي ماتبقيش تدخلي صحباتك فمواضيعنا الخاصه وقالي ما تبقيش تسأليني عملت ايه فالتأشيره لغايه ما اعملها قلتله اوك و انا حاسه انه كلمني بس عشان يبينلي انه زعلان مني قوي وحتى مش طايق يسمع اسمي ولا صوتي وقالي انا حقفل عشان حطلع مع صحابي وحكلمك بعدين

ولا كلمني ولا عبرني فقلت خلاص مدام هو سامحني انا محتاجه ابعد شويه مع نفسي

وهو كمان ولا اتصل بيا ولا عبرني


نسيت اقول انه انا عروسه جديده وجوزي سافر بعد الفرح على طول وبقالنا شهرين بعاد عن بعض



عفواً تم تعديل العنوان ليتضح المضمون /الاشراف

وعليكم السلام ورحمة الله وبركاته


معليش يا عروسه .. هذا درس وتعلمتي منه


اياك ثم اياك ثم اياك تشككي بتصرفات زوجك قدام الناس

مش حلوة بحقك ابدا انه صديقتك تحس انه زوجك يكذب عليك

زوجك معاه حق .. ولا تخافي هو بس يهددك علشان تتعلمي من الخطأ وما تكرريه

اتركيه شوية وبما انك اعتذرتي وقالك سامحك .. خليه يرووق على الآخر هو بس مجروح حاليا ومحتاج وقته


لا تتخنقي ولا شي .. اكيد الواحد لما يبعد عن عروسته حيكون مشتاق لها موت وزوجك باذن الله يحاول جهده لاستقدامك ولا تستعجلي .. يا اختي الحبيبة الحصول على التأشيرات ليست بالسهولة التي تتوقعيها .. مع الازمة الاقتصادية مافيش وظائف والهجرة للعمل اصبحت اكثر صعوبة


شوية صبر منك بارك الله فيك .. واغدقي عليه بالحب والدلع والمدح وباذن الله رح ينسى مع الأيام


انا متأكده انك تعلمتي الدرس كويس .. ومرة ثانية .. اموركم الخاصة خليها بينكم


وفقك الله

__________________

تسلميلي يا رب يا حبيبت قلبي وبجد كلامك ريحني قوي

والله عشان انا كمان عليا ضغط لانه الفتره دي كلها ولسا مبعتليش فمخنوقه

على فكره يا جماعه جوزي اتصل بيا واتصالحنا الحمد لله

بس حاجه غريبه حصلت معايا انه رغم حبي ليه وشوقي ليه مش بقدر اكلمه زي الاول

ببقى مشتاقه اتكلم معاه بس اول ما اتكلم بتكلم ببرود خالص يعني اقله عامل ايه وعامل فالشغل وبس ببقى ساكته

واول ما بيقفل بندم اني بتعامل كده بقالي يومين على الحاله دي

اللي مخليني كده انه لما اتصالحنا قالي متبقيش تسألي حد ولما اقلك حاجه يبقى قفلنا ومتسألنيش على تأشيره ولا اي حاجه غير لما ربنا يسهل واقلك تعالي

طيب انا لو مسألتهوش حسأل مين؟؟؟يا ريت تنصحوني اعمل ايه

الحمد الله انكم تصالحتم حبيبتي

بالنسبة لشعورك طبيعي لانك كاتمة شيء بصدرك ومش قادرة تعبري عنه

لكن نصيحتي اطيعيه ولا عاد تسأليه عن التأشيرة .. ومع مرور الأيام رح يرجع يكلمك عنها عادي وبتشوفي


ربي يوفقك يا رب

__________________

حبيبتى حاولى تنسى الموضوع لانه حيكون لفترة مؤقته وبعدين حترجعوا زى الاول واحسن وحتى انا جوزى احيان من كثر الزن عليه فى موضوع واسالتى الكثيرة ممكن نتخانق ويقولى ماتسالينى عن الموضوع مرة تانيه وازعل وانقهر وبعد كام يوم نرجع نتكلم تانى بالموضوع عادى بس الفرق عندك انكم لسه بعيدين عن بعض حاولى تقربى منه اكثر وتظهرى له ثقتك الكبيرة به وان شاء الله بمجرد ماتكونوا مع بعض كل شئ بينكم حيذوب ويكون افضل بكثيررررررررر

__________________
اللهم بارك لى فى اولادى وزوجى وعوضنا خيرا مما فقدنا

اه الصراحه كاتمه قوي و والله مخنوقه جدا

اسفه بجد بس والله معنديش حد احكيله ولا نفسي احكي لحد من اهلي على اللي بيحصل

ايوه يا تررا والله انا عارفه وبرضو موضوع البعد ده مأثر قوي

يعني لو كنا قريبين من بعض حيكون عادي لانه ممكن بكلمه ولا تصرف وترجع المياه لمجاريها

بس ساعات بحس انه مش مهتم لانه اصلا كان عنده فرصه يبعتلي بس مبعتش وااخرها ودلوقتي عارفه انها غصب عنه وده بجد مخليني مقهوره

كمان ضغط الاهل وكلام الناس وهو عارف انه الكل حيتكلم لانه طالت الفتره و انا والله بقيت مقهوره ومش عارفه اعمل يه

اه ساعات ببقى زنانه بس والله غصب عني