بسم الله الرحمن الرحيم
السلام عليكم ورحمة الله وبركاته
بعد فترة من الخطبة (كتب كتاب ) قرابة الثلاثة شهور وصلت إلى هذه المراحل:
- خطيبتي بعد شهر ونصف من الخطبة تقريبا هي (كما أخبرتني وكما كنت أشعر ) غير مقتنعة بفكرة الزواج وهي مترددة في ذلك جدا ، فهي تقول عن نفسها أنها مختلفة عن كل البنات في كل تصرفاتها.. وأحيانا لا تشعر أنها مخطوبة (معقدة حالها على قولتها) مع أني بحاول وحاب أعيش معها أحلى الأيام من حب وطمأنينة ....
- ولكنها في أحيان اخرى تقول إنها لا يمكنها العيش بدوني وأنها تعلقت بي واعتادت أن أكون معها يوميا وتطلب مني عدم الاستغناء عنها مهما كانت الأسباب.
- خطيبتي تحاول فرض شخصيتها وأنا من الأشخاص الذي لا أحب ان أزعج أحد أو أحد يينزعج أو يزعل مني ، يعني مثلا هي تمتلك القدرة على عدم الرد على مسجاتي لما تكون زعلانة أما أنا مستحيل مهما سببتلي من أذى بصبر وما بحب أزعلها ، كثير من الأحيان بتغلط بحقي أنا بتجاوز عنها وما ببينلها شي ، علما لو أني غلطت معها بنفس المواقف لكانت زعلت
- بس هي بتزعل وبتروق بعد فترة ( هيك بتحكي عن حالها )
- في مرة من المرات ( المرة الوحيدة يلي طلعنا فيها وتمشينا ) قالت لي خايفة تكون نهاية علاقتنا الانفصال ، أنا حاولت أقنعها وهي حست حالها آذتني كثير واعتذرت بس قالت هم ونزاح عن ظهري بعد ما حكيت معك هيك...
- أنا بطلت أعرف حالي بحبها أو ما بحبها مش عارف ليش هيك عم بعمل بحالي صرت احس حالي ضعيف شخصية ، مع أنو بفضل الله تعالى كللللللل الناس ( اهلها وأقاربها وأقاربي ) كل الناس بيحكولها "نيالك على خطيبك" حتى هي بتحكي هيك وبتقول للمقربين إلها حاسة حالي ظالمة خطيبي
- أنا كانت أحد أخطائي أني زودت العيار في وصف حبي لها من أول أيام الخطبة ، حتى انا كثر ما وصفت جمالها صرت اكتب فيها شعر وما كنت أعرف حالي شاعر قبل هيك  بس بتفاجئ أنها بتقلي تمسيح جوخ ، عارف حالي أني لازم ما بالغت هيك بس كنت مفكر انو هذا هو الشيء يلي بتحبه البنت ....... بس خطيبتي على ما يبدو عقلانية كثييير من النوع الموضوعي والعقلاني بامتياز.... وانطبق علي (كثرة الإمساس تفقد الإحساس)
- كل ما أقول لازم تثقل شوي وانت الرجل ولازم يكون إلك القوامة ( باعتدال وبالمعروف والإحسان) بس ما بقدر أفارق صوتها يوم واحد... بخاف إني أطنشها شوي ، فتتركني ( انا مو عارف حالي ليش خايف تتركني!!!!!!!!!! محتاااااار)
كثير صرت أفكر بالانفصال ، يعني مو حابب تكون حياتي معها مجاملة من قبلها ( مع اني احترت فيها مرة بتقول بتحبببنييييي مووووت ومرات أخرى ما بحس بها الشي)
أفيدوني ، أثابكم الله أحسن الثواب

طيب هي وافقت بي اقتناع ؟؟



كانت مخطوبه قبل كده وخافت تتكرر نفس التجربه ؟؟

يمكن دا شعور كتير من البنات لمن ينخطبوا يخافوا من الانفصال ويمكن مشاعر عادية لانوا لسه ماتعرفوا بعض كتير ان شاء الله المخطوبين او المتزوجين يفيدوك

بالتوفيق يارب والانفصال عنها اكيد مو حل الحياة يبغالها صبر وتفاهم

__________________
ياررب ارح قلبي وعوضني خير

اهلا بك اخي بالمنتدى بينا

بالنسبة لخطيبتك اشعر ان في مخها ان لا ثقة لاي رجل

ربما كانت نتأثرة بشي شاهدته في التلفزيون او كلام صديقاتها او انها تشعر ان الرجل لا يتكلم كلام حلو الا لشئ يسعى له او لمصلحة ما



لا ادري كم عمرها ؟ لكني اشعر انها مدللة وخايفة من اعباء ومسؤليات الزواج لذا فهي مترددة وخائفة


فهي تقول عن نفسها أنها مختلفة عن كل البنات


لا تفسير لهذا الكلام من وجهة نظري الا بشيشئن الاول شايفة نفسها يعني مغرورة

او الثاني انها تريد ان تثبت لك كم هي محترمة ومتربية ومحافظة غير كل البنات يعني تعبير عن الكمال

اكيد لازم تعرف انها مجبرة عليك او لا وهي الوحيدة القادرة على الجواب


الله يوفقك يارب

بسم الله الرحمن الرحيم
أشكركم على التفاعل معي....
خطيبتي عمرها 21 وانا عمري 23 سنة
هي لم تكن مخطوبة لغيري من قبل ،
بس هي بإمكاني اسميها مستشارة أسرية ، يعني بتساعد كل المحيطين فيها على تخطي مشاكلهم الزوجية
وأنا بشهد إلها بها الشي... ( وهي أحد الاسباب يلي خلتني اختارها)
فيمكن من كثر المشاكل يلي شافتها من الآخرين كرهت فكرة الزواج
هي من النوع المتردد ، هي تقول : أنا مو عارفة ليش عاملة بحالي هيك....
هي مترددة ، تخبرني أنها أثناء الاستخارة عندما تقرر الرفض ترتاح ، وعندما تقرر الموافقة يضيق صدرها ، ولكنها لا تعرف لماذا وكيف وافقت ؟؟؟!!!!!
لا أبدا ، أصلا هي ما كانت مقتنعة بفكرة الزواج ( يعني كانت تعتقد أنها ما رح تتزوج أبدا )

نعم هي مو حاسة انها مخطوبة ، وبتحكي انها ما عم تحس بالفرح يلي بتشعر فيه البنات لما ينخطبو
أنا بتقلي مااااااااااا في منك أبدا ، بس المشكلة فيني انا ، هيك هي بتحكي عن حالها
وأبدا هي مو مغصوبة على الزواج ، وهي صاحبة قرار بأسرتها يعني ما حدا بيقدر يجبرها على شي مطلقا
لا أختي ، قصدها من حبها إلي ما عاد تقدر تستغني عني 
رح احاول أقطع الاتصال لمدة أسبوع إن شاء الله ،
والمشكلة هي بتعررررففففففف عيبوبها
واعتقد أني لما رح اصارحها بأني ارفض ترددها ، وأصارحها أنها عايشة معي مجاملة رح يكون جوابها " نترك بعض ...."
هي لديها قوة شخصية ( ولكن ليس لدرجة الغرور ، أحيانا أفسر أن لديها عقدة نقص في هذه الناحية....)
هي تعني بالاختلاف ( لماذا لا تفرح مثل باقي الفتيات بخطبتها ........ وهيك شي .... مستغربة من حالها),..

لا ان شاء الله ماراح تفسخون الخطوبه
بس انت حاول تفهم سبب خوفها وترددها
حاول تحتويها وتحسسها انك غير عن الرجال
انك ماراح تتخلى عنها ابدا
مهما صار حتى لو طلبت منك فسخ الخطوبه
لاتطاوعها بين لها تمسكك فيها
ورغبتك بانها تكون زوجتك هي بتحبك
بس خايفه من المستقبل
ممكن من التجارب الي شافتها قبل
صار عندها عقده
الله ييسر امرك اخي ويهدي لك زوجتك

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

انا دائما بحاول اوضحلها هي الفكرة
ورح أحاول أكثر..... وأكثر
لأني فعلا بحبها ومابدي استغني عنها

تماما هي خاااايفة من المستقبل
وكل تصرفاتها عم بتكون احتياط للمستقبل
مثلا ما بدها تعودني على شي ، وبكره تندم عليه

زي ماتوقعت هي بتخاف
من انها تعمل شي وتندم عليه
لازم تحاول تغيرها
انت خلها تحبك بعدها راح تقتنع
باي شي تقوله راح ينتهي خوفها
بس لازم صبر منك
الله يساعدك

__________________
‏​‏‏​‏يَحيا المؤمن بيَن أمرين + ( يسر وَ عسر ) ، وَكلاهما " نِعمة " لو أيقَن !ففِي اليسر: يكون ☇ الشكر ♥ [ وَسَيَجْزِي اللَّهُ الشَّاكِرِينَ ]*وَفي العسر : يكون ☇ الصَبر ![ إِنَّمَا يُوَفَّى الصَّابِرُونَ أَجْرَهُمْ بِغَيْرِحِسَابٍ ]

أدعولي الله يجعل بيني وبين خطيبتي مودة ورحمة
ولا يجعل الشيطان ينزغ بيني وبينها
ويصلحها لي ويصلحني إلها
وابني انا وياها اسرة مسلمة يفخر فيها الرسول
صلى الله عليه وسلم

آميييين يارب العالمين


ربنايسمع منك ويحققلك كل ما ترجوه اخي