المشاركة الأصلية كتبت بواسطة j.h.a

السلام عليكم

بحاول اختصر لكم قد ما اقدر


مخطوبه من شهرين لشخص يمدحه الوالد والي حلوله ( محافظ - غير مدخن - جامعي - نسب مرموق - معرف بالاخلاق الحميده - )
لحد هنا تمام

طبعا امي ودها أني متزوجه من 18 سنه وحاليا عمري 22 والعريس 26

الامور الي احس تعبتني وانا افكر فيها وتعبت معاها ..

كارهه فكرة أعيش بقية عمري مع شخص وناس أغراب علي .. لاتقولون لي منتى اول وحده واخر وحده تتزوج احد ما تعرفه صحيح لكن انا منغلقه ..
مافهمت انك منغلقه يعني ايش منغلقه انتي مقتنعه بشي مستحيل تغيرينه قناعتك سلبيه
اوضح لكم اكثر انا الكبير في العائله والله ما اكذب عليكم ما عرفت امي الا من بعد كم سنه تقريبا من بداية الجامعه وحتى الان ما وصلت لدرجة افهمها وتفهمني بوضوح في امور مشوشه كثيير بعلاقتنا
ليش وين كنتي كل السنين الي راحت في كثير علاقتهم مشوشه مع امهاتهم حتى الي يعرفونهم من زمان

لكن الي بقوله ما صدقت انسجم مع امي وابوي واخوني كبرو وتعدلت امي معاملتها لانهم كبرو ..اجي الان بكل سهوله وارجع اعيد معاناة التأقلم مع أوادم ثانين ..
زي ماتاقلمتي مع اهلك ان شاء الله راح تتاقلمين مع الشخص الي بيتزوجك ماتدرين يمكن تحبين حياتك وتتمنين انك من زمان متزوجه بس قناعتك السلبيه هي الي راح تاثر عليك

وانا كثير اجامل وامسك نفسي ومهما اشوف من امي لكن ما كأن شي صار ارجع بعد مده قصيره ولاكن شي صار يعني قد ما تقدرون متحمللللله كله لانها امي واهلى ومالي غيرهم وهم بعد مايأخذ ربي أمانته بيقومون بعزاي ويذكروني بالخير ويدعون لي وانا بنتهم مهما كان ..
اهلك ولازم تتحملين هذي صح بس ماتوقفت الحياه على كذا لازم تعيشين ويكون لك دور في حياتك ماتتركين كل شي ياثر عليك


بعد ما قررو يزوجوني حسيت انهم يكرهوني شلون يطاوعهم قلبهم .. أعرف امي بتزوجني وترتاح على كلامها البنات هم ودئما تتضايق من تصرفات الوالد معي لانه يحن علي ولي مكانه بقلبه كثير ..
ليش يكرهونك عشان بيزوجونك بالشاب الكفو الي تقدم لو شاب مو كفو كان قلت معك حق تحسين هذا الاحساس ويكفي ابوك معك الله يخليه لك

بس عشان تكونون بالصوره قبل امس جالسه اسولف مع الوالد ونتكلم عن امي وان اخوانها هاليومين من بعد وفاة ابوهم وهم ضاغطين عليها وكذا .. وانا اقول ايه والله مسكينه الله يكون بعونها ويسخرهم لها والا وهو يقول سبحان الله شي غريب قلت وشو قال من فتره مسكت جوالك واشوف اسم الغاليه قلت منهى هالغاليه عند بنتى الا وهو رقم امك قلت ايه عادي .. قال لا انا كنت احسب انك تكرهينها من كثر ما ....

لاشعور دمعت وهو بعد مع بس ماحب انتبه له .. قلت له الله لا يخلينا بس اذا دمعت لاني ابي ذكريات حلوه فيها حنيه ام على بنتها ..
كم ام قاسيه على بنتها بس مو معناها انها تكرهك يمكن فيك شي مو راضيه عنك تبغى تغيره فيك بقسوتها
اكثر الأشياء الي تضغط على اني ما الغي الزواج انه (احلى شي بالولد مايدخن) + امي تنبسط وتتهنى بحياتها وانا بعيده عنها (قبل ما يجي هالخطيب جابت لي خرابيط وقالت تسبحي فيها على وقت المغرب حتى اذا احد فيه عين فيك تروح وش ذا كل ما جانا احد لازم يصير شي ويتفركش الموضوع ) + الوالد مبسوط من الولد مره حسيت بالثقه شوي .
امك مهتمه فيك وخايفه عليم من العين وهذا دليل حبها لك والولد لاتفوتينه دام ابوك مرتاح له ومواصفاته تمام

عند امي كل البنات احسن وازين واسنع مني الله يهنيهم بس الي يقهرني مافي زين يعجبها فيني الا تطلع عذروب بكل شي ..
صدقيني مو انتي الوحيده الي تعانين فيه كثير امهاتهم تعاملهم مع بناتهم اشين من كذا بس مو معناه الكره بالعكس امك تبغاك تكونين احلى من كل البنات لاتخلين قناعتك بان امك تكرهك تصدقين انها تكرهك
مافي ام تكره بنتها


احب يكون عند اطفال واربيهم وابدع في تربيتهم ويكون زوجي خلوق واعيش حياة حلوه .. بس احب اخواني الصغار تعلقت فيهم بقووة واحد مهم من صغره ملازم لي .. اعشقهم هم اكثرمن 5 ..

خلاص وافقي وان شاء الله ربي يرزقك بالاطفال الي تعيشين معهم زي ماتبين والزوج الحنون الي يفهمك واخوانك ماراح تفارقينهم راح يظلون اخوانك

الان الوالده كل همها في زواجي تسوي عرس يتكلمون عنه الناس ولو علي لاعرس ولايحزنون ماله داعي هالخساير .. و برنامج العروس جالسه تصممه وكل ماقت شي عارضت وسوت الي تشوفه ماقلنا شي بس تعطيني وجه على الاقل لكن انا السبب دائما ساكته وما اعارض ولا ابدئ وجة نظري يعني الي مثل عمري وبكر امها تكون صديقه لها لا انا احس علاقتنا اندمرت لان الوالد يعاملني بشكل مميز بس طبيعي بنته بكره مافيها شي عموما اشهر القابي " جارتي " .
حاولي يكون لك راي شخصي ماتسكتين على اي شي شاوري امك بس لاتسوين الا الي انتي مقتنعه فيه خلي لك شخصيه مستقله

مدري حسيت بنفجر من الي فيني احس بسون جريمه بتزويجي .. وصعبه اسولف على خواتي او اخواني بعد هذي امهم وخصوصا انهم ممكن ما يصدقون لانها تعاملهم معامله مختلفه بتاتا عن معاملها لي لكن طبعا بدون حضورهم و احيانا بحضوره بس تكون مدسوسه مايفهمونها.. في لازم يبان امي تقدر الناس بشكل مهما قالت عكس وانهم اخر همها ..
اختي انتي مكبره الموضوع شوي
امك تحبك بس قاسيه في التعامل لسبب لازم تعرفينه
لازم تغيرين من نفسك وتثقين في نفسك وفي الي حولك


احس اني مليانه عقد و اخاف اذا خذ هالولد يتنكد بسببي وطبعا بكل تأكيد تربية الشخص لها دور في تكوين شخصيته و.. او اجيب اطفال واتعبهم في هالدنيا او اكون مجامله وممثله على زوجي واحافظ على نفسي كما الوضع في بيت اهلي .. ابغى ازعل واعصب واعبر وافرح واضحك متى ما اشتهت نفسي .. يعني انا اكبرممثله من لما اطلع من غرفتي مع كل من حولي من اهلى واعمامي وخوالي والبنات الي بسني .. انكشف اذا شفت وجهي بالمرايه وطالعت عيوني تخنقني العبره والله على حالي بهالدنيا ..

ان شاء الله مافيك اي عقد انتي بتجيبين عقد لنفسك اذا استمريتي على نفس الطريقه الي انتي عايشه فيها


كتبت لكم بدون ترتيب للأفكار او الجمل " تغرق عينوني في بعض الجمل فلا ارى الشاشه بوضوح لكن استعين بذاكرة حفظ اماكن الحروف " ولا عندي هدف اساسي من كتابتي لكم لكن ودي اقول يقالي ونقول حتى ما افضى من كل هالامور .. والي عندكم متقبله
لازم تحددين لك هدف في الحياه وبعدين تمشين عليه
لازم تغيرين من نفسك وتحذفي قناعاتك السلبيه واحساساتك الخاطئه الي راح تدمرك
لازم تفهمين امك وتفهمك وتعرف ان بنتها قويه ولها شخصيه مستقله


شكرا لكم