الهدية التي لها بالغ الآثر في النفس

واوصى بها النبي صلى الله عليه وسلم

تهادوا تحابوا

وكان لايرد الهدية


- هل تذكر اوتذكرين هدية شريك حياتك التي كانت مؤثره في نفسك ؟
أو مفرحه جداً !
ولاتنسى حتى الآن !
وهل لازلت تحتفظ بها ؟
أم ذهبت أدراج الرياح !
وماهي هذه الهدية ؟
ومامناسبتها؟

__________________
وقل ربي اغفر وارحم

اهدتني ساعة وفرحة بوقتها والبسها اذا زرتها..لكن يضيق صدري بعدها لاني ماني متاكد من حبها ويمكن تجاملني..!!
تحياتـي..

أحتفظ بجميع هداياها ,, الغالية منها والرّخيص ,, فهي تعني لي ,, الشّئ الكثير ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

بفترة الملكة كنا ماشيين أنا و زوجي قدام محل

و شاف طقم أسود و اشتراه لي .. يعني قميص و بنطلون
شايلتها لحد دحين

و فستان كمان يوم سافر وقت الملكة لجدة ، جابه لي
شايلته برضو لحد دحين

الصراحة اول من تزوجت ما عطاني اي هدية

حتى يكون الملجة

بس الحمدلله من يينا لندن هداياه وايد

ومن ضمن الهدايا - اللي انا اعتبرها هدية - الورد


جعله الله قرة عيني لي وجعلني قرة عين له

__________________
لا اله الا انت سبحانك اني كنت من الظالمين

عن نفسي لااتذكر هدية جميلة اثناء زواجي

__________________
وقل ربي اغفر وارحم

موضوع جميل وشيق
بس فاتني لاني باقي ما
بس ان شاء لله قريب
احس اني إذا ما تزوج

دعواتكمبليز

__________________

كل هداياه ما أنساها.. ولها أثر بنفسي.. وخاصة لو كانت الهدية شغلة انا محتاجتها..

أو تحاكي فيها نفسي.. >>>>>>> ههههههه (ماصديقنا إلانا)

مثل الاي فون كان خاااااااااااااطري فيه بقوة .. وكنت أفكر أني أشتريه..
بس كنت توي راجعة من السفر.. وصرفنا لميييييين قلنا يالله العافية..

فيعني قلت اصبر شهر شهرين وبعدين اشتريه

وقبل ما أتم الشهرين.. كنت ببيت أهلي.. ومر علي زوجي راجعين للبيت..
وكان مسسسسسسرع
قلت له شفيك ؟
قال مافيني شي..

وأول ما دخلت البيت
ولا الشموع مولعة.. وكاتب لي إذا أكلتي عشاك كله.. في شي حلو ينظرك بدورة المياه

وأنا طول ما أكل أفكر وش ممكن يكون هذا الشي!!!
لا وبالحمام بعد!!

خلصت أكل ورحت بسررررعة لدورة المياه..
ولا ألقى ورقة كاتب فيها >>>>> هههههههه نكبتك مو هنا تلاقيني بغرفة النوم

دخلت غرفة النوم وألقى الاي فون على التسريحة وااااااااااااو أيفون طرت من الفرح ..
قلت له عاد تصدق كنت ناوية أشتريه خلال الشهرين هذي
قال أدري وكنت سامعك وانتي تتكلمين مع أخوك عنه وعرفت انه خاطرك فيهوعشان كذا استعجلت فيه قبل لا تاخذينه انتي..

فديته وفديت عيونه الله لايحرمني منه..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

بصراحه كل هديه لها معنى غير في حياتي

الله يخليه ليا و لا يحرمني من حنانه

َ

__________________

أنا أول ماملكنا أهداني رساله وفي داخلها صوره له ومن واحد وعشرين سنه متزوجين ومازلت أحتفظ فيها لحد الآن وحملت بأول حمل لي بعد ثمان سنوات من الزواج ولما ولدت بأول مولود لي بعد طول إنتظار أهداني طقم ذهب فخم وغالي أحضره لي وأنا مازلت داخل غرفة الولاده ماطلعت لقسم التنو يم جابه لي بدري لدرجة حتى الدكتوره قالت لزوجي بكير علا الهديه ياباشا ليش العجله خليها بلأول تصحصح ومازلت أحتفظ بهاذا الطقم إلى الآن بالنسبه لي أنا أهديته خمس عيال ثلاثة أولاد وبنتين ويكفونه وش عاد يبغى من هديه أعطيه مره شريت له قلم بعشرين ريال وهو فصل ثوب معاه للعيد بحدود 180ريال وأعطيته القلم وحطه بالثوب وطلع الحبر من القلم وعدم الثوب كامل ومره أعطيته ساعه ضيعها ومره أعطيته كبك ثوب ومسبحه كبك الثوب طيح واحد وماحصلناه وبقي واحد
بلعه واحد من عيالي ولولا قدرة الله كان راح فيهاوالمسبحه علقها في مراية السياره وجت وحده من بناته تعلقت فيها وقطعتها ومع قطعتها إنقطعت كل الهدايا إللي أقدمها له ولجأت لهدايا أخرى أهديها له أخذ له أشمغه وثياب نوم وحصرت نوعية الهدايا في الملابس والعطور طبعا آخر مره أهديته بعيد الأضحى عطر إسمه خاص من العربية للعود
قيمته 300ريال وهو أهداني عطر كوكو شنيل العلبه الكبيره أظن سعره 500 ريال طبعا هاذي آخر هداياه في عيد الأضحي كانت وبصراحه زوجي دائما يهديني وتقدر تقول يوميا بس هدايا خفيفه مثل مرة حبة سنكرز ومره كيندر ومره فليك ومره جلكسي ومره توكس وأحيانا بايسن أو كود رد أو موسي وهداياه ماتنقطع الله يحفظه يحطها بجيب ثوبه ويعلقه ويرسلني أجيبها من جيب ثوبه كأني واحد من عياله
والسنة اللي فاتت أهداني جوال قيمته 2500 ريال وأنا أهديته جوالي إللي كنت مستخدمته بعد ماجاب لي جوال جديد هديه من عنده وأبشرك الجوال إللي أعطيته طاح من جيبه في الحمام وأنت بكرامه وصار فيه شطب بالشاشه واضح للعيان بس مازال تدب فيه الحياة .
أخي الكريم غايتي الرضا بارك الله فيك على هاذا الموضوع الطيب والشيق وأنتبه تكسر وتضيع هدايا زوجتك ترى يصيبها إحباط نصيحه لك حتى لو أهدتك زجاجة عطربعد مايخلص العطر من الزجاجه
إحتفظ بها في أي مكان وجزاك الله خير ياخوي وبارك الله لك في زوجتك وبارك الله فيك لزوجتك وجعلكم من أسعد الأزواج يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله