السلام عليكم ورحمة الله وبركاته

انا ودي اشكي لكم يا ناس حالي

انا بنت عمري 20 متزوجة لي 3 سنوات تقريبا
مشكلتي ان زوجي في الفتره الاخيره احس انه معاد صار يشتاق لي ولا يعبرني اذا سافرت وخليته
يعني يجلس عني مايكلمني كل يوم

ولين عاتبته يقول انتي وش تبين انشب لك في التلفون 24 ساعه
ومن هذا الكلام

لاه واستقبال لي عادي وبارد جدا
تخيلوا مره كان غايب عني شهر كامل تقريبا ويوم رجع من السفر مالمسني بحجت انه تعبان الا بعد بيوم
لاه وعلى طول يمارس حياته الطبيعيه
يعني مايقول لا والله انا من زمان عن زوجتي ولازم اعطيها على الاقل يوم او يومين من وقتي لا
على طول يركض لأصحابه وكل يوم سهر

انا تعبت جد تعبت ابي احس اني انثى
ابي احس بحنينه لي
مع العلم اني جميله ولله الحمد وماعندي اولاد تقولون يمل او ينزعج مننهم ابد

انصحوني وش اسوي معاه
انا جد تعبانه نفسيا
تصدقون اني فقدت الثقه في نفسي من كثر ماهو متجاهلني
احس انه عادي عنده لو يجلس عني شهرين 3 او اربع شهور بعد
بليز انصحوني

انا بأمس الحاجه للنصيحه

في انتظاركم

اختكم في الله
pretty girl

حبيبتي ممكن عرف ليش ما عندكم اولاد لليوم اي بعد 3 سنوات زواج!!!!!!!!!
وكم عمر زوجك ؟

__________________

حبيبتي اغلب الازواج كذا بعد كم سنه من الزواج يشتاقون لحياة العزابيه ويبدون يبعدون عن الزوجه

الحل انك تتركينه على راحته...وتنشغلين بنفسك....حاولي حاولي حاولي بقدر المستطاع انك تنشغلين بدراسه او عمل اواي شي...
وحاجه ثانيه انتبهي الى علاقتك معه بالفراش يمكن فيه حاجه تضايقه..من نظافه او اهتمام اوغيره..حاولي تتفننين معه بالفراش وتجذبينه له...والمصارحه حلوووه....وانصحك بمقالات استاذه ناعمه الهاشمي فيها نصائح ثمينه للمتزوجات..وطرق سحريه لكسب الازواج

__________________

يهمك تعرف اوضاعي *انا مستانس وطيب
انا مثل البحر تدري * يثور وتركد أمواجه
ابد لايزعجك حزني * تاكد خاطري طيب
حبيبي هذا هو طبعي *أحب الحزن وأحتاجه
وتسألني عن أوضاعي *أرد أقول أنا طيب
مع إني صدق في غيابك .... (لاطيب ولا حاجة) ..

اللهم حنن قلب زوجها عليها ...

__________________

حبيبتي زوجك ذاق طعم الزواج وخلاص صارت الاكله عنده روتينيه ورجع يفكر في ايام زمان اللي هي ايام ربعه ورفايقه
كل ماعليكي انك تجددي بحياتك بمواضيعك بالطبخ العبي معه إن شاء الله كيرم
خلو وقت للذكر والطاعات ابهريه بثقافتك
يمكن ينفع معه
لان لو تحطين مكانك بمكانه اكيد بتفضلين ناس يوسعون الصدر كل يوم لهم سوالف غير ومكان غير وشكل غير
الله في عونك

انصحك بأن تجددي من نفسك ولا تظلين حبيسة روتين معين وجامليه ولو بالكذب وابحثي عن الاشياء الخاصة جدا التي يعشقها وقد يكون قد افتقدها فيك

حبيبتي


أصابع يدك مو سوا


في رجال كثير مثل زوجك

مايعرفوا يعبروا عن حبهم ورومانسيتهم

مااعتقد ان فيه شي

بالعكس

وانتي جربي كمان تقابليه بجمود

يعني لا توريه انك مشتاقة ولك وحشة

يمكن لا شافك كذا يحس شوي

واصبري وإن شاء الله بيتغير

وياليت يدخل المنتدى ويتصفح فيه شوية

يمكن يتأثر


الله يوفقك انتي وزوجك ويسعدكم





تحيـــــــــــــــــــــاتي

__________________

اختي يمكن زوجك منزعج من قصة عدم وجود الاولاد؟
او ربما عملتي شي دايقو وانت مش ماخدة بالك
شوفي كيف وفكري
حاولي تهتمي اكتر بنفسك وتجددي هيك
واحكيلنا أديش الو بهالحالة؟
والله يوفقك يارب

__________________

حبيبتي والله قلبي معاك ..

الله يحنن قلب زوجك عليك..

اسمعي نصايح الأعضاء..

وادعي ربك كثير..

والله الدعاء يغير كثير من حياتك..

ادعي(اللهم حببني الى قلبه وحببه الى قلبي حبا يرضيك عنا,,

اللهم ادم الألفة والمحبة والرحمة بيننا,,

اللهم زدها وأدمها,,

اللهم اجعله قرة عيني واجعلني قرة عينه..

الله يعينك ويفرج همك حاولي تجددي من حياتك وياريت تنشغلي باي شي ولاتفكرين كثير وهو مرده لكي مهما يروح راح يرجعلك ولازم تشوفين سبب تاخر الانجاب يمكن هذا اللي مضايقه

__________________
اللهم اغفرلي ولوالدي وارحمني واسكني فسيح جناتك ياحي ياقيوم