بدايتن اهلا بكم لدي ملاحظة اراها بشكل مستمر وخصوصا بالسوبرماركت وسوق الخضار عندما يكون الزوج برفقة زوجته بعضهم لايهتم باللباس المناسب كأن يكون لابس ملابس النوم او ملابس غير نضيفه اومناسبه وبعكس المرأة المرافقه له تراها بلبس مناسب للمكان وكذلك يكون الدقن والشعر غير مرتب كمالوكان يتجول بحديقة منزلة وليس بمكان عام ياترى هل هذا يدل على ضعف شخصية الزوجه بحيث انها لاتقدر على تغيير من هذه التصرفات او عدم مبالاة بالوضع امامها انا احس بأنها محرجه من الوضع ولكن ليس بيدها شي وانا اقترح على الزوجه ان تحاول التأثير على الزوج بفضل النظافة وانه قد يصادف بالمكان قريب او صديق فيتكون لديه صورة غير مناسبة عنه واخير ارجو المشاركه بالموضوع ودمتم ...


اخوكم : ركاد

عندنا في الكويت الشرطة مرة أخدت واحد من سلطان سنتر عشان كان ماشي بالبيجامة
الغلطة أراها عند الزوجة اللي سمحتله يمشي بهذا المنظر

__________________

لانلقي اللوم على المرأة بشكل كامل . . .

فبعض الرجال يكون مسالم وقابل للتغيير والبعض الآخر بالعكس يكون عنيد ولايبالي حتى لولقي الإهتمام . . .

وشكراً..

__________________
ربي يخليك لي ويحفظك ياأغلى زوج بالدنيا كلها

عساني مانحرم منك ومن حنانك ياتاج رآسي

والله يالغاليه نوران الرجال عمره ماهوب ست او خمس سنوات

ويمشي على هوى زوجته انا ما انكر ان للزوجه دور ولكن اذا صار الرجال راعي عناد

ولازم يمشي الي براسه ولاتهمه هذه الامور

الاطفال الان مانقدر نجبرهم يسوون الشئ الي نبيه فما بالك بازواج راكبين روسهم

وعنديين

انا ارجع الامر للرجل بنسبه 70% فيه رجال مرتبين ماشاء الله لو يطلع برى عند باب

البيت تلقاه لابس لبس مرتب

وفيه رجال للاسف يتمشون بالاسواق بملابس البيت والله شكلهم مقزز اذا شفتهم

والبلا بعد اذا راحو يصلون كمان بملابس البيت

والدوائر الحكوميه لوما انهم حطو قوانين والا كان علوم

__________________

الحمدلله رب العالمين اتحداه يرح للدوام بهاللبس بس جيد على حرمته هالضعيفه
وما انكر ان يمكن يكون نفس الرجال مهمل وعندي ولايحب تفرض عليه حرمته شي
وبعض الاحيان يمكن المراءه تكون لامباليه بما يلبس زوجها خارج المنزل
والدليل انك لاشفت اطفالها تلقاهم مبهذلين الله لايبلانا فاذا ماهما منظر اطفالها
اكيد ماراح تهتم لزوجها الله يعين الجميع

__________________
احبـــــــــــــــ ياأمي ـــــــــــــــكِ

معاكم حق , لكن يمكن في بعض البلاد تضطر المرأة تسكت لأن لازم تخرج مع زوجها
لكن عندنا إذا شفته بمنظر كده حنزل من غيره أو أسيبه يموت من الجوع و لا انه ينزل كده
معلش قلبي قاسي لكن موضوع النظافة و الترتيب ده بالنسبة ليا مهم جدا و أقرف أرتبط بانسان غير نظيف و غير مهتم بهذه الأمور لدرجة إني ممكن لو اتزوجت بإنسان زي كده أعتقد اني حنفصل عنه إذا لم يعدل من نفسه في أسرع وقت
ربنا يهدي الأزواج جميعا

__________________

اشكر جميع الاخوات على المشاركه بالموضوع ودمتم ...

هذا الموضوع احيانا يكون محور خلاف مع زوجتي ولكن طبعا ليس على بيجامة او عدم تصفيف الشعر لأ

اكره عندما تملي علي زوجتي ما ألبسه وخاصة عندما تريد دائما ان تجبرني على لبس الغترة البيضاء وانا اكره لبسها لانها خفيفة وغير متماسكة ومعرضة للاتساخ بعكس الشماغ الاحمر اللي احبه
ايضا تريدني ان ارتدي ما تشتريه هي من (ذوقها) من قمصان ولكن المشكلة ان الالوان اللي تختارها لا احبها فهي تميل قليلا الى الانوثة والالوان الفاتحة
مشكلة زوجتي ايضا انها حتى في ملابس الطلعات والشاليه والبحر والكشتة تريد ان تختار ما البسه وانا اعبر لها عن امتعاضي وكثيرا اطنشها
يعني مرة من المرات كنا راح نروح على عزيمة بمطعم اختها وزوجها عازمينا والحت علي الا البس دشادشة وغترة وعقال مع اني اعرف عديلي لا يحب الغترة والعقال وكنت حاط في بالي انها طلعة كاجوال وغير رسمية وخاصة ان بعد العشاء بنروح السينما ................. المهم بعد الحاح منها وحنة ورنة ( وبكاء ) وتهديد بانها لن تحضر معي وانا علشان الفشلة اضطريت الى التنازل ولبس الغترة والعقال والدشداشة ................ز طبعا كيفت بنت الحسن والدلال بالطلعة واستانست رغم اني كنت متضايق لاني اكتشفت لاحقا انها كانت في تحدي مع اختها انهم يقنعون ازواجهم بلبس الغترة والعقال


اللي ابي اوصله خواتي الكريمات هو ان الرجل يحب ان يلبس ما يعجبه وليس ما يعجبك انتي ان اردت ان يلبس الرجل ثيابا قد ترين ان ذلك يسعدك في لبسها ارجوكي ( اقترحي عليه ) لباسا معينا لا ان تطلبي ذلك

بالنسبه لي زوجي يكره لبس الشماغ او الغتره والله شي مضايقني,,,اقوله ليش يقول اتضايق منه وبعدين كل زملائي مايلبسونه ومره وانا طالعه من البيت لقيت زميله عند الباب وكان لابس شمااااااغ!!!!واخوه يلبس وابوه ,,,واهلي يستغربونه ,,,وعجزت اقنع فيه يبتسم ويسكت مايرد,,,,حتى عيد الفطر اللي راح ترجيته ترجي عشان يلبسه وآخيرآ لبسه نااااااااادر مايلبسه ....هل هذاشي عادي يارجااااال ماأعتقد...وهذا يهمني كمظهر له...الله يكون بعوني...

جيت على الجرح

والله هذي المشكلة انا اعاني منها شخصيا

زوجتي ماتقصر لكن احس ان الموضوع نفسي

اتمنى اشوف بعض الخطوات لتلافي مشاكل مثل هذي