الدليل الشامل لجزيرة كوسوماي التايلندية - منتدى عالم الأسرة والمجتمع

06-07-2006, 11:26 AM

القانون

عضو جديد

تاريخ التسجيل: Jun 2005

المشاركات: 29

الدليل الشامل لجزيرة كوسوماي التايلندية

جزيرة كوسوماي ثاني اكبر جزيره بتايلند بعد جزيره بوكيت وتقع فى جنوب تايلند بخليج تايلند خليج سيام
وتتميز الجزيره بمنتجعاتها الجميله الخمس نجوم واقل والشاليهات الراقيه جدا وتعبر اغلى المنتجعات فى تايلند وارقاها
وشواطئها الهاديه عكس شواطئ بوكيت الى كله امواج و كوساموي شواطئها اهدا من بوكيت لانه موقعها داخل الخليج وحاميها من امواج المحيط وبوكيت على بحر اندمان والمحيط الهندى

وكذلك تتميز بالهدوء والسواح العرب قليل الى يروحولها واكثر السواح الى فيها اجانب
ومساحة الجزيره تقريبا 60 كلم وتقدر تلفها كلها بيوم واحد وتزور شلالاتها وغابات اشجار جوز الهند اوالمعابد والحدائق وتستمتع بطبيعتها

والجزيره فيها الكثير من المطاعم التايلنديه والعالميه ومطاعم السى فود وكذلك مطاعم الوجبات السريعه مثل برجر كنج وماكدونالد والمقاهى مثل ستاربكس وغيره
واغلبهم يتركزون فى Chaweng Beach

الى يعتبر اكبر شاطئ بالجزيره ويتركزون فيه اكثر السواح وراح اتكلم عنه بروحه

طبعا جو الجزيره مثل جو دول شرق اسيا مطر ورطوبه وحر

ويعتبر الموسم المفضل للجزيره وعموم تايلند من اخر شهر عشره الى اول شهر 6 والهاي سيسن هوه من نص شهر 12 الى نصف شهر فبراير وبهالوقت لازم تحجز قبله تقريبا بشهرين علشان تحصل لك حجز بالفنادق لانه راح تنترس من السواح من كل دول العالم

والاحتفالات والمناسبات بجزيرة كوساموي مثل الى فى تايلند لاكن الى الى يميزها عن غيرها انه عنده احتفال خاص بالجزيره اسمه
Full Moon
وهذا كل شهر عندهم لما يكتمل القمر يسوون احتفالات بس لازم تعرف التوقيت اى يوم يصادف ويكون مكانه فى جزيره Koh Phangan بشاطئ Haad Rin Beach
طبعا هالاحتفال مايصلح للعوائل نهائيا لانه نظامه كله حفلات اغانى ورقص بالليل يبداء

خريطه كوساموى

والوصول لى جزيره كوساموى بعده طرق واسهل طريق وافضلها الطيران والباقى عن طريق البحر من احد الموانئ الى بالمدن التاليه

Chumpon او Khanom او Pathiu او Ban Don

وهل موانئ توصلهم بالباص او تاكسى او القطار الوسيله الى تختارهم

خريطه طرق الوصول للجزيره

************************************************** *******

الشواطئ Beachs

وهذى بعض اهم الشواطئ الى بالجزيره

Chaweng Beach

Chaweng Noi Beach

Lamai Beach

Boh Put Beach

Bang Po Beach

Mae Nam Beach

Taling Ngam Beach

Thong Krut Beach

يتبع .......

06-07-2006, 11:27 AM

القانون

عضو جديد

تاريخ التسجيل: Jun 2005

المشاركات: 29

واكبر شاطئ بالجزيره هوه

Chaweng Beach و Chaweng Noi Beach

والاثنين يم بعض ويعتبرون شاطئ واحد وهذا الى يتركزون فيه اكثر السواح والفنادق

لاكن Chaweng Beach هو الى يتركزون فيه المطاعم والكافيهات ويعتبر هو المركز

والشاطئ الى من بعده هوه Lamai Beach ويبعد عن Chaweng Beach تقريبا 10 دقايق وهم تكثر فيه الفنادق والمنتجعات واهدا من Chaweng Beach

******************************************

الجزر Islands

بالقرب من جزيره كاسوموى يوجد بعض الجزر الصغيره القريبه

ويوجد ايضا جزيرتين كبار هم

Koh Phangan Island

koh tao Island

وتقدر تطلعلهم رحلات وكل جزيره تاخذها بيوم كامل والا الثنتين بنفس اليوم لانه بالقرب من بعض والاقرب هي
Koh Phangan Island

وبالجزيرتين عده انشطه تقدر تمارسها مثل الغوص والسنوركل والكثير من الرياضات البحريه واستكشاف الجزيره

والمكاتب السياحيه تسوى عروض لى زياره الجزر واكثر من برنامج يتخلل الرحله

يتبع ......

الاماكن والرحلات السياحيه

مثل ماقلت بالسابق جزيره كوساموى جزيره صغيره تقدر تلفها كلها بيوم واحد وتزورالاماكن الى فيها وهالخريطه تبين الاماكن

يوجد في جزيره كوساموي 3 شلالات هم

Na Muang 1 Waterfall
Na Muang 2 Waterfall
Hin Lad Waterfall

وهذى خريطه تبين اماكنهم

وعندك بعد تقدر تروح غابات جوز الهند وهالغابه فيه اكثر من مليون شجره

ومكان الغابه بالخريطه مبين

Magic Garden او Secret Buddha Garden

حديقه فيها تماثيل تصعدلها الجبل

وهذا موقعها

يتبع .......

06-07-2006, 11:28 AM

القانون

عضو جديد

تاريخ التسجيل: Jun 2005

المشاركات: 29

ومن الرحلات الممتعه بالجزيره رحلات السفارى

وهذى الرحلات تقدر تفتر الجزيره وتشوف شلالاتها وغاباتها سواء كانت بسيارات جيب

او بالفيله

ورحلات قوارب التجديف وهذى تقريبا باغلب رحلات الجزر موجوده تركبها وتستكشف فيها الجزر والكهوف

طبعا غير الرياضات المائيه الى تكون على الشواطئ مثل الجت سكي

او ركوب البراشوت والسكى

وطلعات الحداق صيد الاسماك ويعلمونك انواع الصيد وتقدر تصيد اى نوع تبيه من الاسماك حتى اسماك القرش تصيدهم

ورحلات الغوص تحجزها من مراكز الغوص المنتشره بالجزيره او المكاتب السياحيه

ومواقع الغوص كثيره الى بالجزيره وهذى خريطه تبين بعض المواقع

يتبع .......

Temples المعابد

والمعابد كثيره بكاسوموى والواحد يروح يشوفها ويتطمش عليها ويستكشفها ويحمد ربه على انه مسلم وتشوف شلون يعبدون اصنامهم والمبانى والاثار

ومن المعابد الى لازم انك تشوفها

Kunaram Temple او Mummified Monk

هذا المعبد فيه مومياء لاحد رهبانهم محنط من عشرين سنه وملبسينه نظاره مزقرتينه

Wat Phra Yai او Big Buddha

هذا ارتفاعه تقريبا 12 متر ومسوينه او مطلينه من ذهب

هذا مال تبوق راسه وتبيعه

Budda's Footprint

هذا طبعه قدم موعارف من ضاحك عليهم وقايلهم هذى طبعه قدم البوذا الكبير مالهم وانه مشى بهالمكان ويعتبرونه مقدس ويعتقدون انها من 300 سنه موحوده واكو منها 8 وهذى وحده منه

والحبيب هذا ماسك عصى وحاطينه عند الباب مادرى شنو موضوعه

وهذى خريطه موقع المعبد

Wat Plai Laem

وهذا معبد فيه رسومات وفيه بعد كم بوذا داخله من ذهب

وهذيل بعض المعابد الى بالجزيره

Wat Kiri Wongkaram

Wat Sila Ngu

Wat Leam Sor Chedi

ويعتبرون هذه الاماكن انها مقدسه واماكن طاهره حسب اعتقادهم فالدخول بها يشترطون انك مو لابس شورت يعنى لبس محتشم ولا تكون لابس تكرمون احذيه او نعل تفصخهم وتدخل

يتبع .......

06-07-2006, 11:29 AM

القانون

عضو جديد

تاريخ التسجيل: Jun 2005

المشاركات: 29

Angthong National Marine Park

من افضل الرحلات الى فى كوساموى لازم الواحد يروحلها تروح تشوف الشواطئ والجزر والصخور والكائنات الحيه الى فيها لانها تعتبر محميه وطنيه بتايلند

وهذى تحجزلها عن طريق المكاتب السياحيه وتبعد تقريبا 30 دقيقه من الجزيره بالقارب السريع SpeedBoat

والرحله تتضمن قوارب التجديف لاكتشاف الجزر والكهوف الى بالجزيره

وتسلق الجبال الى بالجزيره وتشوف الكهوف الى بالجبال

والمغاصات الى بالجزيره من اروع المغاصات الى شفتها

والى مايعرف يغوص هذى انسان مسكين راح يطوفه اشياء كثيره بكل مكان

طبعا يختلف سعر الرحله حسب البكج الى انت ماخذه تبى مع غداء او بدون غداء وانا ما انصح بالاكل مالهم واذى تبى تلغى شي من الرحله لك الخيار والمواصلات من الفندق الى كل الاماكن

طبعا من الساعه 8 الصبح يمرونك الى الساعه 5 العصر يردونك

وهذى خريطتها واسامى الجزر الى فيها

وهذى خريطه تبين مكانها عن كاسوموى

يتبع .......

ومن الحدائق والاماكن الى بالجزيره فيه عندك

Samui Go Kart

وهذى طبعا بكل مدينه بتايلند موجوده هاللعبه

Monkey Theatre

وهذا عرض للقرده ممتع الصراحه يستاهل انك تروحله

وهذى خريطه موقعه

Crocodile Farm

وهذى مثل كل مزارع التماسيح بتايلند فيه عروض للتماسيح

ويفتحون من 8.30 الصبح لى الساعه 5 العصر وعندهم عرضين باليوم الاول الساعه 2 والثانى 4.30

Buffalo Fighting

مصارعة الثيران هذى رياضه قديمه بتايلند وشعبيه وفيه اكثر من حلبه بالجزيره
ورسوم الدخول للذكور 100 بات والحريم بدون رسوم بلاش

ومرات تلقى بعد مصارعه الديوك

هذى مثل ماتقول فوق البيعه
عادى كل شى موجود فى تايلند

وهذى خريطه اماكن الحلبات الى بالجزيره

Thai boxing

المصارع التايلنديه هالمره بشر هذى بالشوارع تحصل حلباتهم وفيه عنده ملاعب خاصه بالمصارعه ويسوون فيها بطولات واذى تبى تشارك ماعندهم مشكله يدربونك ويخلونك تشارك

بس اذى تكسرت مالهم شغل فيك

يتبع .......

06-07-2006, 11:30 AM

القانون

عضو جديد

تاريخ التسجيل: Jun 2005

المشاركات: 29

Samui Aquarium & Zoo

حديقه الحيوان وحوض الاكواريوم

الحديقه جميله وفيه حوض اسماك Aquarium

وداخل الاكواريوم يوجد 3 عروض لى اسود البحر

العرض الاول 10 الصبح والثانى 12 الطهر والثالث 3 العصر

والى يبى يصور مع اسود البحر يصور

وفى حديقه الحيوانات عرض النمور وعرض للطيور

عرض النمور

والى يبى يصور وياهم يصور

عرض الطيور

والحديقه تفتح من الساعه 9 الصبح لى الساعه 6 المغرب

و فيه فندق و منتجع تابع للحديقه اسمه SAMUI ORCHID RESORT 5 نجوم

فيه ثلاث حمامات سباحه وطبعا الاكواريوم وحديقه الحيوانات وهذى خريطه موقع الحديقه والمنتجع

وهذا هو رابط الموقع

Samui Aquarium & Zoo

يتبع .......

Butterfly Garden

وفيها اكثر من الف نوع من الفراشات

وتفتح يوميا من 9 الصبح الى الساعه 6

وداخلها منتجع للسكن

والى هوايته التصوير لايطوفه تصوير الفراشات

**********************************************

Snake Farm

هذا مزرعه الافاعى وفيها انواع كثيره من الافاعى والعقارب وعندهم عروض افاعى وعقارب

وعندهم عرضين باليوم اول عرض الساعه 11 الصبح والثانى 2

والى يبى يصور وياهم يصور

وهذى خريطه الحديقه تبين مكانها

وهذا رابط الموقع

Snake Farm

************************************************

Naga Pearl Farm

مزرعه اللؤلؤ وهذى مكانها بجيره Koh Matsum وتبعد عن كاسموى تقريبا 20 دقيقه بالقارب

وهذى خريطه المزرعه ومكانها وبعدها عن كاسوموى

طبعاً بالمزرعه يورونك شلون يزرعون المحار

وطريقه استخراج الؤلؤ من المحار

وبعدها يودونك المعرض اذى تبى تشترى شي منهم

وطبعا تحجزلها من مكتب سياحى والرحله تتضمن بعض الجزر الى يمها ويودونكم مكان تتسبحون فيه سنوركل مع وجبه غدا

وهذا رابط الموقع

Naga Pearl Farm

وهذا نهاية الموضوع ، وللأمانة بأن الموضوع منقول من احد المنتديات المتخصصة في هذا المجال مع بعض التغييرات الخفيفة ، واحببت ان انقله لهذا المنتدى ليعم الفائدة على الجميع مع الدعاء لصاحب الموضوع الاصلي واتمنى ان ينال على اعجابكم

06-07-2006, 11:30 AM

القانون

عضو جديد

تاريخ التسجيل: Jun 2005

المشاركات: 29

وهذه بعض الصور التي التقطتها في جزيرة كوسوماي

هذا هو المطار ، بسيط ومتواضع وبدون تعقيد

وهذا هو شاطئ Chaweng Beach

وهذه بعض الصور من جانب الرحلات

وهذه هي غرفتي التي تطل على البحر مباشرة التي اعتبرها من احسن الغرف على الشاطئ كله

وهذه هي جلستي من الصباح الباكر حتى وقت متأخر من الليل بدون ملل ، يعني راحة واستجمام

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه