السلام عليكم ورحمة الله وبركاته
أود طرح مشكلتي عليكم وأرجوا منكم نصحي وتوجيهي
أنا امرأه متزوجه منذ 3سنوات مشكلتي هي
ان زوجي يرفض أي طلب مادي أطلبه منه
طلبت منه مصروف شهري ولو شي قليل رفض وقال تاكلين وتشربين ماينقصك شي قلت الأنثى تحتاج شغلات خاصه فيها رفض وماعطاني وجه
طلبت طلباتي منه بالتقسيط عشان ماأضغط عليه لي 6 شهور من طلبتها ماجابها
وأنا أتعذر له أقول يمكن نسى خليني أذكره يمكن يستنى الراتب يمكن مايقصد بس الأمور واضحه ذكرته مرتين ثلاثه وماجاب شي ومن ردة فعله عرفت انه مطنش طلباتي بمزاجه
حتى خط ثابت ماعندي في البيت وصابره وجوالي مايشحنه الا بالحسره واذا شحنه يشحنه ب10 ريال مقدر أكلم أهلي إلا يخلص الرصيد
ولدت وبعد النفاس توقعت يهديني هديه مثل كل الناس لو شي بسيط بس للاسف مافكر يهديني شي
ايش اسوي معاه انصحوني دلوني على الاسلوب الصح انا مغرقته بالهدايا والدلع وهو يستكثر علي أقل الأشياء
انتظر نصحكم وارشادكم