السلام عليكم ورحمة الله وبركاته



نورت دنيانا رمضان بشرانا
بالعفو تلقانا بالفضل والايمان
أقبلت بالخيرات بالبر والطاعات
للفوز بالجنات للفوز بالجنات
والروح والايمان
ياعالي القدر كالكوكب الدر
بالصوم والذكر
وتلاوة القرآن


صياما مقبولا وافطارا شهيا

بما انو اليوم دوري بالمائدة الرمضانية واكلنا عادة عم يكون خفيف وبكميات قليلة
فعملت الاكل مرة وحدة لتلات أيام
وهيك بكون اخذت اجازة من المطبخ لليومين الجايين😊😊😊😊😊😊





فطونا عبارة عن مقبلات (رقاقات بالجبن -فطائر سبانخ-بطاطا بالاعشاب-بابا غنوج-متبل الافودكا)
وصنفين رئسيين وسلطة المعكرونة وسلطة الخضار
والمشروبات جلاب وعصير برتقال
والحلويات حلاوة الرز وبالوظة بالبرتقال



فيليه بالطحينة



سلمون مع الخضار وصوص الكريم بالفطر



فطائر سبانخ



سلطة المعكرونة



بابا غنوج ومتبل الافودكا




رقاقات بالجبن وبطاطا بالاعشاب




حلاوة الرز وبالوظة بالبرتقال



بنبدأ باول طبق رئيسي فيليه بالطحينة


بنستخدم اي نوع فيليه بنحبه وبننقعه بالحامض وزيت الزيتون والملح والكمون لمدة ساعة
ومتل ما بنحب فينا نشويه بالفرن وفينا نغمس الفيليه بالطحين اي الدقيق ونقليه ليصير لونه ذهبي

لتحضير الطحينة بنقلي بصل جوانح بزيت الزيتون وبس يذبلو بنضيف خليط الطرطور اي الحامض والملح والطحينة والماء والثوم
وبنحركهن ليغلي الخليط وبنطفي
وبنسكبه فوق الفيليه وبنزينه بالقلوبات (لوز- كاجو- صنوبر )والبقدونس
ويقدم الى جانبه الرز
وبالنسبة للمقادير انا ما اتبعت مقادير محددة بل اتبعت الذوق
انتوا كيف بتحبوا زيادة ملح وحامض او أنقص هالشي بيرجعلكن

طبق السلمون والخضار بصوص الكريم والفطر



فينا نستبدل السلمون بستيك اللحم او الدجاج
انا استعملت سلمون ونقعته بالملح والحامض والزيت والشومر
وبالمقلاية قليته وغطيت المقلاية بالغطا من دون تحريكهن لنضج
بنسلق اول شي الجزر وبعد عشر دقائق بنضيف البطاطا وبس يقاربوا عالنضج بنضيف البروكلي وبنسلق الهليون او فينا نستبدله بهيلون جاهز
بعد ما نخلص سلق بنحطلهن شوي زبدة ورشة ملح
اما صوص الكريم بالفطر
بنقلي بالزبدة ثوم عدد 2وبصلة متوسطة الحجم مفرومين فرم كتير ناعم حتى يذبلوا
بنضيف نصف ليتر كريما طازجة للطبخ وبنحركهن ليغلوا
بنضيف الفطر الطازج او المجفف وبنحط ملح وبهار ابيض واسود وبنطفئ النار بس نحصل على مزيج كريمي


فطائر سبانخ



العجينة :
كيلو طحين
ملعقة طعام خميرة او مكعب خميرة طازجة
ملعقة طعام سكر
ملعقة صغيرة ملح
اقل من نصف كوب زيت نباتي مخلوط بزيت زيتون
ماء حسب الحاجة
بنخلط الطحين مع باقي المكونات
وبنعجنهن بالماء حسب الحاجة لنحصل على عجينة متماسكة
بنتركها لترتاح وتختمر (انا دايما بعجن قبل بوقت وبحطها بالفريزر ووقت الاستخدام بطلعها
بتطلع الذ )
حشوة السبانخ
نصف كيلو سبانخ مفروم ناعم
2بصل حجم وسط مفروم ناعم
ملح حسب الحاجة
رشة سبع بهارات او فلفل اسود
ملعقة صغيرة سماق
عصير حامض ربع كوب او حسب الحاجة
زيت زيتون
وبنخلط المكونات مع بعض
وفينا نضيف حبة بندورة مع شطة وفينا نستغني عنهم
الطريقة
بنقطع العجينة الى قطع صغيرة على شكل كرات
وبنرقها ونوضع عليها مقدار من الحشوة وبنسكرها بالشكل اللي بنحبه
وبندهنها بزيت الزيتون ممزوج بزيت نباتي
وبندخلها على فرن حامي ليصبح لونها ذهبي

يتبع

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

بطاطا بالاعشاب


بنقطع كيلو بطاطا الى اصابع سميكة وفينا نترك القشر عليها ان كان رقيق
بننقعهن لمد ساعة بزيت الزيتون والملح وورشة كل من الاوريغانو والزعتر والريحان والبابريكا والثوم المجفف والبصل المجفف والكزبرة
وبنوضعهن على ورق الزبدة وبندخلهن الفرن لينضجوا حسب ذوقنا ان كان بنحبهن مقرمشين او نضج عادي

رقاقات بالجبنة


عجينة رقاقات
كل 400غرام جبن موزاريلا
200غرام جبنة فيتا
بقدونس مفروم ناعم
حبة البركة
رشة بهار ابيض
بنوضع الحشو على عجينة الرقاقات وبنلفها على شكل رول وبنسكرها بالطحين ممزوج بالماء لكي لا تخرج الحشوة منها
وبنقليها بزيت حامي

سلطة المعكرونة



بنسلق معكرونة الشكل اللي بنحبه ما عادا الطويلة
وبنسلقها بماء وملح وزيت زيتون
بس تنضج بنصفيها وبنضفلها ملح وزيت زيتون واوريغانو وزعتر وسماق وريحان طازج او مجفف
وبنخلطهن جيدا
وبنرجع بنضيف زيتون اسود وذرة وفطر وجبنة فيتا وفينا نضيف فليفلة خضرا
وبنخلطهن مرة تانية وبنقدمها كسلطة


سلطة الخضار



سبانخ -جزر
خيار -بندورة كرزية
شمندر-أفودكا
بنستعمل الصوص اللي بنفضلها جاهزة او اللي بنعملها بالبيت


بابا غنوج ومتبل الافودكا




نشوي باذنجان ونزيل عنهم القشر ونطحنهم
ونضيف الملح والحامض والطحينة والقليل من الثوم ونضع على الوجه رمان وزيت الزيتون
الافوكا
ننزع النوى من الافودكا ونهرسها بواسطة الشوكة ونتبلها بالحامض والملح وقليل من الثوم ويمكن الاستغناء عن الثوم


بالوظة بالبرتقال
هيدي الوصفة اعطتني ياها رفيقتي



5اكواب حليب سائل
5ملاعق طعام نشاء
10ملاعق طعام سكر
ملعقة وسط فانيلا
ماء ورد وماء زهر
2كوب برتقال
ملعقة نشا

اول شي بنذوب 5اكواب من الحليب مع خمس ملاعق نشا
بنوضعهن على النار مع التحريك باستمرار
وعندما يتكاثفوا نضع السكر والفانيلا وماء الورد والزهر
ونتستمر بتحريكهن ليتماسك المزيج
نسكب الخليط في كاسات ونتركها تبرد
اثناء ذلك نذوب ملعقتين نشا في كوبين من عصير البرتقال ونضعهم على النار مع التحريك ليشتدوا ونسكبهن فوق الطبقة الاولى
وفينا نضيف سكر
وفينا من دونها ونخلي طعم الحموضة مع الحلو بنغس الوقت



حلاوة الرز




1/2كوب رز مطحون او كوب ارز مصري
3اكواب ماء
كوب سكر
2كوب جبن موزاريلا او عكاوي مبروشة
مستكة
ماء الورد والزهر

اول شي اذا استعملنا رز مطحون
بنوضع الرز في مقلاة مع تلات اكواب ماء وبنحركهم ليتكاثفوا
عندها نضع كوب السكر وماء الورد والزهر والمستكة ونستمر بالتحريك
سنلاحظ ان المزيج سيرخي بعد وضع السكر فنستمر بالتحريك الى ان يشتد
ونضع الجبنة المبروشة الى ان تذوب ونطفى النار
نسكبها في كاسات او وعاء كبير ونزينها بالفستق الحلبي
ممكن نضيف القشطة العربية الطازجة على الوجه
وتقدم مع القطر او بدونها حسب الذوق
وفي حال استعملنا الجبن العكاوي يحتاح ان ينقع في الماء ونبدل الماء كل فترة لكي نزيل الملح منه
ما اذا استعملنا الارز المصري فسأنزل اليوم الطريقة في موضوع مستقل

تقبل الله صالح اعمالنا واعمالكن واعاده عليكم وعلى احبائكم بالخير والبركة
ايام ونودع شهر رمضان ونستقبل عيد الفطر
اسأل الله ان يبلغكم صيام وقيام ما تبقى منه
وكل عام وانتم بألف خير 💞💞💞💞💞💞💞💞💞
💖💖💖💖💖💖💖💖💖💖💖💖💖💖

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

السلام عليكم ورحمة الله ..

ما شاء الله ولا قوة إلا بالله
تسلم الأيادي ميمو ، وبالعافية عليكم يارب
أطباق جميلة و صحية ، وسفرة أنيقة وجميلة مثلك ..

كتير حبيت طبق السلمون بالخضار والصوص ، لكن ممكن أستبدل السلمون بالستيك اللحم ..
وكمان متبل الأفوكادو روعة ...

البالوظة حلى شامي لذيذ وسهل ، وطالع معك روعة تسسلم الأيادي ..

بارك الله فيك ، بالتوفيق يارب ...
كل ودي لك

__________________

ماشالله تبارك الله
انتي زوق واكلك زوق وطيب متلك

ماشاء الله تبارك الله

تسلم الايادي والله

شو هالسفره الجمييله عساه اكل العافيه والله يكتب اجرك

ابداع واحسه لذييذ

متعوب عليها وااضح مجهودك

الله يعطيك الف عافية

وه ماشاءالله تبارك الله
أطباق شهيه تسلم الايادي ..

__________________

الله يسلمك ويعافيكي يا عسل 😙😙😙😙😙
تسلميلي عالكلام الحلو اللي متلك حبيبتي مؤيدة 💖💖💖💖
ايه اكيد بيجي طيب بالستيك اللحمة او صدر الدجاج
وهلئ صححت كلمة بالوظة رفيقتي كتبتلي الاسم والوصفة بالاحرف الاجنبية فقريتها بحرف ز بدل ظ ههههه
وهي مرت خيها من سوريا علمتها ياها وكتير عجبتني وعجبت الاولاد
الله يبارك بعمرك واحبابك
محبتي وودي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حبيبتي جنا تسلميلي عالكلام الحلو والانيق متلك😙😙😙😙😙
مرسي يا عسل نورتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حبيبتي يا ملكة شو هالكلام الحلو 😙😙😙
ربي يحلي ايامك
مرسي يا عسل هيدا من ذوقك💞💞💞💞💞
والله يسلمك ويعافيكي
نورتي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه