السلام عليكم ورحمةالله وبركاته
في الحقيقة ما بعرف ازا كانت مشكلتي تتوافق ومواضيع هذا المنتدى اولا
انا اخترت اني اطرح موضوعي بها المنتدى بذات لما لاحظته من رفاعة مستوى المشتركين و اهتمامهم الزائد باسداء النصائح لذوي المشكلات
انا بنت من احدى دول المغرب العربي وفي شاب من احدى بلاد الشام بيحبني وبدو يخطبني بس ومتل العادة اهلي رفضو الفكرة ومارح تتصورو ابدا السبب لانو انا ما اتصورتو
اهلي معارضين لانو شرقي مو من بلدي هل اختلاف الجنسيات يكون سبب مقنع لرفض متل ها النوع من الزيجات ?انا عن نفسي غير مقتنعة بدي لاقي حدا مقتنع مشان يفهمني وبطريقة منطقية لحتى استوعب انو سبب يخلي الاهل يحرموني من شخص كتييييير بحبوا.
ولما سالت اهلي بعد كتير اسئلة كنت بسالها لحتىاقتنع بكلامهم وكان سؤالي هذا كنوع من محاولة لاقناعهم
شو يلي زاعجكم مافي احسن من ها الزيجة على الاقل بيكون لدي وطن تاني غير وطني الاصلي ما في احلى مين هيك ردوا علي بقولهم انو هدا يلي مخوفنا انك تكوني بعيدة عنا ببلد ما الك فيه حدا ببلد ما الك وضع مهني مسلا يضمنلك انك تعيشي بكرامة لانو ايمتا ما بيتركك زوجك بتصفي بالشارع لانو مافي اهل او مافي وضع معين ببلد غريب يعني باختصار بتتبهدلي على حسب تعبيرهم
وانا اقول ليش الواحد لما بدوا يتجوز يفكر بالطلاق والبهدلة لا سمح الله انا بشوف انو هاد من علم الله اي من علم الغيب ونحنا مومطلعين عليه فليش دائما بنفكر بالاسوء
وبعدين كيف انا رح يكون لي وضع بالاردن وانا بالجزائر
بصراحة بحياتي ما حسيت بياس متل ها المرة محتارة شو بدي ساوي لانو ها الشخص كتير بحبوا وبدي ياه ودخلت معركة ضد اهلي واحد مقابل عشرين شخص معقول واحد بيغلب عشرين معركة خسرانة مو
ارجو منكم الاهتمام بمشكلتي متل ما كنتوا تهتموا بمشاكل الاخريين من رواد هذا المنتدى لانو بالفعل اريدحلا

أختي الكريمة .. الأهل بفكروا دايما بطريقة غير اولادهم .. يعني أكيد رح يفكروا أنه الشاب من غير بلد فعنده خلفية غير .. و عادات و تقاليد غير ..
الزواج مش حب و بس .. لازم يكون في تفاهم .. و يكون عقلك على عقله و كل شي ..
لأنه بعد الزواج بتتغير الحياة .. و الحب ساعتها ما بفيد وحده .. !!
و الله يسهلك و يوفقك

اولا شي بشكرك على الرد وعلى الاهتمام وطبعا ان بحترم رايك بس بدي قلك شغلة انو اختلاف العادات والتقاليد بالبلدان العربية غير موجود لانو كلنا مسلمين وكلنا عرب الاختلاف الي عم تحكي عنو يكون موجود بين الاروبين مسلا والعرب نحنا عادتنا وتقاليدنا وتفكيرنا مشترك او مافي فرق ازا كلامي غلط بدي حدا يصححلي

نقل الى عالم المقبلين على الزواج حيث مكانه المناسب مع تعديل على العنوان ليتناسب مع المضمون .

اختي العزيزة احب اشاركك بموضوعك انا عراقية وعايشة باليمن صارلي ثلاث سنوات ومن خلال عملي اتعرفت على مهندس معي فلسطيني وبالرغم من انه انا كنت احب ان اتزوج من بلدي لانه انا الوحيدة لاهلي ومااحب ابقى غريبة عن بلدي يعني بالاخير راح ارجع للوطن بس النصيب انه خطبني المهندس الفلسطيني واهلي في البداية عارضوا لانه من غير بلد ومن هذا الكلام ......الخ وبعدين وفقوا لانه انا كبيرة وفاهمة واكيد باعرف الشاب واخلاقه كثير منيحة ومؤدب كثير ومتدين هذا اهم شي وصارلنا مخطوبين خمسة أشهر والزواج عن قريب ان شاء الله.
فاختي كل شي بالتفاهم واحكيلهم لاهلك خلي يشوفون الولد يتعرفون عليه يمكن اخلاقه حلوة كثير ومراح تلاقيها بغير شخص. ونصيحة اخيرة الك (كل شي قسمة ونصيب حبيبتي) لانه ياما بنات حبوا واتحبوا وانخطبوا وفسخوا واتزوجوا وطلقوا ( بعيد الشر عنكم ) بس كل شي قسمة ونصيب ورب العالمين وحده اللي يعرف الغيب.

الاخت.........
من المعروف ان الله سبحان وتعالي لم يذكر في القرآن (غير ناسي سبحانه) توصية الوالدين علي الأبناء بل العكس هو الصحيح. وعلية هما يرجوا لكي الخير. المهم انهم لم يفرضوا عليك شخص انتي لا ترغبين بالارطبا بة.