انا لاحظت من فتره ان المواضيع كثرت عن دخول النت وكيف الشباب يفضلون البنت اللي ماتدخله

وخوف بعض البنات من البوح لخطيبهم عن دخوله

اتمنى من الشباب التفكير بعقلانيه ومو كل بنت تدخل النت رايحة فيها وينكم عن التطور العالم وين وصل

وانتو موقفين على النت والبنات مو تخبي على خطيبك انك تدخليه ولا تقوليله على طول بالتدريج

وبالاسلوب الزين اذا كان من النوع الشاد في موضوع النت شوي

انا خطيبي يعرفني مدمنة انترنت بس ماكنت ادخل الشات ابدا لفكرتي عنه بعدين قلت لخطيبي ابي ادخل الشات واشوفه

المهم خلاني ادخل وراواني اياه بعدين صرت ادخله لمدة شهر تقريبا وكنت اقول لخطيبي كل شي من اللي اشوفه

هو طبعا بحركته هاذي يبيني اتركه لوحدي بدون تدخله يبي اشوف انه مو زين عشان ابد ما ادخله

لاتفتكروا خطيبي مايغار كان يموت غيره بس مايقول بس كان يحذرني ما اكلم شباب ابد

المهم انا عجبني الشات ومسخرته وكل جديد لذيذ صح قالي بعدمرور اسبوعين تقريبا من دخولي اتركي الشات خلاص

وانا كنت تعودت عليه ولان كان عندي وقت فراغ كبير حاولت اتركه بس ماقدرت دخلت بدون علمه لاكن كان اذكى مني

وعرف المكان اللي ادخله ودخله وحاول بكل جهده ادخل معاه خاص وبعد محاولات مستميته دخلت وقلتله نعم وش بغيت المهم حاول ينصحني

وانا لما كنت ادخل لما يسالوني مخطوبه اقولهم مخطوبه وان خطيبي مايرضا اكلم شباب

بعدين حاول ينصحي اني جالسه اخون ثقة خطيبي واني لازم اطلع من ذا العالم اللي مافيه فايده

وكلام كثير من اخ لاخته

وبعد كذا حسيت بتانيب الضمير وليش اسوي كذا وانا حسيت بالملل من ذي السخافة علما اني ادخل لمسخرة بس وتضييع وقت

واحب خطيبي كثيييييييييييييييييييييييير


بعد ماتركت الشات بفتره كنت جالسه اتكلم مع خطيبي وصارحته وقلتله اني دخلت الشات بعد مامنعتني وقلتله عن كلام الشخص اللي نصحني اتركه

وكان وانا اكلمه يبتسم وبعد محاولات قالي انا اللي كنت اكلمك هنا حسيت باحراج كبير واني صغيره قدامه واني ما اسوى

لانه كان يدخل بالبدايه يراقب كلامي ويشوف اللي يبون يتقربون مني وكان يحاول يكلمني بس يتركني ويدخل باليوم الثاني لين قدر يخليني اكلمه

طبعا كلامي كله ضحك ومسخره مافي اي شي ولا احب اكلم احد خاص لابنات ولاشباب عشان لاتاخدوا فكرة عني

الخلاصة من الموضوع ابيكم تاخوا المشاكل برويه لاتاخدوها بالعجلة تندموا وخليكم حكيمين بتصرفاتكم

وكل مشكلة ليها حل بس لو نفكر شويه واذا بترفضوا لشي لخطيباتكم حاولو تبينوا مساوءه مو ترفضوه وانتهى الموضوع هذا للشباب طبعا

اما للبنات خليكي عند حسن ضن زوجك او خطيبك لاتخوني ثقته ابد وحاولي تشوفي الفايدة اللي بتجنيها من اللي بتسويه قبل خليكي صريحة معاه وابتعدي عن الكذب

لا تقولي تسليه مو عذر اشغلي حالك باي شي واتركي الخرابيط والكلام الفاضي

انا خطيبي كبر بعيني كثييييييييييييييييييير بعد اللي صار وشفت ردة فعله

وسلامتكم اتمنى اتكونو استفدتوا لو بجزء بسيط

__________________

	"اللهم رافةً بي" .. فانك على كل شي قادر .. ارزقني بالزوجة التي تقر ناظري .. وتسعى في ارضائي .. وتمشي في هواي .. وارزقني اللهم الجنان .. واجمعني فيها بزوجتي واولادي واهلي والخلان .. وزوجني يا ربي بالحـــــــــــــور الحسان .. "اللهم آمين"

ظلم الناس تصدق فرحت كثيييييييييييييييييييييييييير بردك على الاقل عبرتني وقلت رايك

كلامك صحيح بس مو كل المنتديات فيها لعب انا في بعض المنتديات تجيني رسايل يبون يتعرفون بس ولا اعبرهم
حتى لو كانو بنات

اتمنى الردود من الاعضاء اللي يشوفوا الموضوع ولو بشكر بس يالله اهم شي تستفيدوا

ماتوقعتها منكم ابد

خليتوني اندم اني حطيت لكم شي من واقع تجربتي

مشكورين اللي مرو بدون تعليق

على العكس يانور الغدير

انت كبرت جدا في نظر العقلا والعاقلات

بعد شرحك لتجربتك مع الشات

لاسيما وكنت انت المنتصرة على كل اغراء

الهروب من الشات اوغيره لايحمي اي فتاة من السقوط في الغلط

ما لم يكن عندها شخصية قادرة على التفريق بين الصواب والخطاء

ما لم يكن هناك رقيب في قلب الفتاة وعقلها يردعها عن الخطر فلن ينفعها اي هروب كاذب من خارجها

صباح الخير أختي نور الغدير

ماشاء الله خطيبك عقلاني ومتفهم


بالفعل الشات مسخرة وانيميا أخلاقية ومعظم الكلام الي فيه مايرضي الله ورسولة ........ياترى ايه فائدته؟؟؟


لاتندمي متأكدة ان الأعضاء الي مروا استفادوا وأنا أولهم


يارب احفظنا واحفظ بنات المسلمين


تحياتي

كفشك هههههههه
ما شاء الله عليه طلع حكيم وعقله كبير الله يحميه ويخليه لك يارب..
اتمنى اتكونو استفدتوا لو بجزء بسيط(كتييييير تصدقي احس كل يوم اتعلم شيء جديد في دا المنتدى وخاصه من التجارب الشخصيه)
الله يوفقك ويسعدك مع خطيبك
أختك سبيال
انتظر مزيد من (تجاربك)بس لا تكون زي دي ههههه

بكل صراحة وعدم تجريح كلامك سليم وتصرف زوجك سليم وغايتك سليمة ولكن وسيلتك بكل أسف غير

صحيحة وخاطئة جدا جدا جدا أقل شي عدم الأهتمام باأحاسيس الطرف الآخر إلي هو زوجك خصوصا إذا

زاد ذا الشي عن حده إلى درجة خليتيه يشيك من وراك ويتأكد صحيح وحاس أن هذا الشئ فيه تسلية

ومتعة ولكن على المدى الطويل للعلاقة الزوجية يظل الشات دودة تنخر في كيان الثقة وتغطي الغيرة

وتظهرها بشكل ممقوت وسلامتكم

مشكور اخوي صقر الجنوب على ردك الرائع وكلامك جدا سليم احس تجربتي علمتني اشياء كثيرة

وعلى قولتهم الواحد مايتعلم الا اذا اخطا والحمدالله خطأئي مو كبير كثير مو معنات هذا اني اصغر اللي سويته

بالعكس اللي سويته كان اكبر غلط في حق نفسي ثم في حق خطيبي لاني الاكثر تضررا من واقع التجربه

نجلاء مشكورة على مرورك الكريم واللي فرحني كثيير

ومثل ماقلتي كلام الشات مسخره وكلام بذئ

توقعت ينطرح فيه موضوع وتكون الاراء ورا بعض يعني اسرع بس طلع غير ماتوقعت

والفضول وحب التجربه هو اللي دفعني

بس ماعمري جربت اني ادخله قبل من خوفي على نفسي